តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១ម៉ឺន ២ពាន់ ២៤៨ករណី និងការស្លាប់ថ្មីមានចំនួន ២៥នាក់ ។ តួលេខឆ្លងនៅថ្ងៃនេះ មាន ការកើនឡើងចំនួន ២ពាន់ ២៧៤ករណី ប៉ុន្តែការស្លាប់មានការថយចុះចំនួន ៣០នាក់ បើ ប្រៀបធៀបនិងម្សិលមិញ ។ ប្រទេសថៃ គឺជាប្រទេសដែលមានតួលេខឆ្លងច្រើន ជាងគេ ដដែលថ្ងៃនេះ។ ដោយឡែកប្រទេសកម្ពុជា គឺជាប្រទេសដែលមិនមានករណីឆ្លងថ្មីនោះឡើយ ។

ខេត្តសៀមរាបបានប្រារព្ធេទិវាចងចាំអំពើកាប់សម្លាប់រង្គាលរបស់របបវាលពិឃាតកម្ពុជាប្រជាធិបតេយ្យ។ ទិវា២០ឧសភា គឺជាទិវាដែលកម្ពុជាតែងធ្វើរៀងរាល់ឆ្នាំដើម្បីការចងចាំទុកមិន ឱ្យរបបអតិតកាលសម្លាប់មនុស្សនេះ វិលត្រឡប់មកកម្ពុជាវិញឡើយ។

ឃ្លាំងអេតចាយ ១កន្លែង នៅខណ្ឌសែនសុខ ត្រូវបានអគ្គិភ័យឆាបឆេះនៅថ្ងៃពុធនេះ ដោយ បំផ្លាញបន្ទប់ស្នាក់នៅ៤បន្ទប់ និងសម្ភារៈមួយចំនួន។ ហេតុការណ៍ បានកើតឡើងនៅតាមបណ្តោយផ្លូវបេតុង ភូមិស្លែងរលីង សង្កាត់អូរបែកក្អម ក្នុងខណ្ឌសែនសុខ រាជធានីភ្នំពេញ។

វិហារអាយុជាងពាក់កណ្តាលសតវត្សក្នុងខេត្តកំពត ត្រូវបានកសាងសាជាថ្មី និងពិធីបញ្ចុះ ខណ្ឌសីមាបានធ្វើនៅថ្ងៃទី១៨ឧសភានេះ ក្រោមអធិបតីភាពបណ្ឌិត ហ៊ុន ម៉ាណែត។

បេក្ខភាពក្រុមប្រឹក្សាឃុំ, សមាជិកបក្សភ្លើងទៀន និងសមាជិកអតីតបក្សសង្រោះជាតិ ជាង ២០០នាក់ នៅស្រុកសេសានខេត្តស្ទឹងត្រែង បានសម្រេចចូលរួមសកម្មភាពនយោបាយ ជាមួយគណបក្ស ប្រជាជនកម្ពុជា។ ពិធីស្វាគមន៍សមាជិកថ្មីទាំងនោះ បានធ្វើឡើងនៅថ្ងៃ អង្គារ ទី១៧ ខែឧសភា ឆ្នាំ២០២២កន្លងទៅនេះ ក្រោមវត្តមានចូលរួមពីមន្ត្រីគណបក្សប្រជាជនកម្ពុជា លោក យូ សិរីវុឌ្ឍ។

សម្តេចក្រឡាហោម ស ខេង បានអំពាវនាវពលរដ្ឋគ្រប់គណបក្សនយោបាយ ត្រូវនាំគ្នាចូល រួមបោះឆ្នោតឃុំនិងសង្កាត់ ដែលនឹងមកដល់ប្រមាណ១៨ថ្ងៃទៅមុខទៀតនេះ។ ប្រសាសន៍អំ ពាវនាវនេះ បានធ្វើឡើងក្នុងឳកាសសម្ពោធសមិទ្ធផលមួយចំនួនក្នុងខេត្តព្រះវិហារនៅថ្ងៃទី ១៨ឧសភានេះ។

នៅសល់តែប្រមាណមិនដល់៤៨ម៉ោងមុនការចេញដំណើរពីប្រទេសកម្ពុជាទៅកាន់ប្រទេស ស្វីសដើម្បីចូលរួមក្នុងវេទិកាសេដ្ឋកិច្ចពិភពលោក, ពលរដ្ឋខ្មែរពីបណ្តាប្រទេសនៅអឺរ៉ុប បាន បន្តបញ្ជួនសារស្វាគមន៍ដំណើរទស្សនកិច្ចរបស់សម្តេចជាបន្ថែមទៀត។

ការដោះដូរពាណិជ្ជកម្មរវាងកម្ពុជាជាមួយនឹងទីផ្សារអន្តរជាតិក្នុងរយៈពេល៤ខែដើមឆ្នាំនេះ មានទំហំទឹកប្រាក់ជាង១ម៉ឺន៧ពាន់ ៦០០លានដុល្លារ ។ យោងតាមអគ្គនាយកដ្ឋានគយ, ទំហំ ដោះដូរពាណិជ្ជកម្មនេះ បានកើនឡើងជាង ២ពាន់៣រយលានដុល្លារ ធៀបនឹង៤ខែឆ្នាំ២០២១ ក្នុងនោះទំហំនៃការនាំចេញមានទឹកប្រាក់ ៧ពាន់៦០០លានដុល្លារ ដែលកើនឡើង៣២.១% និងទំហំនៃការនាំចូល មានទឹកប្រាក់១០ពាន់លានដុល្លារ ដែលកើនឡើង៥.៤%។