ពលរដ្ឋបានបន្តសម្រុកចាក់វ៉ាក់សាំងដូសជម្រុញ ខណៈមានការអំពាវនាវពីប្រមុខដឹកនាំ រាជរដ្ឋាភិបាលដើម្បីការជួយបង្កើនភាពស៊ាំកាន់តែខ្លាំងក្នុងសហគមន៍។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៦ម៉ឺន ៣ពាន់ ៦១៤ករណី ចំណែកការស្លាប់មានចំនួន ៥០៩នាក់ ។ តួលេខឆ្លងក្នុង៧២ម៉ោង នៃសប្តាហ៍នេះ មានការថយចុះចំនួន ៨ម៉ឺន ៨ពាន់ ៤៧ករណី និងការស្លាប់ក៏បានថយចុះ ចំនួន ១៣៩នាក់ ផងដែរ បើប្រៀបធៀបនឹងសប្តាហ៍មុន ។ ក្នុងសប្តាហ៍នេះ ប្រទេសថៃ ជាប្រទេសដែលមានតួលេខឆ្លងច្រើនជាងគេ ចំណែកប្រទេសកម្ពុជា ជាប្រទេសដែល មានតួលេខឆ្លងតិចជាងគេដដែល ។

តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ មានតែ២ករណីទេ ខណៈម្សិលមិញ មាន១ករណីដោយសារតែគោលនយោបាយចាក់ស្រោចស្រពវ៉ាក់សាំងទូទាំងប្រទេសដែល បង្កើតភាពស៊ាំក្នុងសហគមន៍។

តួលេខភ្ញៀវជាតិនិងអន្តរជាតិដើរកំសាន្តនាចុងសប្តាហ៍កន្លងមកនេះ មានចំនួន៣២ម៉ឺននាក់ ដែលស្ថិតក្នុងតួលេខកើនឡើងក្នុងស្ថានភាពដែលការឆ្លងកូវីដ១៩នៅមិនទាន់ស្ងប់នៅឡើយ។

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានបន្តសកម្មភាពមនុស្សធម៌របស់ ខ្លួនសាឡើងវិញតាមបណ្តាខេត្ត និងទីកន្លែងនានាក្រោយដំណាក់កាលឆ្លងកូវីដ១៩បានថម ថយដោយសារតែនយោបាយចាក់ស្រោចស្រពវ៉ាក់សាំងនៅទូទាំងប្រទេស។