ទំហំនាំចេញផលិតផលកាត់ដេរ ក្នុងត្រីមាសដំបូងឆ្នាំ ២០២២ មានចំនួនទឹកប្រាក់ប្រមាណ ជា ៣ពាន់១៥៥ លានដុល្លារអាមេរិក។  ក្រសួងហិរញ្ញវត្ថុ បានថ្លែងថាទំហំនាំចេញនេះ បាន កើនឡើងជាង ៦២៧ លានដុល្លារអាមេរិក ដែលស្មើនឹង ២៤.៨% ប្រៀបធៀបរយៈពេលដូច គ្នានៃឆ្នាំ ២០២១។

កម្ពុជាទទួលបានចំណូលជាង ៩៩លានដុល្លារ ពីការនាំចេញជ័រកៅស៊ូ និងឈើកៅស៊ូ នៅត្រី មាសទី១ ឆ្នាំ២០២២ ។ យោងតាមរបាយការណ៍របស់អគ្គនាយកដ្ឋានកៅស៊ូ, ចំណូលសរុប ក្នុងត្រីមាសទី១ ឆ្នាំ២០២២ ពីការនាំចេញជ័រកៅស៊ូ និងឈើកៅស៊ូ មានចំនួន ៩៩លាន១៤ម៉ឺន ៦ពាន់៩៧០ដុល្លារ ក្នុងនោះ ចំណូលពីការនាំចេញជ័រកៅស៊ូ ចំនួន៩៨លាន៥៦ម៉ឺន ២៧០ ដុល្លារ និងចំណូលពីការនាំចេញឈើកៅស៊ូ ចំនួន៥៨ម៉ឺន៦ពាន់៧០០ដុល្លារ។

វិហារសសរ១០០ក្នុងខេត្តក្រចេះ គឺជារមណីយដ្ឋានប្រវត្តិសាស្ត្រមួយដែលបន្សល់ទុក តាំងពី សតវត្សទី១៦។ វិហារសសរមួយរយ បានល្បីឈ្មោះដល់ភ្ញៀវទេសចរនានា គឺដោយសារ តែរឿងនិទាននៃប្រវត្តិ និងទីកន្លែងសក្ការៈបូជាចំពោះពុទ្ធបរស័ទ។ វិហារសសរមួយរយ មានទី តាំង ស្ថិតក្នុងឃុំសំបូរ ស្រុកសំបូរ ខេត្តក្រចេះ។ តើប្រវត្តិនិងលក្ខណៈពិសេសនៃប្រាសាទ វិហារសសរ១០០នោះ មាន យ៉ាងណាខ្លះ?

តួលេខភ្ញៀវទេសចរកំសាន្តក្នុងរាជធានីភ្នំពេញ មានចំនួនជាង២២ម៉ឺននាក់ដែលតិចជាង ភ្ញៀវទេសចរតាមបណ្តាខេត្តនានា។ នៅជាមួយគ្នានេះផងដែរ, បទល្មើសព្រហ្មទណ្ឌមាន តែមួយករណីប៉ុណ្ណោះ គឺករណីឆក់កាបូបលើផ្លូវសាធារណៈនៅខណ្ឌឫស្សីកែវ ប៉ុន្តែជនសង្ស័យមិនអាចរត់គេចពីកណ្តាប់ដៃសមត្ថកិច្ចបានឡើយ។

តួលេខភ្ញៀវទេសចរក្នុងពិធីបុណ្យចូលឆ្នាំរយៈពេល៣ថ្ងៃកន្លងមកនេះ មានច្រើនលាន នាក់ដែលជាចំនួនច្រើនលើសពីការរំពឹងទុក។ រដ្ឋមន្ត្រីក្រសួងទេសចរណ៍លោក ថោង ខុន បានថ្លែងថាបុណ្យចូលឆ្នាំ៣ថ្ងៃនិងថែមថ្ងៃអាទិត្យ១ថ្ងៃទៀត គឺចាប់ពីថ្ងៃទី១៤ដល់១៧ មេសា ឆ្នាំ២០២២, ភ្ញៀវទេសចរដើរលេងកំសាន្តមានសរុប៥លាន១៧ម៉ឺន៥ពាន់៧៥៤នាក់ ក្នុងនោះ មានភ្ញៀវជាតិ៥លាន១៤ម៉ឺន៤៩៥នាក់ និងភ្ញៀវបរទេសផ្ទៃក្នុង៣ម៉ឺន៥ពាន់២៥៩ នាក់។

កម្ពុជាបានបន្តសម្រុកការចាក់វ៉ាក់សាំងដូសជម្រុញ បើទោះបីជាបានស្ថិតក្នុងពិធីបុណ្យចូល ឆ្នាំក៏ដោយ។ យោងតាមក្រសួងសុខាភិបាល តួលេខអ្នកចាក់វ៉ាក់សាំងដូសទី៣ ក្នុងរយៈពេល ៤ថ្ងៃនៃពិធីបុណ្យចូលឆ្នាំមកនេះ បានចំនួន ៣ម៉ឺន ៣ពាន់ ២៨០នាក់ ។

កម្ពុជាកំពុងពិនិត្យស្ថានភាពវិវត្តន៍ឆ្លងនៃជម្ងឺកូវីដ១៩ក្រោយថ្ងៃបុណ្យចូលឆ្នាំខ្មែរ ខណៈតួ លេខ២៤ម៉ោងចុងក្រោយនេះ មានចំនួន១៦ករណី។

គណៈកម្មាធិការជាតិរៀបចំការបោះឆ្នោត បានបញ្ចប់ដំណើរការពិនិត្យចំពោះបណ្តឹងបញ្ជី បេក្ខជន ខណៈបញ្ជីបេក្ខជនចំនួន១៣ ត្រូវបានលុប។ អ្នកនាំពាក្យគណៈកម្មាធិការជាតិ រៀប ចំការបោះឆ្នោត លោក ហង្ស ពុទ្ធា បានថ្លែងនៅថ្ងៃទី១៨ ខែមេសានេះថា គិតមកទល់ពេលនេះ ដំណាក់កាលពិនិត្យទៅលើបណ្តឹងរបស់គណបក្សនយោបាយ និងប្រជាពលរដ្ឋបានបញ្ចប់ រួចរាល់១០០ភាគរយ។