វ៉ាក់សាំងចិន៥លានដូសក្នុងចំណោមវ៉ាក់សាំងជំនួយបន្ថែម២០លានដូសរបស់រដ្ឋាភិបាលចិន ត្រូវបានដឹកមកដល់កម្ពុជាកាលពីព្រឹកមិញ ខណៈការដឹក២ជើងទៀតនឹងមកដល់ថ្ងៃស្អែក។ រដ្ឋលេខាធិការក្រសួងសុខាភិបាលលោកស្រី យក់ សម្បត្តិ ក្នុងឱកាសទៅទទួលវ៉ាក់សាំងជំនួយ បានថ្លែងថាប្រទេសចិនគឺជាប្រទេសដែលបានផ្តល់វ៉ាក់មកកម្ពុជាច្រើនជាងគេបង្អស់។

បេក្ខជនគណបក្សភ្លើងទៀនចំនួន៣រូប និងបេក្ខជនឈរឈ្មោះគណបក្សឆន្ទៈខ្មែរ ដែលឈរ  នៅសង្កាត់ផ្សារថ្មីទី៣ក្នុងខណ្ឌដូនពេញ រាជធានីភ្នំពេញ ត្រូវបានគេលុបឈ្មោះចេញពីបញ្ជី បន្ទាប់ពីមានសវនាការរបស់ក្រុមប្រឹក្សាជំនុំជំរះគណៈកម្មាធិការជាតិរៀបចំការបោះឆ្នោត នៅ ថ្ងៃទី២៩មីនានេះ។ 

គណៈកម្មាធិការជាតិរៀបចំការបោះឆ្នោត គជប បានបដិសេធការចុះបញ្ជីបេក្ខជនគណបក្សភ្លើង ទៀននៅឃុំកណ្ដៀង ស្រុកកណ្ដៀង ខេត្តពោធិ៍សាត់, លុបចោលបញ្ជីបេក្ខជនឈរឈ្មោះបោះឆ្នោត នៃគណបក្សសំបុកឃ្មុំសង្គមប្រជាធិបតេយ្យ នៅសង្កាត់វាលវង់ ខណ្ឌ៧ មករា រាជធានីភ្នំពេញ និងលុបឈ្មោះស្ត្រីបេក្ខជនគណបក្សភ្លើងទៀតម្នាក់ឈ្មោះ គង់ ឡេង នៅសង្កាត់វាលវង់ នៃខណ្ឌ៧ មករា។

សង្គ្រាមក្នុងប្រទេសអ៊ុយក្រែន បានឈានចូលថ្ងៃទី៣៤ហើយ ខណៈមេដឹកនាំយោធាអ៊ុយ ក្រែនជំរុញប្រទេសលោកខាងលិចត្រូវបន្តការផ្តល់ជំនួយយោធាមកអ៊ុយក្រែនបន្ថែមទៀត។  

ស្ពានអាកាស និងផ្លូវក្រោមដីចោមចៅ នឹងបើកសម្ពោធ ដាក់ឲ្យប្រើប្រាស់ជាផ្លូវការនៅថ្ងៃ ទី៣១មីនានេះហើយ ក្រោមវត្តមានចូលរួមដ៏ខ្ពង់ខ្ពស់ពីសម្ដេចនាយកដ្ឋមន្ត្រី ហ៊ុន សែន។ ស្ពានអាកាសនិងផ្លូវក្រោមដីចោមចៅ គឺជាគម្រោងរបស់រាជរដ្ឋាភិបាលកម្ពុជា និងស្ពាននេះ បានប្រើប្រាស់រយៈពេលសាងសង់៣០ខែ និងចំណាយថវិកា២២លានដុល្លារ។