សមត្ថកិច្ចបញ្ជាក់ថា ហេតុការណ៍បានកើតឡើង នៅព្រឹកព្រលឹមថ្ងៃទី២៤ មីនា ២០២២ នៅលើផ្លូវក្រវ៉ាត់ក្រុង ៥០ម៉ែត្រ ភូមិពាម សង្កាត់ព្រៃស ខណ្ឌដង្កោ រាជធានីភ្នំពេញ ។ សេចក្តី រាយការណ៍បានឱ្យដឹងថាក្រុមជនសង្ស័យចោរប្លន់ចំនួន៦នាក់ជាមួយនឹងម៉ូតូ៣គ្រឿង បាន ព្យាយាមប្លន់ អ្នកជិះម៉ូតូ សេ១២៥ ពណ៌ខ្មៅ ពាក់ស្លាកលេខ ភ្នំពេញ 1JC-4840 ក្នុងពេល កំពុងធ្វើដំណើរនៅលើផ្លូវម្នាក់ឯងវេលាព្រឹកម៉ោង៦កន្លះ។

បុរសម្នាក់ដែលបានចូលប្លន់ក្នុងហាង Internet មួយកន្លែងក្នុងខណ្ឌទួលគោករាជធានីភ្នំពេញ ត្រូវបានសមត្ថកិច្ចចាប់ខ្លួនបានក្រោយការរត់គេចខ្លួនប្រមាណ៥ថ្ងៃក្រោយមក។ ជនសង្ស័យ អាយុ២៨ឆ្នាំឈ្មោះ ធី បូរ៉ាឌី ត្រូវបានចាប់ខ្លួនកាលពីរសៀលថ្ងៃទី២១ ខែមីនា នៅសង្កាត់ចតុ មុខ នៃខណ្ឌដូនពេញ។

វាគ្មិនសកម្មម្នាក់ក្នុងកម្មវិធីអង្គព្រោកប្រាជ្ញ លោក ខាន់ សុវណ្ណ បានទទួលមរណភាពខណៈ កំពុងធ្វើដំណើរតាមជើងយន្តហោះចេញទៅព្យាបាលក្នុងប្រទេសឥណ្ឌា។

ជំនួបរកដំណោះស្រាយបញ្ចប់វិវាទរវាងតំណាងកម្មករនិយោជិត និងក្រុមហ៊ុនណាហ្គាវើលដ៍ បានស្ថិតក្នុងសភាពទ័លច្រក និងការជួបចរចាថ្មីមួយទៀតនឹងត្រូវធ្វើបន្តនាសប្តាហ៍ក្រោយ។

អគារសុខាភិបាលតម្លៃ៨លានដុល្លារក្នុងមន្ទីរពេទ្យព្រះអង្គឌួង នឹងត្រូវសម្ពោធដាក់ឱ្យប្រើ ប្រាស់ជាផ្លូវការនៅថ្ងៃទី២៨មីនា។ សម្តេចនាយករដ្ឋមន្ត្រីនឹងអញ្ជើញចូលរួមដ៏ខ្ពង់ខ្ពស់ក្នុងពិ ធីសម្ពោធនាដើមសប្តាហ៍ក្រោយនេះ។ មន្ទីរពេទ្យព្រះអង្គឌួង មានទីតាំងស្ថិតនៅសង្កាត់ផ្សារ ថ្មីទី១ ខណ្ឌដូនពេញ រាជធានីភ្នំពេញ។

សង្គ្រាមក្នុងប្រទេសអ៊ុយក្រែនបានឈានចូលដល់ថ្ងៃទី២៩ហើយគិតត្រឹមថ្ងៃព្រហស្បតិ៍នេះ ។ ការវាយប្រហារលើទីក្រុងដែលឡោមព័ទ្ធពីខាងក្រៅដោយទាហានរុស្ស៊ី នៅតែមានសន្ធឹក ខ្លាំងក្លាខណៈមេដឹកនាំអ៊ុយក្រែនកំពុងបន្តអំពាវនាវរកការជួយធ្វើអន្តរាគមន៍ពីបរទេស ជាពិសេសពីសំណាក់ក្រុមប្រទេសនៃបក្ខសម្ព័ន្ធណាតូ។

ប្រទេសឥណ្ឌាបានស្នើកម្ពុជាដើម្បីរកការបើកស្ថានអនុព័ន្ធយោធារបស់ខ្លួនក្នុងរាជធានីភ្នំពេញ។ ឥណ្ឌាដែលស្ថិតក្នុងក្រុមសម្ព័ន្ធភាព QUAD នៃដែនឥណ្ឌូប៉ាស៊ីហ្វិក គឺជាប្រទេសលំដាប់ទី៤ នៃមហាអំណាចយោធាលើសកលលោកបន្ទាប់ពីប្រទេសចិន ។

សម្ដេចតេជោ ហ៊ុន សែន បានថ្លែងលើកទឹកចិត្តឱ្យក្រុមហ៊ុនបច្ចេកវិទ្យាចិន ហួវ៉េ បន្តជួយ កម្ពុជាដើម្បីការទទួលបានបច្ចេកវិទ្យាចុងក្រោយបំផុតរបស់ពិភពលោក។