តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២៤ម៉ឺន ៥ពាន់ ៧៥៧ករណី និងការស្លាប់ថ្មីមានចំនួន ៤០១នាក់ ។ តួលេខឆ្លងនៅថ្ងៃនេះ មាន ការថយចុះចំនួន ២ម៉ឺន ៣៣៨ករណី និងការស្លាប់ថយចុះចំនួន ៤០១នាក់ បើប្រៀបធៀប ជាមួយនឹងការឆ្លង និងការស្លាប់កាលពីម្សិលមិញ ។ គួរបញ្ជាក់ថា តួលេខឆ្លង និងស្លាប់ សរុបនៅថ្ងៃនេះ គឺជាផលបូកប្រទេសចំនួន៨ប៉ុណ្ណោះ ដោយឥណ្ឌូនេស៊ី និងឡាវ គិតត្រឹម ល្ងាចថ្ងៃទី១៨ មីនា ២០២២នេះ នៅមិនទាន់បង្ហាញតួលេខនៃការឆ្លង និងស្លាប់ ចុងក្រោយនៅ ឡើយទេ ។

តួលេខអ្នកចាក់វ៉ាក់សាំងដូសទី៣ និងដូសទី៤ មានចំនួនថយចុះជាងម្សិលមិញ ។ យោង តាមក្រសួងសុខាភិបាល តួលេខអ្នកចាក់វ៉ាក់សាំងដូសទី៣ ក្នុងរយៈពេល២៤ម៉ោងកន្លងមក នេះ មានចំនួន ២ម៉ឺន ៦៥នាក់ ដែលជាតួលេខចាក់ថយចុះ ជាងម្សិលមិញចំនួន ៣ពាន់ ១៧៤នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៧៤ម៉ឺន ៣ពាន់ ២៤៧នាក់ ។