ព្រុចសែល៖ អង្គការណាតូបានដាក់ពង្រាយកងទ័ពចំនួន ៣០,០០០នាក់ នាវាចំនួន ៥០គ្រឿង និងយន្តហោះចំនួន ២០០គ្រឿងមកពីប្រទេសសមាជិកចំនួន ២៧ នៅក្នុងប្រទេសន័រវេស ដើម្បីធ្វើសមយុទ្ធយោធាដែលបានគ្រោងទុកយូរមកហើយ មានឈ្មោះថា “Cold Response” ដែលបានចាប់ផ្តើមកាលពីថ្ងៃចន្ទដើមសប្តាហ៍នេះ ហើយនឹងបន្តរហូតដល់ខែមេសាខាងមុខ។ (មានវីដេអូ)

កៀវ៖ ជំនួយការរបស់ប្រធានាធិបតីអ៊ុយក្រែនលោក មីខែល ផូឡូលីយ៉ាក ថ្លែងថា លោក វ៉ូឡូឌីមៀ ហ្សេលេនស្គី អាចនឹងជួបជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន នៅក្នុងសប្តាហ៍ខាងមុខទៀតនេះ ប៉ុន្តែលោកអះអាងថា កិច្ចប្រជុំនោះអាចកើតឡើងទៅបាន ដរាបណាសន្ធិសញ្ញាសន្តិភាពរវាងទីក្រុងកៀវ និងទីក្រុងម៉ូស្គូត្រូវបានចុះហត្ថលេខា។ (មានវីដេអូ)

កៀវ៖ រដ្ឋមន្ត្រីការបរទេសអ៊ុយក្រែនលោក ឌីមីត្រូ គូលេបា និងសមភាគីតួកគីដែលកំពុងបំពេញទស្សនកិច្ច លោក ម៉េវលូត ខាវូសូគ្លូ ក្នុងអំឡុងកិច្ចពិភាក្សារបស់ពួកលោកនៅថ្ងៃព្រហស្បតិ៍ បានឯកភាពគ្នាផ្តោតលើការរៀបចំកិច្ចប្រជុំរវាងប្រធានាធិបតីអ៊ុយក្រែនលោក វ៉ូឡូឌីមៀ ហ្សេលេនស្គី និងប្រធានាធិបតីរុស្ស៊ីលោក វ្ល៉ាឌីមៀ ពូទីន។ (មានវីដេអូ)