រដ្ឋាករទឹកស្វយ័តក្រុងភ្នំពេញ បានចុះហត្ថលេខាជាមួយក្រុមហ៊ុនជប៉ុនមួយ លើកិច្ចសន្យា សាងសង់រោងចក្រទឹកស្អាតថ្មី នៅទីក្រុងតាខ្មៅ ដែលមានសមត្ថភាពផលិតទឹកស្អាតបាន ៣ម៉ឺនម៉ែត្រគូបក្នុងមួយថ្ងៃ។

ជំរឿនសេដ្ឋកិច្ចឆ្នាំ២០២២ បានឈានចូលមកដល់ថ្ងៃទី ៧ហើយ ក្រោយចាប់ផ្ដើមដំណើរ ការជាផ្លូវការកាលពីថ្ងៃទី១ ខែមីនាកន្លងទៅនេះ។ ជំរឿនសេដ្ឋកិច្ចនឹងមានរយៈពេលតែមួយ ខែទេរវាងពីថ្ងៃទី១មីនាដល់ចុងខែមីនាឆ្នាំ២០២២ដោយនឹងធ្វើការ ចុះសម្ភាសន៍ប្រមូលទិន្នន័យពីអង្គភាពសេដ្ឋកិច្ចទាំងអស់ទូទាំងប្រទេស។

ផ្ទះប្រជាពលរដ្ឋក្នុងខេត្តឧត្តរមានជ័យ និងខេត្តបន្ទាយមានជ័យសរុបជិត១០០ខ្នង បានរង ការខូចខាតដោយសារភ្លៀងខ្លាំងលាយឡំជាមួយខ្យល់កន្ត្រាក់។ អាជ្ញាធរនៅតាមមូលដ្ឋាន ដែលកើតហេតុការណ៍ បានថ្លែងថាហេតុការណ៍ខ្យល់កន្ត្រាក់បានកើតឡើងកាលពីចុង សប្តាហ៍ នេះ។

មេដឹក​នាំនៃប្រទេសអ៊ុយក្រែន លោកវ៉ូឡូឌីមៀរ ហ្សេឡិនស្គី នាទីបំផុតបានថ្លែងទទួលស្គាល់ ថា សន្តិភាពពិតជាមានតម្លៃលើសពីអ្វីៗទាំងអស់។ សម្តីរបស់មេដឹកនាំអ៊ុយក្រែននេះ បានធ្វើ ឡើងក្នុងពេលដែលប្រទេសបានធ្លាក់ក្នុងហាយនភាពសង្គ្រាមទៅហើយ។

តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៧០ម៉ឺន ៩ពាន់ ៨៧៦ករណី ចំណែកការស្លាប់មានចំនួន  ១ពាន់ ៨៥៤នាក់ ។ តួលេខឆ្លង និងស្លាប់នៅសប្តាហ៍នេះ មានការកើនឡើងបើធៀបរយៈពេល៧៣ម៉ោងនៃសប្តាហ៍មុន ដោយ ការឆ្លងបានកើនឡើងរហូតដល់ ១ម៉ឺន ១ពាន់ ៣៧៥ករណី និងស្លាប់បានកើនឡើងចំនួន ៣១០នាក់ ។

តួលេខមនុស្សឆ្លងជំងឺកូវីដ១៩បានស្ថិតក្នុងខ្ទង់ជាង៣០០ករណី ដែលតួលេខក្នុងខ្ទង់នេះ បានកើតឡើងក្នុងរយ:ពេល៥ថ្ងៃជាបន្តបន្ទាប់មកនេះ។

សម្តេចនាយករដ្ឋមន្ត្រីបានថ្លែងជម្រុញប​ន្ថែមទៀតនូវការសម្រុកចាក់វ៉ាក់សាំង ដោយចាត់ទុក ថាវ៉ាក់សាំងគឺជាដង្ហើមសេដ្ឋកិច្ច។ ប្រសាសន៍របស់សម្តេចបានធ្វើឡើងនៅថ្ងៃទី៧មីនានេះ ទន្ទឹមនឹងតួលេខចាក់វ៉ាក់សាំងទូទាំងប្រទេសបានកើនជាង៩១ភាគរយ។

កិច្ចប្រជុំកំពូលអាស៊ានអាមេរិកដែលសហរដ្ឋអាមេរិកបានជូនដំណឹងថានឹងត្រៀមធ្វើនាចុងខែ មីនាខាងមុខនេះ នឹងអាចត្រូវប្រែប្រួលវិញដោយសារតែបណ្តាប្រទេសក្នុងអាស៊ានខ្លះបង្ហាញ ការជាប់រវល់។

ដំណើរការបោះឆ្នោតឃុំនិងសង្កាត់ក្នុងប្រទេសកម្ពុជាកាន់តែរំកិលមកជិតជាលំដាប់។ ដំណើរការបោះឆ្នោតឃុំនិងសង្កាត់ក្នុងប្រទេសកម្ពុជានឹងមកដល់ក្នុងរយៈពេល៩០ថ្ងៃខាងមុខ នេះ គិតត្រឹមថ្ងៃច័ន្ទទី៧មីនានេះ។ សម្តេចនាយករដ្ឋមន្ត្រីបានថ្លែងថាក្នុងអម្លុងពេលមុនការ បោះឆ្នោតឃុំនិងសង្កាត់ដែលជិតនឹងមកដល់នោះ, សម្តេចនឹងមិនអញ្ជើញចាកចេញពីប្រទេសកម្ពុជាឡើយ។

ពិធីបញ្ចុះខណ្ឌសីមាព្រះវិហារថ្មី និងពិធីសម្ពោធឆ្លងសមិទ្ធផលនានាបានប្រព្រឹត្តទៅនៅថ្ងៃ ទី៧មីនានេះដោយមានការអញ្ជើញចូលរួមពីមេបញ្ជាការរងកងទ័ពជើងគោកលោកឧត្តមសេ នីយ៍ឯក ហ៊ុន ម៉ាណែត។ ពិធីសាសនានេះ បានធ្វើនៅក្នុងវត្តសំរោងរ័ត្ន ស្ថិតក្នុងភូមិចុងអង្ករ ឃុំពេជសារ ស្រុកកោះអណ្តែត នៃខេត្តតាកែវ ។