ឡុងដ៍៖ នាយករដ្ឋមន្ត្រីអង់គ្លេសលោក បូរីស ចនសុន នៅថ្ងៃពុធបញ្ជាក់ថា លោកជឿជាក់ថា សកម្មភាពរបស់រុស្ស៊ីនៅអ៊ុយក្រែន គឺជា “ឧក្រិដ្ឋកម្មសង្គ្រាម” ហើយបានគំរាមថា នឹងរឹតបន្តឹងបន្ថែមទៀតលើរបបដឹកនាំរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន។ (មានវីដេអូ)

ព្រុចសែល៖ ស្នងការអឺរ៉ុបទទួលបន្ទុកកិច្ចការសេដ្ឋកិច្ចលោក Paolo Gentiloni នៅថ្ងៃពុធព្រមានថា សង្គ្រាមនៅអ៊ុយក្រែន និងការដាក់ទណ្ឌកម្មជាបន្តបន្ទាប់ប្រឆាំងរុស្ស៊ីអាចនឹងប៉ះពាល់ដល់ការផ្គត់ផ្គង់ថាមពលរបស់សហភាពអឺរ៉ុប ព្រមទាំងធ្វើឱ្យកំណើនសេដ្ឋកិច្ចរបស់ប្លុកនេះជាប់គាំង។ (មានវីដេអូ)

វ៉ាស៊ីនតោន៖ រដ្ឋបាលរបស់លោក ចូ បៃដិន នៅថ្ងៃពុធបញ្ជាក់ថា សេតវិមានបានដាក់ទណ្ឌកម្មលើក្រុមហ៊ុនការពារជាតិរុស្ស៊ីចំនួន ២២ និងបានពង្រីកការត្រួតពិនិត្យការនាំចេញទៅលើការនាំចេញបច្ចេកវិទ្យា ដែលគាំទ្រដល់ការចម្រាញ់ប្រេងរបស់រុស្ស៊ី។ (មានវីដេអូ)

វ៉ាស៊ីនតោន៖ នៅថ្ងៃពុធសប្តាហ៍នេះ សហរដ្ឋអាមេរិកបានលើកឡើងពីការភ័យខ្លាច ដែលថា ជនស៊ីវិលកំពុងក្លាយជាគោលដៅរបស់រុស្ស៊ី ក្នុងការវាយប្រហារលើអ៊ុយក្រែន ដោយព្រមានថា ទីក្រុងម៉ូស្គូកំពុងផ្លាស់ប្តូរគ្រាប់បែកចង្កោម និងអាវុធដ៍សាហាវផ្សេងទៀតចូលទៅក្នុងប្រទេសនេះ ក្នុងដំណាក់កាលថ្មីដ៏គ្រោះថ្នាក់នៃជម្លោះ។ (មានវីដេអូ)