តួលេខឆ្លងក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ២០ម៉ឺន ៥ពាន់៧៥៧ករណី និងការស្លាប់ថ្មីមានចំនួន ៦១៥នាក់ ។ តួលេខឆ្លងក្នុងអាស៊ានថ្ងៃនេះ កើនឡើងចំនួន ៨ពាន់ ៣៦៤នាក់ និងការស្លាប់បានថយចុះ ២៣នាក់ បើប្រៀបធៀបជាមួយ នឹងការឆ្លងនិងការស្លាប់កាលពីថ្ងៃម្សិលមិញ ។ ក្នុងចំណោមតួលេខឆ្លងថ្មីនៃប្រទេសទាំង១០ ក្នុងរយៈពេល២៤ម៉ោងចុងក្រោយនេះ ប្រទេសឥណ្ឌូនេស៊ី គឺជាប្រទេសមានតួលេខឆ្លង ច្រើនជាងគេបង្អស់ ។

តួលេខអ្នកចាក់វ៉ាក់សាំងទូទាំងប្រទេសបានកើនដល់៩០,២៤ ភាគរយហើយ ក្រោយការ បើក យុទ្ធនាការចាក់វ៉ាក់សាំងលើកុមារអាយុពី៣ទៅ៥ឆ្នា។ រយៈពេល២ថ្ងៃនេះ ការចាក់វ៉ាក់សាំង លើកុមារអាយុក្រោម៥ឆ្នាំបានចំនួន២ម៉ឺន៩ពាន់៧២៨នាក់។ 

តួលេខអ្នកស្លាប់ដោយសារជម្ងឺកូវីដ១៩ថ្ងៃនេះ មានចំនួន៣នាក់ថែមទៀត ដែលនាំឱ្យការ ស្លាប់ចុងក្រោយរយៈពេល៥ថ្ងៃមកនេះ បានកើនដល់ចំនួន១១នាក់ហើយ។ កម្ពុជាបានស្ងប់ ស្ងាត់ការស្លាប់ដោយកូវីដ១៩ ប្រមាណ១ខែកន្លះ ប៉ុន្តែការស្លាប់ទើបបានវិលត្រឡប់ មកវិញ ចាប់តាំងពីថ្ងៃអាទិត្យទី២០កុម្ភៈនោះមក។ តួលេខមនុស្សស្លាប់ដោយសារកូវីដ១៩ បានកើន ឡើងដល់ចំនួន៣ពាន់២៦នាក់ គិតត្រឹមថ្ងៃទី២៤កុម្ភៈនេះ។

សម្តេចនាយករដ្ឋមន្ត្រីនៃប្រទេសកម្ពុជាបានថ្លែងនៅថ្ងៃនេះឆ្លើយតបនឹងសំណួររបស់អ្នក សារព័ត៌មានដែលចង់ដឹងអំពីប្រតិកម្មរបស់អាស៊ានជុំវិញសេចក្តីរាយការណ៍អំពីការវាយប្រហាររវាងរុស្ស៊ី និងអ៊ុយក្រែននៅថ្ងៃព្រហស្បតិ៍នេះ។

នាយករដ្ឋមន្ត្រីម៉ាឡេស៊ីលោកដាតុ ស្រ៊ី អ៊ីស្មា អែល សាប្រ៊ី ប៊ីន យ៉ាអាកុប បានបញ្ចប់ដំណើរ ទស្សនកិច្ច២ថ្ងៃក្នុងប្រទេសកម្ពុជាដោយបានជួបជជែកពិភាក្សារយៈពេលច្រើនម៉ោងជាមួយ នឹងសម្តេចអគ្គមហាសេនាបតីតេជោ ហ៊ុន សែន។