តួលេខឆ្លងក្នុងប្រទេសអាស៊ានទាំង១០ រយៈពេល ៧២ម៉ោងចុងក្រោយនេះ មានចំនួន ៥១ម៉ឺន ២ពាន់ ៦៨៩ករណី ចំណែកការស្លាប់មានចំនួន ១ពាន់៣៥៤នាក់ ។ តួលេខឆ្លង និងស្លាប់នៅសប្តាហ៍នេះ មានការកើនឡើងដូចគ្នាបើធៀបរយៈពេល៧៣ម៉ោងនៃ សប្តាហ៍មុន ដោយការឆ្លងបានកើនឡើងរហូតដល់ ១៣ម៉ឺន ១ពាន់ ២៦៩ករណី និងស្លាប់ បានកើនឡើងចំនួន ៣៤៣នាក់ ។ ក្នុងចំណោមតួលេខឆ្លងថ្មីនៃប្រទេសទាំង១០ ប្រទេស ឥណ្ឌូនេស៊ី គឺជាប្រទេស ដែលមានការឆ្លងឈរនៅលំដាប់ទី១ ច្រើនជាងគេ ។

តួលេខអ្នកចាក់វ៉ាក់សាំងដូសទី៣និងដូសទី៤ មានចំនួនតិចជាងកាលពីម្សិលមិញ ទន្ទឹម នឹង សេចក្តីអំពាវនាវជម្រុញការចាក់វ៉ាក់សាំងដូសជំរុញ។

កម្ពុជាក្នុងរយ:ពេល២ថ្ងៃមកនេះ ចាប់ផ្តើមមានមនុស្សស្លាប់ដោយសារជម្ងឺកូវីដ១៩សា ជាថ្មីវិញ ក្រោយការចៀសផុតរួចនៃសេចក្តីស្លាប់នេះអស់រយៈពេល៤៦ថ្ងៃកន្លងមក។

សម្តេចនាយករដ្ឋមន្ត្រីគ្រោងនឹងអញ្ជើញបើកការដ្ឋានសាងសង់ ស្ថានីយប្រព្រឹត្តកម្ម​ទឹក​កខ្វក់​បឹងជើងឯក នៅថ្ងៃអង្គារនេះដែលជាជំនួយឥតសំណងរបស់ប្រទេសជប៉ុន។

អតីតបុគ្គលិកក្រុមហ៊ុន Naga ចំនួន២៤នាក់បន្ថែមទៀតដែលកំពុងធ្វើបាតុកម្មតវ៉ាត្រូវបាន គេរកឃើញមាន​វិជ្ជមានជំងឺកូវីដ១៩ ខណៈអ្នកពាក់ព័ន្ធមួយចំនួនមិនទាន់យកសំណាក អស់នៅឡើយ។​

អ្នកគាំទ្រអតីតគណបក្សសង្គ្រោះជាតិ, គណបក្សខ្មែររួបរួមជាតិ និងគណបក្ស​ហ្វ៊ុន​ស៊ិន ប៉ិច​ចំនួន១០២នាក់ នៅស្រុកបរសេដ្ឋ ខេត្តកំពង់ស្ពឺ បានស្ម័គ្រចិត្តរួមជីវភាពនយោ​បាយជា​មួយ​គណបក្សប្រជាជនកម្ពុជា ។

អតីតសកម្មជនគណបក្សសង្គ្រោះជាតិ១០៤នាក់ បានចួលរួមជាមួយនឹងគណបក្សប្រជា ជនកម្ពុជាខណៈការបោះឆ្នោតឃុំ និងសង្កាត់នឹងឈានមកដល់ក្នុងរយៈពេលប្រមាណ៣ខែ ទៅមុខទៀតនេះ។ ពិធីទទួលសកម្មជនទាំងនោះ បានធ្វើក្នុងរាជធានីភ្នំពេញ។

អនាគតបេក្ខភាពនាយករដ្ឋមន្ត្រីរបស់គណបក្សប្រជាជនកម្ពុជា បានថ្លែងប្រាប់អ្នកគាំ ទ្របក្សសូម​បោះ ឆ្នោតជួនគណបក្សប្រជាជនកម្ពុជាដែលជាគណបក្សដែលតែង ជួយយក អាសារអាយុជីវិតប្រជាពលរដ្ឋក្នុង ពេលជួបការលំបាកនិងមានទុក្ខ, និងជាគណបក្សដែល បានដឹកនាំនាវាកម្ពុជាមានសន្តិភាព, ការអភិវឌ្ឍន៍ ប្រទេសនិងចួលរួមបំរើកិច្ចការនានាក្នុង តំបន់និងសកលលោកក្នុងនាមជាប្រទេសអធិបតេយ្យ សើ្មមុខស្មើ មាត់ជាមួយគ្រប់ បណ្តា ប្រទេសលើឆាកអន្តរជាតិ។