សមរង្ស៊ីដែលជាអ្នកនយោបាយចាស់វស្សា ត្រូវគេចាត់ទុកថាជាអ្នកនយោបាយអនុវត្តវិធីចាញ់ចាញ់គ្រប់ជំហាន និងមិនដែលមានចក្ខុវិស័យច្បាស់លាស់ក្នុងការដឹកនាំគណបក្សរបស់ខ្លួនឡើយ។ អ្នកនយោបាយដូច សម រង្ស៊ី ត្រូវគេចាត់ទុកជាមនុស្សឧត្បាត, ទៅកន្លែងណារលាយកន្លែងនោះ និងមិនត្រឹមតែប៉ុណ្ណោះ សម រង្ស៊ី គឺជាគ្រោះ ចង្រៃដល់មនុស្សដទៃទៀតដែលបានធ្លាក់ខ្លួនជឿគាំទ្រ សម រង្ស៊ី នោះថែមទៀត។ កម្មវិធីអប្សរាណិតមានបទ អត្ថា ធិប្បាយមួយថ្ងៃនេះក្រោមចំណងជើង «សមរង្ស៊ី គ្រាន់តែជាសេះកញ្ចាស់ដ៏ឯកោ» ។

សំណង់ការដ្ឋានផ្លូវជាតិលេខ៤៨ តម្លៃជាង១០០លានដុល្លារ នឹងត្រូវធ្វើពិធីបុកគ្រឹះសាងសង់នាសប្តាហ៍ក្រោយ ក្រោមអធិបតីភាពសម្តេចតេជោ​ ហ៊ុន សែន នាយករដ្ឋមន្ត្រី។ គម្រោងផ្លូវនេះ មានប្រវែងសរុប១៤៨គីឡូម៉ែត្រ ស្ថិត ក្នុងខេត្តកោះកុង ដែលការសាងសង់នឹងចាប់ផ្តើមពីចំណុចប្រសព្វស្រែអំបិលនៃផ្លូវជាតិលេខ៤ រហូតដល់ក្រុង ខេមរភូមិន្ទ នៃខេត្តកោះកុង។

តួលេខអ្នកចាក់វ៉ាក់សាំងដូសទី៣ រយៈពេល២៤ម៉ោងចុងក្រោយនេះមានជាង៣ម៉ឺននាក់។ កម្ពុជាកំពុងជម្រុញ ការចាក់វ៉ាក់សាំងដូសទី៣ ក្នុងស្ថានភាពដែលពិភពលោកកំពុងបារម្ភឆ្លងការរាលដាលលឿននៃវីរុស បំប្លែងថ្មី អូមីក្រុង ។

តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មានចំនួន២ម៉ឺន៤ពាន់១០៣ករណី ដែលកើនឡើងជាង១ពាន់៧០០ករណី។ តួលេខឆ្លងក្នុងប្រទេសវៀតណាមថ្ងៃនេះ បានធ្លាក់ចុះជាងម្សិលមិញ ប្រមាណជាង៥៥០ករណី ប៉ុន្តែតួលេខប្រៀបធៀបនឹងប្រទេសដទៃក្នុងអាស៊ាន គឺនៅតែខ្ពស់ជាងគេជាដដែល។

តួលេខឆ្លងវីរុសកូវីដ១៩ក្នុងប្រទេសកម្ពុជាថ្ងៃម្សិលមិញនេះ បានកើនពី៤ទៅ១៤ករណី ជាមួយនឹងចំនួនអ្នកព្យាបាលជា សះស្បើយរយៈពេល២៤ម៉ោងចុងក្រោយនេះ មាន១៣នាក់។ យោងតាមក្រសួងសុខាភិបាល ការឆ្លងទាំង១៤ ករណីថ្ងៃនេះ គឺសុទ្ធជាវីរុសបំប្លែងថ្មីអូមីក្រុង ដែលនាំចូលមកពីក្រៅប្រទេស។

កម្ពុជាបានប្រារព្ធខួប២៣ឆ្នាំ នៃនយោបាយឈ្នះឈ្នះ ដែលជានយោបាយបញ្ចប់សង្គ្រាមស៊ីវិល និងការបញ្ចប់ តំបន់អបគមន៍លើកដំបូងក្នុងប្រទេសកម្ពុជាដែលមិនធ្លាប់មានក្នុងរយៈពេលជាង៥០០ឆ្នាំមកនេះ។

ប្រេសិតពិសេសអាស៊ាន និងប្រេសិតពិសេសអង្គការសហប្រជាជាតិសម្រាប់ប្រទេសមីយ៉ាន់ម៉ា បានឯកភាពគ្នា ថាការដោះស្រាយបញ្ហាបញ្ចប់ហិង្សាក្នុងប្រទេសមីយ៉ាន់ម៉ា ត្រូវតែមានការចូលរួមពីប្រទេសមីយ៉ាន់ម៉ា។ កម្ពុជា ដែលនឹងក្លាយជាប្រធានអាស៊ានក្នុងឆ្នាំ២០២២ បានប្តេជ្ញាការពង្រឹងអាស៊ានឱ្យមានសម្លេង១០សាឡើងវិញ ដោយមិនទាត់ចោលប្រទេសមីយ៉ាន់ម៉ាឡើយ។

អំពើកំសាករបស់ សម រង្ស៊ី មិនហ៊ានបញ្ជាក់នូវទង្វើរបស់ខ្លួន ត្រូវពលរដ្ឋខ្មែរនៅក្រៅប្រទេស បានបន្តរិះគន់ថែម ទៀត។ ចុងឆ្នាំ២០២១នេះ គឺជាពេលវេលាដែលអ្នកនយោបាយចាស់វស្សា សម រង្ស៊ី ត្រូវត្មោងសំពងជាច្រើន បន្ទាប់ពីការឃើញនូវនយោបាយទុច្ចរិតលាបពណ៌ និងការឃើញភាពច្រណែនរបស់ សម រង្ស៊ី នេះ លើប្រជាប្រិយ៍ ភាពរបស់លោក ហ៊ុន ម៉ាណែត។

បេក្ខជននាយករដ្ឋមន្ត្រីរបស់គណបក្សប្រជាជនកម្ពុជា បណ្ឌិត ហ៊ុន ម៉ាណែត បានធ្វើសារលិខិតជាលើកទី២ ដោយដាស់តឿនអ្នកនយោបាយចាស់វស្សា សម រង្ស៊ី គួរដល់ពេលចូលសម្រាក និងគួរតែបញ្ចេញយុវជនបន្តវេន របស់ខ្លួន ដើម្បីមកប្រកួតប្រជែងជាមួយរូបលោក។