មេធាវីរបស់ស្ត្រីលក់ឡេ អ៊ាន សៀវម៉ី បានព្រមានប្តឹងការផ្សាយព័ត៌មានដែលចោទថាស្ត្រីលក់ឡេអ៊ាន សៀវម៉ី ដែលត្រូវគេប្លន់នោះ គឺជាស្រីកំណាន់របស់មេខ្លោងចោរប្លន់លោក William Guang។

ដំណោះស្រាយវិវាទការងាររវាងកម្មករនិងក្រុមហ៊ុនណាហ្គាវើល បានទទួលលទ្ធផលតិចតួចក្នុងថ្ងៃចាប់ផ្តើម ដំបូង។ គួរបញ្ជាក់ថាក្រសួងការងារ និងបណ្តុះបណ្តាលវិជ្ជាជីវៈបានអញ្ជើញកម្មករនិយោជិត៣៦០នាក់ដែលត្រូវ បានបញ្ឈប់ការងារដោយក្រុមហ៊ុនណាហ្គាវើល និងដែលមិនទាន់ឯកភាពក្នុងការទទួលយកការទូទាត់ប្រាក់ បំណាច់ផ្តាច់កិច្ចសន្យា ត្រូវចូលរួមប្រជុំដើម្បីបន្តរកដំណោះស្រាយសមស្របដែលចាប់ផ្តើមពីថ្ងៃទី២២ធ្នូនេះ។

រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុអគ្គបណ្ឌិតសភាចារ្យ អូន ព័ន្ធមុនីរ័ត្នបានថ្លែងថារាជរដ្ឋាភិបាល នឹងបន្ត ឧបត្ថម្ភសាច់ប្រាក់ជូនដល់ក្រុមគ្រួសារក្រីក្រនិងងាយរងគ្រោះក្នុងអំឡុងពេលប្រយុទ្ធជំងឺកូវីដ១៩ រហូតដល់ ដំណាច់ខែកញ្ញា ឆ្នាំ២០២២។

តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មានចំនួន២ម៉ឺន៤ពាន់១៥០ករណី, ប៉ុន្តែក្នុងនោះប្រទេសវៀតណាមតែមួយ មានការឆ្លងជាងពាក់កណ្តាលទៅហើយ។

តួលេខអ្នកចាក់វ៉ាក់សាំងដូសទី៣រយៈពេល២៤ម៉ោងចុងក្រោយនេះមានជាង៥ម៉ឺននាក់ នៅទន្ទឹមនឹងការពន្លឿន ការចាក់វ៉ាក់សាំងដូសជម្រុញ។

តួលេខឆ្លងថ្មីនៃជម្ងឺកូវីដ១៩រយៈពេល២៤ម៉ោងក្នុងប្រទេសកម្ពុជាបានបន្តការធ្លាក់ចុះថែមទៀត ប៉ុន្តែមានករណី ស្លាប់ម្នាក់វិញនៅថ្ងៃនេះ។ ការឆ្លងថ្មីថ្ងៃនេះ មានចំនួន៣ករណីដែលធ្លាក់ចុះមួយករណីបើប្រៀបធៀបនឹងការឆ្លង ម្សិលមិញ។

កម្ពុជានឹងមានការដាក់លក់ជាលើកដំបូងនូវថ្នាំគ្រាប់បង្កាជម្ងឺកូវីដ១៩ដែលនាំចួលមកពីសហរដ្ឋអាមេរិក។ សេច ក្តីជូនដំណឹងរបស់គណៈកម្មការជាតិប្រយុទ្ធនឹងជម្ងឺកូវីដ-១៩ ថ្ងៃទី២២ធ្នូ បានសរសេរដាថ្នាំ ឈ្មោះម៉ូលណាទ្រីស សម្រាប់ព្យាបាលកូវីដ១៩កម្រិតស្រាល​ និងមធ្យមចំពោះមនុស្សពេញវ័យ នឹងត្រូវដាក់លក់សម្រាប់ប្រើប្រាស់ ចាប់ពីថ្ងៃស្អែកនេះហើយ។

ប្រធានរដ្ឋនៃប្រទេសវៀតណាម លោក ង្វៀន សួនហ្វុក និងគណៈប្រតិភូ បានបញ្ចប់ដំណើរទស្សនកិច្ច២ថ្ងៃនៅ កម្ពុជាជាមួយនឹងការទទួលបានលទ្ធផលជាផ្លែផ្កាដែលជាផលប្រយោជន៍រវាងប្រទេសទាំង២។ ក្នុងដំណើរ ទស្សនកិច្ចរបស់ប្រធានរដ្ឋវៀតណាមនិងគណៈប្រតិភូ រវាងពីថ្ងៃទី២១ដល់២២ធ្នូ ក្នុងប្រទេសកម្ពុជានេះ ត្រូវបាន ភាគីទាំង២បានចាត់ទុកថាជាការបើកឆ្នាំមិត្តភាពរវាងកម្ពុជានិងវៀតណាមសម្រាប់ឆ្នាំថ្មី២០២២។