សមត្ថកិច្ចរាជធានីភ្នំពេញ បានបង្ហាញករណីបង្ក្រាបគ្រឿងញៀនក្នុងរយៈពេល១ខែដែលមានការចាប់ខ្លួន ជនសង្ស័យ១២៤នាក់ក្នុងបទល្មើសគ្រឿងញៀន៧១លើក។

កម្ពុជា និងធនាគារអភិវឌ្ឍន៍អាស៊ី បានចុះហត្ថលេខាលើកញ្ចប់ហិរញ្ញប្បទានជាង៣៣២លានដុល្លារអាមេរិក ដើម្បីបង្កើនការងើបឡើងវិញនៃសេដ្ឋកិច្ចប្រកបដោយនិរន្តរភាព។ កម្ពុជាបានបើកប្រទេសសាឡើងវិញចាប់ពី ដើមខែវិច្ឆិកា និងតួលេខឆ្លងកូវីដ១៩ក្នុងប្រទេសបា​នបន្តធ្លាក់ចុះជាលំដាប់ក្រោមនយោបាយចាក់វ៉ាក់សាំងនៅ ទូទាំងប្រទេសដែលគិតមកទល់ថ្ងៃទី៨ធ្នូនេះ បានសម្រេចជិត៩០ភាគរយហើយ។

ចំនួនសរុបចាក់វ៉ាកសាំងលើប្រជាពលរដ្ឋទូទាំងប្រទេសគិតត្រឹមថ្ងៃទី០៨ ខែធ្នូ បានកើនដល់១៤លាន១សែន៨ ម៉ឺន៣ពាន់៦៤៣នាក់ហើយ បន្ទាប់ពីតួលេខចាក់វ៉ាក់សាំង២៤ម៉ោងចុងក្រោយនេះ មានចំនួន៦ពាន់៣៦១នាក់។

តួលេខឆ្លងជំងឺកូវីដ១៩ក្នុងប្រទេសកម្ពុជា ក្នុងរយៈពេល២៤ម៉ោងចុងក្រោយនេះមានចំនួន១៤ករណីជាដដែល បើប្រៀបធៀបនឹងម្សិលមិញ។ យោងតាមក្រសួងសុខាភិបាល ក្នុងចំណោមការឆ្លងថ្មីចំនួន១៤ករណីនោះ ការ ឆ្លង ក្នុងសហគមន៍ មានចំនួន១២ករណី និងការឆ្លងមកពីក្រៅប្រទេសមានចំនួន២ករណីផងដែរ។

វត្តមានរបស់ជនជាប់ចោទកញ្ញាសេងធារីក្នុងសម្លៀកបំពាក់តុបតែងរបៀបចម្លែកខុសធម្មតា បានទទួលការរិះ គន់ពីសំណាក់មនុស្សនានាទាំងក្នុងនិងក្រៅប្រទេស។ កញ្ញា សេង ធារី ដែលជាខ្មែរសញ្ជាតិអាមេរិក គឺជាជនជាប់ ចោទនៃសំណុំរឿងផែនការផ្តួលរំលំ «៩វិច្ឆិកា» ឆ្នាំ២០១៩។

អគ្គមេបញ្ជាការរងនិងជាមេបញ្ជាការកងទ័ពជើងគោកនៃកងយោធពលខេមរភូមិន្ទលោកឧត្តមសេនីយ៍ឯក ហ៊ុន ម៉ាណែតបានជួបពិភាក្សាជាមួយនឹងអនុរដ្ឋលេខាធិការក្រសួងការពារជាតិសឹង្ហបុរីក្នុងរាជធានីភ្នំពេញ ដោយភាគី ទាំង២បានជជែកលើការពង្រឹងកិច្ចសហប្រតិបត្តិយោធារវាងប្រទេសទាំង២។ កិច្ចពិភាក្សាគ្នានេះ បានធ្វើឡើង កាលពីថ្ងៃទី៧ធ្នូក្នុងឳកាសដែលអនុរដ្ឋលេខាធិការក្រសួងការពារជាតិសឹង្ហបុរីឈ្មោះតេវ អ៊ឹងឌី កំពុងបំពេញទស្ស នកិច្ចក្នុងប្រទេសកម្ពុជា៕

កម្ពុជាបានអញ្ជើញអគ្គមេបញ្ជាការកងទ័ពមីយ៉ាន់ម៉ា នាយឧត្តមសេនីយ៍ មីន អូងឡាំងដើម្បីចូលរួមក្នុងកិច្ចប្រជុំ អគ្គមេបញ្ជាការកងទ័ពអាស៊ានលើកទី១៩ដែលគ្រោងនឹងធ្វើនៅក្នុងខែមីនាខាងមុខនេះ។ ការអញ្ជើញនេះ បាន ធ្វើឡើងក្នុងកិច្ចពិភាក្សាវីដេអូមួយនារសៀលថ្ងៃទី៨ធ្នូឆ្នាំ២០២១ រវាងអគ្គមេបញ្ជាការកងយោធពលខេមរភូមិន្ទ នាយឧត្តមសេនីយ៍វង្សពិសេនជាមួយនឹងនាយឧត្តមសេនីយ៍ មីន អូងឡាំង។

អគ្គមេបញ្ជាការកងយោធពលខេមរភូមិន្ទនាយឧត្តមសេនីយ៍វង្ស ពិសេន បានធ្វើកិច្ចពិភាក្សាតាមប្រព័ន្ធវីដេអូ អនឡាញនៅថ្ងៃទី៨ធ្នូនេះ ជាមួយនឹងនាយសេនាធិការកងទ័ពហ្វីលីពីន លោកឧត្តមសេនីយ៍ឯក អង់ដ្រេ សេន ទីណូ។ លោកឧត្តមសេនីយ៍ឯក អង់ដ្រេ សេន ទីណូ គឺជានាយសេនាធិការលើកទី៥៧របស់ហ្វីលីពីនដែលទើប ឡើងកាន់តំណែងក្នុងខែវិច្ឆិកាឆ្នាំ២០២១។

ព្រះរាជពិធីបូជាព្រះសពសម្តេចក្រុមព្រះនរោត្តមរណឫទ្ធិ បានប្រព្រឹត្តតាមគន្លងប្រពៃណីនិងព្រះពុទ្ធសាសនា ខ្មែរក្រោមព្រះរាជាធិបតីដ៏ខ្ពង់ខ្ពស់បំផុតពីព្រះករុណាព្រះមហាក្សត្រខ្មែរនិងសម្តេចម៉ែជាទីគោរពសក្ការៈនៅថ្ងៃទី ៨ធ្នូឆ្នាំ២០២១។ ព្រះរាជពិធីបូជាព្រះសពព្រះរាមបុត្រាច្បងរបស់ព្រះមហាក្សត្រ បានរៀបចំធ្វើនៅវាលព្រះមេរុ នៅមុខវត្តបទុមវត្តី៕