នាយករដ្ឋមន្ត្រីនៃប្រទេសកម្ពុជាសម្តេចតេជោហ៊ុនសែន បានទទួលជួបរដ្ឋមន្ត្រីក្រសួងការបរទេសឥណ្ឌូណេស៊ី ដែលធ្វើទស្សនកិច្ច២ថ្ងៃក្នុងប្រទេសកម្ពុជា។ លោកស្រីរដ្ឋមន្ត្រីការបរទេសឥណ្ឌូណេស៊ី បានអញ្ជើញមកដល់ រាជធានីភ្នំពេញតាមជើងយន្តហោះពិសេសនាវេលាម៉ោង៥និង៤០នាទី៕

នាយករដ្ឋមន្ត្រីនៃប្រទេសកម្ពុជានិងនាយករដ្ឋមន្ត្រីថ្មីនៃប្រទេសជប៉ុន បានជួបពិភាក្សាគ្នាតាមប្រព័ន្ធវីដេអូនៅថ្ងៃ ទី១ធ្នូនេះ ដោយកិច្ចពិភាក្សាបានផ្តោតលើទំនាក់ទំនងទ្វេភាគី, តំបន់ និងលើឆាកអន្តរជាតិ។ លោក ហ៊្វូមីអូ គីស៊ី ដា បានក្លាយជានាយករដ្ឋមន្ត្រីថ្មីនៃប្រទេសជប៉ុនចាប់តាំងពីថ្ងៃទី៤តុលាឆ្នាំ២០២១។

ក្រសួងពាណិជ្ជកម្មកម្ពុជាបានថ្លែងថា ទំហំពាណិជ្ជកម្មកម្ពុជា និងឥណ្ឌូនេស៊ី បានធ្លាក់ចុះប្រមាណជាង១១ភាគ រយនិងសម្រេចបានតម្លៃប្រមាណជាង៥១៣លានដុល្លារ ក្នុងរយៈពេល១០ខែឆ្នាំនេះ។

សំណង់ថ្មីនៃរង្វង់មូលស្រអែមក្នុងខេត្តព្រះវិហារ គ្រោងនឹងសម្ភោធដាក់ឲ្យប្រើប្រាស់ជាផ្លូវការនៅសប្តាហ៍ ក្រោយនេះហើយ។ ប្រធានមន្ទីរសាធារណការនិងដឹកជញ្ជូនខេត្តព្រះវិហារ លោក សំ លាងទ្រី បានសរសេរ ក្នុងបណ្តាញទំនាក់ទំនងសង្គមថាសំនង់រង្វង់មូលស្រអែមតម្លៃជាង១២ម៉ឺនដុល្លារសាងសង់តាំងពីចុងខែធ្នូ ឆ្នាំ ២០១៨ នឹងត្រូវដាក់សម្ពោធជាផ្លូវការនៅថ្ងៃទី៦ធ្នូខាងមុខនេះ។ សំណង់ថ្មីនៃរង្វង់មូលស្រអែមក្នុងខេត្តព្រះវិហារ មានទីតាំងស្ថិតនៅឃុំស្រអែម នៃស្រុកជាំក្សាន្ត។

ក្រសួងធនធានទឹកនិងឧតុនិយម បានជួនដំណឹងដាស់តឿនប្រជាពលរដ្ឋជុំវិញការធ្លាក់ចុះនៃសីតុណ្ហភាពដែល រដូវធ្លាក់ខ្យល់នាំភាពត្រជាក់បានឈានមកដល់ហើយ។ យោងតាមការព្យាករណ៍, បណ្ដាខេត្តនៅតំបន់វាល ទំនាបកណ្ដាលរវាងពីថ្ងៃទី១ដល់៧ធ្នូ នឹងមានសីតុណ្ហភាពត្រជាក់អប្បបរមារវាងពី១៧ទៅ១៩អង្សាសេ, ចំណែក សីតុណ្ហភាពកម្តៅអតិបរមា មានរវាងពី២៦ទៅ២៨ អង្សាសេ។ តំបន់ទាំងនេះ អាចមានអាកាសធាតុត្រជាក់បង្គួរ និងខ្យល់ខុសធម្មតាដែលជាខ្យល់រដូវ។

សមត្ថកិច្ចបានបំបែកករណីសំណុំរឿងប្លន់មួយកន្លែងក្នុងខណ្ឌជ្រោយចង្វាររាជធានីភ្នំពេញក្រោយហេតុការណ៍ បានកើតឡើងរយៈពេល៣ថ្ងៃ។ ជនសង្ស័យ៣នាក់នៃអំពើប្លន់និងប្រើហិង្សាវាយឲ្យសន្លប់ទៅលើមនុស្សភេទទី ៣ម្នាក់ ត្រូវបានចាប់ខ្លួនពេលរត់លាក់ខ្លួននៅក្នុងខេត្តកំពង់ឆ្នាំង៕

មេខ្លោងសមរង្ស៊ី បានទទួលសម្តីព្រមានពីកូនស្រីទាំង២របស់លោកកឹមសុខាបន្ថែមទៀតនៅថ្ងៃទី៣០វិច្ឆិកា បន្ទាប់ពីទណ្ឌិតសមរង្ស៊ីនោះ នៅតែបន្តប្រើប្រាស់នយោបាយបោកប្រាស់កឹមសុខានិងសមរង្ស៊ីជាមនុស្សតែ មួយ ។ កូនស្រីរប់សលោកកឹមសុខា ថែមទាំងបានព្រលះនូវសារព័ត៌មានដែលតែងតែនិយាយមិនពិតនិងជួយលាប ពណ៌គាំទ្រសម រង្ស៊ីនោះថែមទៀត៕