កិត្តិសេដ្ឋាបណ្ឌិត ជាម យៀប ត្រូវបានកិច្ចប្រជុំពេញអង្គរដ្ឋសភា បានបោះឆ្នោតគាំទ្រជាអនុប្រធានទី១ រដ្ឋ សភាហើយនៅថ្ងៃទី២៥វិច្ឆិកានេះ។ ការបោះឆ្នោតគាំទ្រទាំងស្រុងក្នុងកិច្ចប្រជុំសភាពេញអង្គថ្ងៃព្រហស្បតិ៍នេះ បានប្រព្រឹត្តទៅក្រោមអធិបតីភាពសម្តេចអគ្គមហាពញាចក្រីហេងសំរិនប្រធានរដ្ឋសភា។

ព្រះមហាក្សត្រ និងសម្តេចម៉ែ បានសព្វព្រះរាជហឫទ័យ ទទួលយកអង្ករ៤០តោនពីសហព័ន្ធស្រូវអង្ករកម្ពុជា ក្នុងព្រះបរមរាជានុញ្ញាតប្រោសព្រះរាជទានចូលគាល់ព្រះអង្គនាព្រះមហាប្រាសាទខេមរិន្ទ ក្នុងព្រះបរមរាជវាំង។

រដ្ឋបាលរាជធានី បានចុះរៀបចំសណ្តាប់ធ្នាប់សន្តិសុខតាមដងថ្នល់នៅលើកំណាត់ផ្លូវ២៧១ ក្នុងខណ្ឌមានជ័យ ខណៈពលរដ្ឋមួយចំនួនបានបន្តយកចិញ្ចើមថ្នល់ធ្វើអាជីវកម្មបង្កប៉ះពាល់ដល់សណ្តាប់ធ្នាប់សាធារណៈ។ អាជ្ញា ធរបានទុករយៈពេល៣ថ្ងៃដល់ក្រុមអាជីរករក្នុងការរុះរើភាពអនាធិបតេយ្យ លើចិញ្ចើមថ្នល់នោះដោយខ្លួនឯង បើពុំដូច្នោះទេ នឹងមានវិធានការចុះរុះរើដោយកម្លាំងសមត្ថកិច្ចផ្ទាល់៕

ក្រសួងសេដ្ឋកិច្ច ក្នុងរយៈពេល៩ខែដើមឆ្នាំនេះ បានប្រមូលចំណូលចរន្តបានជិត ៤ពាន់លានដុល្លារអាមេរិក។ យោងតាមសេចក្តីប្រកាសព័ត៌មានរបស់ក្រសួងសេដ្ឋកិច្ចនិងហិរញ្ញវត្ថុ ការប្រមូលចំណូលចរន្តគិតត្រឹមខែកញ្ញា មានចំនួន១ម៉ឺន៥ពាន់៨៩៥បីលានរៀល ដែលស្មើនឹងប្រមាណ៣ពាន់៨០០លានដុល្លារ។សេចក្តីប្រកាសព័ត៌មាន ដដែលបញ្ជាក់ថា ក្នុងរយៈពេល៩ខែ ដើមឆ្នាំនេះ, ការប្រមូលចំណូលចរន្ត សម្រេចបាន៧៥% ច្រើនជាងការប្រ មូលចំណូល នៅក្នុងរយៈពេលដូចគ្នានៅឆ្នាំ ២០២០ ដែលសម្រេចបានត្រឹម៦៣%៕

ខេត្តចំនួន ៤ នាភាគឥសាន្តកម្ពុជា បានរៀបចំសិក្ខាសាលាពង្រឹងសមត្ថភាពមន្ត្រីរដ្ឋបាលខេត្ត ស្តីការគ្រប់គ្រង ព័ត៌មាន។ សិក្ខាសាលារយៈពេល២ថ្ងៃរវាងពីថ្ងៃទី២៤ដល់២៥វិច្ឆិកា បានអញ្ជើញចួលរួមដោយមន្ត្រីនាំពាក្យរដ្ឋា ភិបាលលោកផៃ ស៊ីផាន៕

ខេត្តតាកែវ បានធ្វើពិធីប្រកាសផ្លាស់ប្តូរស្នងការនគរបាលខេត្តថ្មីនៅថ្ងៃទី២៤វិច្ឆិកានេះ។ អតីតស្នងការចាស់ លោកឧត្តមសេនី យ៍ទោ សុខ សំណាង ដែលត្រូវបានផ្ទេរភារកិច្ចទៅជាអគ្គនាយករងនៃអគ្គនាយកដ្ឋានអត្ត សញ្ញាណកម្ម, ចំណែកស្នងការនគរបាលថ្មីខេត្តតាកែវ គឺលោកឧត្តមសេនីយ៍ទោ ឈាង ផាន់ណារ៉ា ដែលជា អតីតស្នងការរងនគរបាលរាជធានីភ្នំពេញ។