អ្នកទោសចំនួន២នាក់ថែមទៀតដែលហែកគុករត់ចេញនៅស្ទឹងត្រែង ត្រូវបានចាប់ខ្លួនបន្ថែមទៀត។ គួរបញ្ជាក់ ថាអ្នកទោស៧នាក់កាលពីយប់ថ្ងៃទី៨វិច្ឆិកា បានវាយទម្លុះជញ្ជាំងថ្មីរត់ចេញទាំងយប់។ នៅថ្ងៃទី៩និង១០វិច្ឆិកា, អ្នកទោសបីនាក់ត្រូវបានចាប់ខ្លួនមកវិញ និងនៅថ្ងៃ ទី១២វិច្ឆិកានេះ អ្នកទោស២នាក់ ត្រូវបានចាប់មកវិញថែម ទៀត។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៨ពាន់ ៥៤៧ករណី និងការស្លាប់ថ្មីមានចំនួន៤០០នាក់។ បើប្រៀបធៀបនឹងម្សិលមិញការឆ្លងថ្មីនៅថ្ងៃនេះបានថយ ចុះចំនួន៥៨៥ករណី ចំណែកការស្លាប់ថ្មីបានថយចុះ៤៨នាក់។ ប្រទេសដែលមានការឆ្លងថ្មី ក្នុងរយៈ ពេល២៤ ម៉ោងចុងក្រោយនេះនៅអាស៊ានមាន១០ប្រទេស។ ចំណែកការស្លាប់ថ្មីមាន ៩ប្រទេស។

តួលេខអ្នកព្យាបាលជាសះស្បើយពីជម្ងឺកូវីដ១៩នៅថ្ងៃនេះ មានចំនួនច្រើនជាងអ្នកឆ្លង។ ក្នុងរយៈពេល២៤ ម៉ោងកន្លងមកនេះ, អ្នកព្យាបាលជាសះស្បើយមានចំនួន៦៧នាក់, ចំណែកអ្នកឆ្លងមានចំនួន៦៣នាក់។ 

ពលករធ្វើចត្តាឡីស័ក៧នាក់ស្លាប់និង១៤នាក់ទៀតកំពុងជួយសង្រ្គោះជីវិតបន្ទាប់ពីពួកគេយកអាល់កុលលាយជាមួយទឹកផ្លែឈើ អូអ៊ិឈិ ផឹក នៅក្នុងមណ្ឌលចត្តាឡីស័កមួយកន្លែងក្នុងខេត្តបន្ទាយមានជ័យ។

កាំភ្លើងអាកាស្វ័យប្រវត្តិ៣០ដើមនិងកាំភ្លើង M79 ៣ដើម រួមជាមួយបង់គ្រាប់ថ្មីៗជាច្រើន ត្រូវបានគេប្រទះឃើញ លាក់ទុកក្នុងចំការមួយកន្លែងនៅក្នុងខេត្តបាត់ដំបង។

ការជម្រុញដោះស្រាយភាពណែនចង្អៀតនៅតាមពន្ធនាគារ បាននាំឲ្យមានការដោះលែងទណ្ឌិតខ្លះបន្ថែមទៀត នៅថ្ងៃនេះ។ ទណ្ឌិតខ្លះដែលនឹងត្រូវដោះលែងដោយការប្រើប្រាស់ការព្យួរទោសនោះរួមមានទាំងលោក រ៉ុង ឈុន ផងដែរ។

កិច្ចប្រជុំរដ្ឋមន្ត្រីដឹកជញ្ជូនអាស៊ានតាមរយៈប្រព័ន្ធវីដេអូពីចម្ងាយ ដោយកម្ពុជាធ្វើជាម្ចាស់ផ្ទះ បានបន្តនៅថ្ងៃ សុក្រនេះទៀត។ ពិធីបើកកិច្ចប្រជុំរដ្ឋមន្ត្រីដឹកជញ្ជួនអាស៊ានលើកទី២៧ បានចាប់ផ្តើមតាំងពីម្សិលមិញ ដោយ មានការអញ្ជើញចូលរួមជាអធិបតីដ៏ខ្ពស់ខ្ពស់ពីសម្តេចតេជោហ៊ុនសែន។

រដ្ឋមន្ត្រីក្រសួងបរិស្ថាននៃប្រទេសកម្ពុជាលោក សាយ សំអាល់ បានចូលរួមជាមួយនឹងពិភពលោក ក្នុងការប្តេជ្ញាចិត្តទប់ស្កាត់ការកើនឡើងកម្តៅផែនដី។

ក្រសួងមហាផ្ទៃ បានសម្រេចមិនចុះបញ្ជីឱ្យ «គណបក្សបេះដូងជាតិ» និងបានដាក់ពាក្យប្តឹងបន្ថែមទៀត ដល់ ស្ថាបនិកបក្សនេះ ក្រោយរកឃើញភាពទុច្ចរិតនៃការប្រមូលស្នាមមេដៃ។ នាយឧត្តមសេនីយ៍ ខៀវ សុភ័គ បញ្ជាក់ ប្រាប់បណ្តាញព័ត៌មាន នៅថ្ងៃទី១២ ខែវិច្ឆិកា ឆ្នាំ២០២១នេះជុំវិញការសម្រេចមិនចុះបញ្ជី និងការពាក្យប្តឹងស្ថាប និកគណបក្សបេះដូងជាតិនេះ។

រាជរដ្ឋាភិបាលកម្ពុជាបានប្រតិកម្មជុំវិញការដាក់ទណ្ឌកម្មរបស់សហរដ្ឋអាមេរិកមកលើនាយឧត្តមសេនីយ៍យោ ធាកម្ពុជា២រូបគឺនាយឧត្តមសេនីយ៍ ចៅ ភិរុណ និងនាយឧត្តមនាវី ទៀ វិញ។ ក្រសួងការបរទេសកម្ពុជា បានហៅការ ដាក់ទណ្ឌកម្មនេះ គឺជាអំពើមាក់ងាយទាំងស្រុងដល់ឯករាជ្យភាពនិងជាការជ្រៀតជ្រែកយ៉ាងធ្ងន់ធ្ងរចូលកិច្ចការ ផ្ទៃក្នុងរបស់កម្ពុជា។