ខេត្តឧត្តរមានជ័យបានបន្តរកឃើញការឆ្លងជំងឺកូវីដ១៩ លើមនុស្សចំនួន ៦៦នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខកើនឡើងចំនួន ១០នាក់ ធៀបនឹងម្សិលមិញ ។

នៅក្នុងខេត្តកំពង់ធំ នោះផងដែរ រដ្ឋបាលខេត្តបានប្រកាសបិទបណ្តោះអាសន្នផ្សារសាន់គរ នៃស្រុកកំពង់ស្វាយ ដើម្បីទប់ស្កាត់ការរីករាលដាលនៃជំងឺកូវីដ១៩ ។

ខេត្តកំពង់ធំ បានបន្តរកឃើញអ្នកឆ្លងជំងឺកូវីដ១៩ ចំនួន ៣៣នាក់ ថែមទៀត ក្នុងរយៈពេល២៤ម៉ោង ចុងក្រោយ ដែលជាតួលេខឆ្លងថយចុះចំនួន ២នាក់ បើប្រៀបធៀបនឹងការរកឃើញពីម្សិលមិញ ។

មនុស្សចំនួន២៨២នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋ បាលនិងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លង កូវីដ១៩។

រដ្ឋបាលរាជធានីភ្នំពេញ បានអនុញ្ញាតឱ្យដំណើរការឡើងវិញសម្រាប់គ្រឹះស្ថានសិក្សាសាធារណៈ និងឯកជន កម្រិតអនុវិទ្យាល័យ និងវិទ្យាល័យទាំងអស់ចាប់ពីថ្ងៃទី១៥ ខែកញ្ញាតទៅទន្ទឹមនឹងយុទ្ធនាការចាក់វ៉ាក់សាំងលើ កុមារវ័យជំទង់ជិត២លាននាក់ទូទាំងប្រទេស បានជិត៩០ភាគរយហើយ។ គិតត្រឹមថ្ងៃ១០កញ្ញា តួលេខចាក់លើ កុមារវ័យជំទង់ បានជាង ១លាន៧សែននាក់ហើយ។

តួលេខឆ្លងជំងឺកូវីដ១៩នៅក្នុងសហគមន៍នៅក្នុងរយ:ពេល២៤ម៉ោងកន្លងមកនេះបានកើនឡើងដល់ខ្ទង់ជាង ៦០០ជាលើកដំបូង នៅក្នុងខែកញ្ញានេះ។ តួលេខឆ្លងចំនួន៦៦០ករណីនៅថ្ងៃសុក្រនេះគឺជាតួលេខឆ្លងកើនឡើង ៧១ករណីបើប្រៀបធៀបនឹងម្សិលមិញ។ ការឆ្លងថ្មីនៅថ្ងៃនេះរួមមាន៥៣៨ករណីជាការឆ្លងចូលក្នុងសហគមន៍ និង១២២ករណី គឺការឆ្លងមកពីក្រៅប្រទេស។

ប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន២ម៉ឺន១ពាន់ ៤២២នាក់។

វីរុសបំប្លែងថ្មី Delta ត្រូវបានរកឃើញថ្មីជាបន្តបន្ទាប់ថែមទៀតក្នុងរយៈពេលថ្ងៃកន្លងមកនេះ។ សេចក្តីរាយ ការណ៍ក្រសួងសុខាភិបាលបានបញ្ជាក់ថារយៈពេលតែ៤៨ម៉ោងរវាងពីថ្ងៃពុធនិងព្រហស្បតិ៍ក្នុងសប្តាហ៍នេះ វីរុសបំប្លែងថ្មី Delta ត្រូវបានរកឃើញឆ្លងលើមនុស្ស៤០៨នាក់ថែមទៀតនៅក្នុងរាជធានីនិងខេត្តចំនួន១៨។

សម្តេចនាយករដ្ឋមន្ត្រីនៃប្រទេសកម្ពុជា បានចូលរួមថ្លែងសុន្ទរកថាតាមប្រព័ន្ធវីដេអូ នៅក្នុងពិធីបើកពិព័រណ៍ ចិនអាស៊ានលើកទី១៨ ឆ្នាំ២០២១ នៅថ្ងៃសុក្រទី១០កញ្ញានេះ ដែលជាពិព័រណ៍មួយ រៀបចំឡើងនៅក្នុងក្រុង ណាននីងនៃតំបន់ស្វ័យយ័តក្វាងស៊ី ហ្សួង នៃប្រទេសចិន។