ខេត្តកំពង់ធំ បានបន្តរកឃើញអ្នកឆ្លងជំងឺកូវីដ១៩ ចំនួន ២០នាក់ ថែមទៀត ក្នុងរយៈពេល ២៤ម៉ោង ដែលជា តួលេខឆ្លងថយចុះច្រើនរហូតដល់ ៤២នាក់ បើធៀបនឹងការរកឃើញកាលពីម្សិលមិញ ។

ខេត្តព្រះវិហារ បានបន្តរកឃើញអ្នកឆ្លងជំងឺកូវីដ១៩ចំនួន ១៦នាក់ ថែមទៀត ក្នុងរយៈពេល ២៤ម៉ោងចុងក្រោយ នេះ ដែលជាតួលេខឆ្លងកើនខ្ពស់ជាងកាលពីថ្ងៃអាទិត្យម្សិលមិញចំនួន ១០នាក់ ។

ខេត្តបន្ទាយមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ១០៩នាក់ថែនទៀត នៅថ្ងៃនេះ ដែលជាតួ លេខឆ្លងថយចុះចំនួន ៤០នាក់ ធៀបនឹងការរកឃើញកាលពីម្សិលមិញ ។

ខេត្តឧត្តរមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ១១៤នាក់ និងមានអ្នកស្លាប់ ថ្មីម្នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ។ តួលេខឆ្លងនៅថ្ងៃនេះ មានការកើនឡើងច្រើនរហូតដល់ ៥៦នាក់ បើ ប្រៀបធៀបនឹងម្សិលមិញ ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន២៣ម៉ឺន១ពាន់ ៣១៤ករណី និងការ ស្លាប់ថ្មីមានចំនួន៤ពាន់៨៩៩នាក់។ ប្រទេសដែលមានការឆ្លងថ្មីក្នុងរយៈ ពេល៧២ម៉ោងចុង ក្រោយនេះនៅអាស៊ាន រួមមាន១០ប្រទេស។ ចំណែកការស្លាប់ថ្មី មាន ៩ប្រទេសផងដែរ។

មនុស្សចំនួន២០នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លងកូវីដ ១៩ ។ 

ក្រសួងធម្មការនិងសាសនា បានថ្លែងថាពិធីបុណ្យកាន់បិណ្ឌ, ភ្ជុំបិណ្ឌ និងពិធីបុណ្យកឋិនទាន សម្រាប់ឆ្នាំ ២០២១ នឹងនៅរក្សាជាធម្មតាដដែលបើទោះបីមានការឆ្លងកូវីដ១៩ក៏ដោយ។ សូមបញ្ជាក់ថាពិធីបុណ្យកាន់បិណ្ឌ និងភ្ជុំបិណ្ឌ នឹងមានរវាងពីថ្ងៃទី២២កញ្ញាដល់ថ្ងៃទី៦តុលា, ចំណែកបុណ្យកឋិនទានរយៈពេល២៩ថ្ងៃ នឹងមានរវាងពីថ្ងៃទី២២តុលាដល់១៩វិច្ឆិកា។

ខេត្តកណ្តាល, ខេត្តព្រះសីហនុ និងខេត្តកែប ត្រៀមនឹងប្រកាសការបញ្ចប់បិទយុទ្ធនាការចាក់វ៉ាក់សាំងនាពេល ខាងមុខនេះ ក្រោយមនុស្សដែលមានវ័យអាយុពី១៨ឆ្នាំឡើងទៅ បានទទួលរួចរាល់នៃការចាក់វ៉ាក់សាំងពេញ លេញ។

កម្ពុជាបានបន្តសម្រុកការចាក់វ៉ាក់សាំងលើពលរដ្ឋនៅទូទាំងប្រទេសទន្ទឹមនឹងការបញ្ជួនមកដល់ជាបន្តបន្ទាប់ នូវ វ៉ាក់សាំងចិនដែលជាវ៉ាក់សាំងបង្អែក។ កាលពីថ្ងៃសៅរ៍កន្លងមកនេះ វ៉ាក់សាំងស៊ីណូវ៉ាក់២លាន៥សែនដូស ដែលជាវ៉ាក់សាំងបញ្ជាទិញនិងវ៉ាក់សាំងជំនួយរបស់ប្រទេសចិន ត្រូវបានដឹកមកដល់កម្ពុជាបន្ថែមទៀត ដែលនាំ ឲ្យចំនួនវ៉ាក់សាំងដែលកម្ពុជាបាននិងកំពុងប្រើប្រាស់មានជិត៣០លានដូសហើយ។ វ៉ាក់សាំងជាច្រើនទៀត នឹង រំពឹងដឹកមកដល់កម្ពុជាជាបន្តបន្ទាប់នៅក្នុងខែកញ្ញានេះទៀត។