តារាចម្រៀងល្បីប្រចាំផលិតកម្មថោន លោក ករុណា ពេជ្រ បានបង្ហាញនូវក្តីរំភើបនៅពេលដែលបណ្ណវ៉ាក់សាំងបង្ការជំងឺកូវីដ-១៩ របស់កម្ពុជាត្រូវបានទទួលស្គាល់ និងមានសុពលភាពប្រើប្រាស់ទូទៅនៅប្រទេសបារាំង។ នៅបារាំងគេទទួលស្គាល់កាតចាក់វ៉ាក់សាំងរបស់កម្ពុជា។ តារាចម្រៀងរូបនេះក៏បានសូមអរគុណប្រមុខរាជរដ្ឋាភិបាលកម្ពុជាដែលបានព្យាយាមខិតខំគ្រប់មធ្យោបាយក្នុងការនាំវ៉ាក់សាំងមកចាក់ជូនប្រជាពលរដ្ឋកម្ពុជាគ្រប់វ័យ ហើយមានចេញជាប័ណ្ណមួយច្បាស់លាស់ សម្រាប់ប្រជាពលរដ្ឋកម្ពុជាងាយស្រួលប្រើប្រាស់ក្នុងប្រទេស និងក្រៅប្រទេស។

អតីតនិស្សិតថ្នាក់បណ្ឌិតមួយក្រុមដែលបានបញ្ចប់ការសិក្សានៅក្រៅប្រទេស បានទាមទារឱ្យទណ្ឌិត សម រង្ស៊ី ដែលជាអ្នកនយោបាយចាស់វង្សាធ្វើការសុំទោសជាសាធារណៈចំពោះការលើកឡើងដែលគ្មានភស្តុតាង និងបានធ្វើការវាយតម្លៃបែបបង្អាប់ពីគុណភាពសញ្ញាបត្រសិក្សានៅក្រៅប្រទេសរបស់និស្សិតកម្ពុជាថា ជាសញ្ញាបត្រប្រភេទទីពីរ ឬសញ្ញាបត្រយោគយល់។

ក្រោម​ការអនុវត្ត “​នយោបាយឈ្នះ​-​ឈ្នះ​” ព្រះរាជាណាចក្រ​កម្ពុជា ទទួលបាន​សុខសន្តិភាព ការឯកភាព​ទឹកដី ការបញ្ចប់​ជម្លោះ​ប្រដាប់អាវុធ និង​ការ​បង្រួម​បង្រួម​ជាតិ​ពិត​ប្រាកដជា​លើកដំបូង​ក្នុង​ប្រវត្តិសាស្ត្រ​របស់ខ្លួន​ក្នុង​រយៈពេល​រាប់រយឆ្នាំ​ចុងក្រោយ​។​ ​ក្រឡេក​មក​មើល​កម្ពុជា​២៣​ឆ្នាំ​ចុងក្រោយ ប្រទេស​ដ៏​កម្សត់​មួយ​នេះ ​បាន​កំពុង​ប្រែ​ក្លាយខ្លួនជា​កូន​នាគ​ប្រចាំ​ទ្វីបអាស៊ី តាមរយៈ​កំណើនសេដ្ឋកិច្ច​ដែល​គួរ​ឱ្យកត់សម្គាល់​ជា​បន្តបន្ទាប់​…​។​ នេះ​ជា​សំណេរ​លើ​បណ្ដាញ​សង្គម​ហ្វេ​ស​ប៊ុ​ក​ផ្លូវការ​របស់​ឯកឧត្តម ហ៊ុន ម៉ា​នី ប្រធាន​សហភាព​សហព័ន្ធ​យុវជនកម្ពុជា​នៅ​រសៀល​ថ្ងៃទី​២៩ ​ខែ​ធ្នូ ឆ្នាំ​២០២១​នេះ​។

សំណុំរឿង ០០៤ ប្រឆាំងនឹង យឹម ទិត្យ ត្រូវបានបិទបញ្ចប់ជាផ្លូវការដោយសហចៅក្រមស៊ើបអង្កេតនៃអង្គជំនុំជម្រះវិសាមញ្ញ ក្នុងតុលាការកម្ពុជា បានចេញសេចក្តីសម្រេចនៅថ្ងៃទី២៩ ខែធ្នូ ឆ្នាំ២០២១នេះ បង្គាប់ឱ្យយកសំណុំរឿង០០៤ ទៅបោះត្រា និងដាក់បញ្ចូលក្នុងបណ្ណសារដ្ឋាន។ ការបង្គាប់របស់សហចៅក្រមស៊ើបអង្កេតនេះ ធ្វើឡើងមួយថ្ងៃប៉ុណ្ណោះក្រោយអង្គជំនុំជម្រះតុលាការកំពូលនៃអ.វ.ត.ក. បានចេញសេចក្តីសម្រេចបដិសេធសំណើរបស់សហព្រះរាជអាជ្ញាអន្តរជាតិបញ្ជូនរឿង ០០៤ ប្រឆាំងនឹង យឹម ទិត្យ ទៅជំនុំជម្រះ។

យុទ្ធនាការដ៏យូរអង្វែងរបស់ក្រុមប្រឆាំងដឹកនាំដោយអ្នកនយោបាយចាញ់ចាស់វស្សា សម រង្ស៊ី ព្រមទាំងបក្ខពួករបស់គេដែលជាអ្នកវិភាគដូរបាយ ខ្លះរត់ចោលស្រុក និងរត់ចោលគុក រួមនឹងវិទ្យុស៊ីឈ្នួលបរទេសដូចជា វិទ្យុអាស៊ីសេរី វិទ្យុឌឹខេមបូឌាដេលី រួមនឹងក្រុមអ្នកសារព័ត៌មានបរទេសមួយចំនួនក្នុងការវាយប្រហារបំផ្លាញកេរ្តិ៍ឈ្មោះ និងទាញទម្លាក់សេចក្តីទុកចិត្តរបស់ពលរដ្ឋចំពោះលោក ហ៊ុន ម៉ាណែត បេក្ខជនសម្រាប់តំណែងនាយករដ្ឋមន្ត្រីនាពេលអនាគតរបស់គណបក្សប្រជាជនកម្ពុជា នឹងមិនអាចទទួលបានជ័យជម្នះឡើយ ទោះបីពួកគេខិតខំប្រឹងប្រែងប្រើប្រាស់វិធីសាស្ត្រថោកទាប បំពាន ប្រមាថ និងអសីលធម៌យ៉ាងណាក៏ដោយ។

អង្គជំនុំជម្រះ​តុលាការ​កំពូល​នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (​អ​.​វ​.​ត​.​ក​) បានសម្រេច​បដិសេធ​សំណើ​របស់​សហ​ព្រះរាជអាជ្ញា​អន្តរជាតិសុំ​បញ្ជូន​សំណុំរឿង ០០៤ ប្រឆាំងនឹង យឹម ទិ​ត្យ ទៅ​ជំនុំជម្រះ​។​

​ក្រសួង​អប់រំ​យុវជន​និង​កីឡា​បានប្រកាសថា​ដំណើរការ​សំណេរ​នៃ​ការប្រឡង​សញ្ញាបត្រ​មធ្យមសិក្សា​ទុតិយភូមិ​ឬ​ហៅ​រត់មាត់​ថា បាក់​ឌុប បាន​ប្រព្រឹត្តទៅ​រយៈពេល​ពីរ​ថ្ងៃ គឺ​នៅ​ថ្ងៃទី​២៧-២៨ ខែធ្នូ ឆ្នាំ​២០២១ ​រយៈ​ពេល​ពីរ​ថ្ងៃនេះ បាន​ប្រព្រឹត្ត​ទៅដោយ​រលូន និង​មាន​សណ្តាប់ធ្នាប់ ក្រោម​គោលការណ៍​ច្បាប់ យុត្តិធម៌ តម្លាភាព និង​លទ្ធផល​ទទួលយកបាន ព្រមទាំង​ស្រប​នឹង វិធានការ​សុវត្ថិភាព​សុខភាព​។

សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ​បាន​ណែនាំ​ឲ្យ​ក្រសួង​ពាក់ព័ន្ធ​ត្រូវ​ប្រញាប់​រៀបចំ​ប្រកាស អន្តរក្រសួង​មួយ ដើម្បី​គ្រប់គ្រង​មណ្ឌល​យុវនីតិសម្បទា ស្ថិតនៅ​ឃុំ​បា​គូរ ស្រុក​កណ្ដាលស្ទឹង ខេត្តកណ្ដាល និង​ផ្ទេរ​អនីតិជន​ទាំង​អស់ពី​ពន្ធនាគារ​នានា​មក​មណ្ឌល​យុវនីតិសម្បទា​នេះ​។

ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ និង​ជា​ប្រធាន​គណៈកម្មការ​ជាតិ សម្រាប់​រៀបចំ​កិច្ចប្រជុំ​កំពូល​អាស៊ាន និង​កិច្ចប្រជុំ​ពាក់ព័ន្ធ​នៅ​ឆ្នាំ​២០២២ បាន​ដឹកនាំ​កិច្ចប្រជុំ​គណៈកម្មការ​ជាតិ​លើក​ទី​២​សម្រាប់​រៀបចំ​កិច្ច ប្រជុំ​កំពូល​អាស៊ាន​និង​កិច្ចប្រជុំ​ពាក់ព័ន្ធ​នៅ​ឆ្នាំ​២០២២​តាមរយៈ​ប្រព័ន្ធ​វីដេអូ​ដើម្បី​ពិនិត្យ​អំពី​វឌ្ឍនភាព​ការងារ​នៃ​ការត្រៀម​ធ្វើជា​ប្រធាន​អាស៊ាន ឆ្នាំ​២០២២ និង​ការងារ​ត្រៀម​សម្រាប់​រៀបចំ​កិច្ចប្រជុំ​កំពូល​អាស៊ាន និង​កិច្ចប្រជុំ​ពាក់ព័ន្ធ ៕

ឯកឧត្តម ទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ បានរាយការណ៍ជូនក្រុមប្រឹក្សាជាតិប្រឆាំងអំពើពុករលួយ នៅក្នុងកិច្ចប្រជុំនៅថ្ងៃទី២៧ ខែធ្នូថា ឧត្តមសេនីយ៍ត្រី ស៊ុំ សុជាតិ ស្នងការរងនគរបាលខេត្តកំពង់ឆ្នាំង ត្រូវបានអង្គភាពប្រឆាំងអំពើពុករលួយ រកឃើញថា បានកាន់កាប់ និងទន្ទ្រានដីចំនួន៣៨ទីតាំង មានទំហំជិត១០០០ ហិកតា (៩៥២,០២ហិកតា (ឈ្មោះនេះបានធ្វើលិខិតប្រគល់ដីជូនរដ្ឋវិញចំនួន ៦៧៨ហិកតា)។ ស៊ុំ សុជាតិ បានលក់ដីព្រៃលិចទឹកតំបន់៣ ចំនួន៨លើក បានលុយជាង៥១ម៉ឺនដុល្លារ។