មនុស្សចំនួន២០៤នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល។មន្ត្រីគណៈកម្មការអន្តរក្រសួងដើម្បីប្រយុទ្ធនឹងជម្ងឺកូវីដ-១៩ លោកឧត្តមសេនីយ៍ឯក ម៉ៅ ពៅ បានថ្លែង នៅថ្ងៃ ទី១៧កញ្ញានេះថា សមត្ថកិច្ចនូវឃាត់បានរថយន្ត៦គ្រឿង,ឃាត់ម៉ូតូ១៤គ្រឿង និងផាក ពិន័យជាប្រាក់បាន ចំនួន ៦លាន៤សែនរៀល ក្នុងការអនុវត្តវិធានការច្បាប់ចំនួន៧០ករណីនៅថ្ងៃនេះ ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៧ម៉ឺន២ពាន់៥០១ ករណី និងការស្លាប់ថ្មីមានចំនួន១ពាន់៣៨២នាក់។

ការឆ្លងជំងឺកូវីដ១៩ក្នុងរយ:ពេល២៤ម៉ោងកន្លងមកនេះកើនឡើងចំនួន៥ករណីបើប្រៀបធៀបនឹងម្សិលមិញ។ ការឆ្លងថ្មីនៅថ្ងៃនេះចំនួន៦៩៨ករណីរួមមាន៥៤៧ករណីជាការឆ្លងចូលក្នុងសហគមន៍ និង១៥១ករណី គឺការឆ្លង មកពីក្រៅប្រទេស។ បើប្រៀបធៀបនឹងម្សិលមិញ, តួលេខឆ្លងក្នុងសហគមន៍ថ្ងៃនេះ បានថយចុះ៣៤ករណី, រីឯតួលេខឆ្លងមកពីក្រៅប្រទេសបានកើនឡើង៣៩ករណី។

ថ្នាក់មួយចំនួនក្នុងសាលារៀនចំនួន៥នៅរាជធានីភ្នំពេញត្រូវបានក្រសួងអប់រំសម្រេចផ្អាកជាបណ្តោះអាសន្ន ក្រោយការទើបចូលរៀនបានចំនួន២ថ្ងៃ។

មាតាបិតាជាច្រើន ត្រូវគេឃើញបាននាំកូនប្រុសស្រីរបស់គេមកទទួលការចាក់វ៉ាក់សាំងនៅតាមមណ្ឌលនានា ក្នុងរាជធានីនៅថ្ងៃទី១៧កញ្ញាដែលមានការចាក់ជាលើកដំបូងសម្រាប់កុមារក្រោមអាយុ១២ឆ្នាំនេះ៕

កុមារក្រោមអាយុ១២ឆ្នាំ បានទទួលការចាក់វ៉ាក់សាំងនៅថ្ងៃទី១៧កញ្ញានេះហើយ ក្នុងយុទ្ធនាការចាប់ផ្តើមដំបូង ក្នុងរាជធានីភ្នំពេញ, ខេត្តកណ្តាល, ខេត្តព្រះសីហនុ, និងខេត្តកោះ កុង។

គ្រាប់មីន១គ្រាប់ត្រូវគេប្រទះឃើញកប់នៅក្បែរមាត់បឹងមួយកន្លែងក្នុងខេត្តបាត់ដំបងនៅថ្ងៃទី១៦កញ្ញានេះ។ មីន មួយគ្រាប់ដែលរក ឃើញក្បែរមាត់បឹងអន្លុះដូង នៃភូមិព្រៃព្រំ២, ឃុំរបស់មង្គល នៃស្រុកមោងឫស្សី នោះ គឺជាប្រ ភេទមីនសញ្ញាលេខ បូកឬមីនស្គរ ដែលជាសំណល់ជាតិផ្ទុះសេសសល់ពីអតិតកាលសង្គ្រាមស៊ីវិល។

កុមារអាយុ១៤ឆ្នាំដែលបានបាត់ខ្លួនក្នុងហេតុការណ៍លិចទូកនេសាទក្នុងខេត្តព្រះសីហនុ ត្រូវបានគេរកឃើញ សាកសពហើយ។ សពរបស់កុមារាឈ្មោះសួន មករា ត្រូវបានគេរកឃើញកាលពីល្ងាចថ្ងៃទី១៥កញ្ញាក្រោយ ការ លិចក្នុងទឹករយៈពេលជាង២០ម៉ោង។ កុមារ ឈ្មោះ សួន មករា ដែលមិនចេះហែលទឹកសោះនោះ បានធ្វើ

តុលាការបានកាត់ទោសកំបាំងមុខដាក់គុក១៣ឆ្នាំនៅថ្ងៃនេះ ដល់អតីតមន្ត្រីនគរបាលម្នាក់ដែលជាឃាតករ បាញ់សម្លាប់បុរសជាងកាត់សក់អាយុ៣០ឆ្នាំម្នាក់។

វិទ្យាល័យ និងអនុវិទ្យាល័យចំនួន១១២ ក្នុងខេត្តតាកែវ នឹងត្រូវបើកឱ្យដំណការឡើងវិញនៅថ្ងៃទី២០ ខែកញ្ញា ខាងមុខនេះផងដែរ។