វត្ថុសិល្បៈបុរាណខ្មែរចំនួន៣០មុខ ដែលត្រូវបានគេលួចយកចេញពីតំបន់ប្រាសាទកោះកេរ្តិ៍ នឹងប្រគល់ឲ្យខ្មែរវិញ នៅដើមខែសីហាខាងមុខនេះ។

រដ្ឋមន្ត្រីក្រសួងការបរទេសកម្ពុជាបានថ្លែងថា កម្ពុជាដែលជាប្រធានអាស៊ានបានធ្វើលិខិត អញ្ជើញរដ្ឋមន្ត្រីការបរទេសរុស្ស៊ីលោកសៀរហ្គេ ឡារ៉ូហ្វ ដើម្បីចូលរួមកិច្ចប្រជុំរដ្ឋមន្រ្ដីការបរទេសអាស៊ាន និងកិច្ចប្រជុំ​ពាក់​ព័ន្ធ​នានា ប៉ុន្តែភាគីរុស្ស៊ីនៅមិនទាន់បានឆ្លើយតបនៅឡើយទេ។ រុស្ស៊ីគឺជាដៃគូសន្ទនាមួយជាមួយនឹងអាស៊ានដែលបានចាប់ផ្តើមតាំងពីខែកក្កដាឆ្នាំ១៩៩១នោះមក។

រដ្ឋមន្ត្រីការបរទេសជប៉ុនលោកយ៉ូស្ហ៊ីម៉ាសា ហាយីស្ហ៊ី គ្រោងនឹងធ្វើទស្សនកិច្ចក្នុងប្រទេស កម្ពុជាដែលជាដំណើរទស្សនកិច្ចពង្រឹងមិត្តភាពកាន់តែខ្លាំងរវាងប្រទេសទាំង២។

បាតុភូតភ្លៀង​ ផ្គរ រន្ទះ និងខ្យល់កន្ត្រាក់ នៅតែបន្ដកើតមានថែមទៀត ក្នុងសប្ដាហ៍ទៅមុខ ទៀតនេះ។ យោងតាមក្រសួងធនធានទឹកនិងឧតុនិយម កម្ពុជាកំពុងរងនូវឥទ្ធិពលពី ជ្រលងនៃប្រព័ន្ធសម្ពាធទាប អូសបន្លាយពី ភាគខាងជើងប្រទេសថៃ កាត់លើភាគខាងត្បូង ប្រទេសឡាវ និងភាគកណ្តាលប្រទេស វៀតណាម ជាមួយខ្យល់មូសុងនិរតី បក់ក្នុងល្បឿនពី មធ្យមទៅបង្គួរ។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល២៤ម៉ោងចុងក្រោយនេះ។ ករណីឆ្លងដោយសារកូវីដ១៩ ក្នុងប្រទេសអាស៊ាន ក្នុងរយៈ ពេល ២៤ម៉ោងចុងក្រោយមកនេះមានចំនួន ១ម៉ឺន ៨ពាន់ ៤០ករណី និងការស្លាប់ថ្មីមានចំនួន ៣៩នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុង រយៈពេល ២៤ម៉ោងចុងក្រោយនេះ។ អប្សរាណិតរាយការណ៍ជុំវិញការឆ្លងក្នុងប្រទេសទាំង ១០ ក្នុងរយៈពេល ២៤ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ មិនបានធ្លាក់ចុះឡើយនៅថ្ងៃនេះ។ តួលេខឆ្លង២៤ម៉ោងកន្លង មកនេះ មានចំនួន២២នាក់ ដែលស្មើនឹងតួលេខឆ្លងកាលពីម្សិលមិញ។ កម្ពុជាដែលគ្មានការ ឆ្លងជាងមួយខែកន្លះមកហើយនោះ ទើបបានរកឃើញការឆ្លងថ្មីសាឡើងវិញទើប ប្រមាណ ២១ថ្ងៃមកនេះ។ ក្នុងរយៈពេល២១ថ្ងៃកន្លងមកនេះ ការរកឃើញឆ្លងឡើងវិញមានចំនួន សរុប២២១នាក់ហើយ ។

មន្ត្រីអគ្គនាយកដ្ឋានពន្ធដារ  បានថ្លែងថាការប្រមូលចំណូលពន្ធក្នុងរយៈពេល៦ខែដើមឆ្នាំនេះ បានចំនួនជិត២ពាន់លានដុល្លារអាមេរិក។ ការបញ្ជាក់នូវតួលេខដុលនៃចំណូលពន្ធនេះ បាន លើកឡើងដោយអគ្គនាយកដ្ឋានពន្ធដារ លោក គង់ វិបុល ក្នុងកិច្ចប្រជុំបូកសរុបលទ្ធផលប្រមូលចំណូលខែមិថុនា ដោយក្នុងឆមាសទី១ ឆ្នាំ២០២២។

សាកសពកម្មករនេសាទម្នាក់ត្រូវគេប្រទះឃើញអណ្តែតក្នុងទឹកសមុទ្ទនៅថ្ងៃទី១៩កក្កដានេះ ក្រោយការធ្លាក់ក្នុងទឹកបាត់ចំនួន២ថ្ងៃ។ ជនរងគ្រោះឈ្មោះ លី ថេង អាយុ៣៦ឆ្នាំ បានធ្លាក់ចួល ក្នុងទឹកសមុទ្ទក្នុងពេលកំពុងរាយមងនៅចំណុចចន្លោះ «ពយក្បាលខ្មោច និងកោះតាទឹម» កាលពីយប់ថ្ងៃទី១៧ ខែកក្កដា ឆ្នាំ២០២២។