គ្រឿងញៀនជាង៤៤គីឡូក្រាម និងជនសង្ស័យជាតិថៃ, វៀតណាម និងខ្មែរចំនួន១១នាក់ ត្រូវបានសមត្ថកិច្ចបង្ក្រាបបាន។ យោងតាមមន្ទីរប្រឆាំងគ្រឿងញៀន ការបង្ក្រាបទាំងនេះ បានធ្វើឡើងក្នុងគោលដៅ៥ផ្សេងគ្នារវាងពីថ្ងៃទី១៣ដល់១៥ ខែកក្កដា ឆ្នាំ២០២២ នៅក្នុង រាជធានីភ្នំពេញដែលមាន២គោលដៅ និងនៅខេត្តបន្ទាយមានជ័យមាន៣គោលដៅ។

មន្ដ្រីយោធាណាដែលរកឃើញប្រើប្រាស់គ្រឿងញៀន នឹងមិនអនុញ្ញាតឱ្យបន្តកិច្ចការរបស់ ខ្លួនជាយោធិនទៀតឡើយ។ ការដាក់បទបញ្ជានេះ បានធ្វើឡើងដោយអគ្គមេបញ្ជាការរងកង យោធពលខេមរភូមិន្ទលោកឧត្តមសេនីយ៍ឯក ហ៊ុន ម៉ាណែត ដែលជាមេបញ្ជាការកងទ័ពជើង គោកក្នុងប្រសាសន៍មួយដែលបង្ហោះតាមបណ្តាញសង្គមក្នុងថ្ងៃទី១៩កក្កដា ខណៈដែលយោធិនខ្លះ ត្រូវគេរកឃើញជាប់ពាក់ព័ន្ធនឹងគ្រឿងញៀន និងយោធិនជាប់ពាក់ព័ន្ធ ទាំងនោះ កន្លងមក ត្រូវបានគេអនុគ្រោះដោយគ្រាន់តែយកទៅមន្ទីរអប់រំកែប្រែតែប៉ុណ្ណោះ។

ឱនភាពសេដ្ឋកិច្ចក្នុងបណ្តាប្រទេសនៅទ្វីបអឺរ៉ុប កំពុងតែជាចំណោទដោយសារតែការដាក់ ទណ្ឌកម្មលើរុស្ស៊ីដែលបង្កសង្គ្រាមក្នុងប្រទេសអ៊ុយក្រែន។ ប្រមាណជិត៥ខែមកនេះ សង្គ្រាម ក្នុងអ៊ុយក្រែនបានធ្វើឱ្យប្រទេសលើពិភពលោក ជាពិសេសប្រទេសក្នុងទ្វីបអឺរ៉ុប បានរងនឹង ការប៉ះពាក់សេដ្ឋកិច្ចរបស់ខ្លួនជាខ្លាំង។ លោក ម៉ារ យ៉ារិទ្ធិ មានសេចក្តីរាយការណ៍ព័ត៌មាន អន្តរជាតិនេះ

កម្ពុជាទទួលចំណូលពីការនាំកង់ចេញទៅលក់នៅក្រៅប្រទេស បានជាង ៤៥៥លានដុល្លារ នៅក្នុងឆមាសទី១នេះ ដែលទទួលបានចំណាត់ជាប់លេខ៥ក្នុងពិភពលោក។

រដ្ឋាភិបាលកូរ៉េខាងត្បូង គ្រោងនឹងជួយសាងសង់អគារថ្មីកម្ពស់ ៥ជាន់តម្លៃ១៦លានដុល្លារ ជូនមន្ទីរពេទ្យកុមារជាតិនៅចុងឆ្នាំ២០២៣។

ផ្លូវល្បឿនលឿន ភ្នំពេញ ព្រះសីហនុ នឹងត្រូវដាក់ឱ្យប្រើប្រាស់ចាប់ពីថ្ងៃទី១ ខែតុលា ឆ្នាំ ២០២២ ខាងមុខនេះហើយ។ រដ្ឋមន្ត្រីក្រសួងសាធារណការ និងដឹកជញ្ជូនលោក ស៊ុន ចាន់ថុល នៅថ្ងៃទី១៩កក្កដា ក្នុងឱកាសដែលអញ្ជើញពិនិត្យវឌ្ឍនភាពនៃការសាងសង់ផ្លូវ ល្បឿនលឿនដំបូងនៅកម្ពុជានេះបានឲ្យដឹងថា ផ្លូវល្បឿនលឿនភ្នំពេញ ព្រះសីហនុ នឹង ដាក់សាកល្បងការប្រើប្រាស់មួយខែជាមុនសិន មុននឹងការដាក់ប្រើប្រាស់គិតសេវាជាផ្លូវការ ទូទៅ។

សីតុណ្ហភាពកំដៅបានកើនឡើងខ្ពស់ និងបានបង្កជាអគ្គិភ័យជាភ្លើងឆេះព្រៃ និងបានសម្លាប់ មនុស្សជាច្រើនថែមទៀត។ រលកកម្តៅដែលបាននិងកំពុងកើតឡើងនេះ គឺដោយ សារកត្តា​បម្រែបម្រួលអាកាសធាតុបង្កឡើងដោយមនុស្ស។

ក្រុមជំនាញក្នុងគណៈកម្មការរដ្ឋសភា កំពុងពិនិត្យលើសេចក្តីស្នើនៃសេចក្តីព្រាងច្បាប់ស្តី ពីវិសោធនកម្មមាត្រារដ្ឋធម្មនុញ្ញ ក្រោយកិច្ចប្រជុំគណៈកម្មាធិការអចិន្ត្រៃយ៍ នាព្រឹកថ្ងៃទី១៩ ខែកក្កដា បានប្រគល់កិច្ចការ ដើម្បីធ្វើការសិក្សា និងធ្វើរបាយការណ៍ជូនគណៈកម្មាធិការ អចិន្ត្រៃយ៍រដ្ឋសភាវិញ។

រដ្ឋាភិបាលជប៉ុនបានផ្តល់រថយន្តដឹកសំរាមចំនួន១៥គ្រឿង មកក្រសួងប​រិស្ថាន ដើម្បីការគាំទ្រកម្ពុជាលើវិស័យបរិស្ថាននិងអនាម័យ។ ពិធីប្រគល់និងទទួលបានធ្វើឡើងនៅថ្ងៃទី១៨ កក្កដានេះនៅក្រសួងបរិស្ថាន ក្រោមអធិបតីភាពរដ្ឋមន្ត្រីក្រសួងបរិស្ថានលោក សាយ សំអាល់ និងឯកអគ្គរាជទូតជប៉ុន លោក Mikami Massahiro ។

សន្និបាតគណៈកម្មាធិការកណ្តាលវិសាមញ្ញនៃគណបក្សប្រជាជនបានបញ្ចប់កិច្ចប្រជុំរយៈ ពេល២ថ្ងៃរបស់ខ្លួនដោយបានអនុម័ត គាំទ្រសំណើវិសោធនកម្មលើកទី១០ នៃរដ្ឋធម្មនុញ្ញនៃ ព្រះរាជាណាចក្រកម្ពុជា។