រដ្ឋមន្ត្រីក្រសួងសាធារណការនិងដឹកជញ្ជូន លោក ស៊ុន ចាន់ថុល នឹងត្រៀមចុះពិនិត្យផ្លូវ ល្បឿនលឿនភ្នំពេញ- ក្រុងព្រះសីហនុនៅថ្ងៃអង្គារទី១៩កក្កដា ខណៈការធ្វើតេស្តសាកល្បង ផ្ទៃក្នុងនូវបញ្ជរបង់ប្រាក់ កំពុងតែប្រព្រឹត្តទៅ។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល២៤ម៉ោងចុងក្រោយនេះ។ ករណីឆ្លងដោយសារកូវីដ១៩ ក្នុងប្រទេសអាស៊ាន ក្នុងរយៈ ពេល ២៤ថ្ងៃចុងក្រោយមកនេះមានចំនួន ២ម៉ឺន ៦ពាន់ ៩៨ករណី និងការស្លាប់ថ្មីមានចំនួន ៤៥នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុង រយៈពេល ២៤ម៉ោងចុងក្រោយនេះ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ២៤ម៉ោងចុងក្រោយ 

កម្ពុជាក្នុងរយៈពេល២៤ម៉ោងកន្លងមកនេះ បានរកឃើញការឆ្លងថ្មីចំនួន១៤ករណីបន្ថែមទៀត ដែលជាករណីឆ្លងក្នុងសហគមន៍។ ក្នុងរយៈពេល ១៧ថ្ងៃបន្តបន្ទាប់ជាប់គ្នាមកនេះ, កម្ពុជាបាន រកឃើញករណីឆ្លង ១៥៣នាក់ហើយ ក្រោយការលែងឆ្លងមានប្រមាណជាង៥០កន្លងមក។

នៅក្នុងខេត្តព្រះវិហារនោះវិញ, អង្គភាពប្រតិបត្តិការសឹករងខេត្ត បានត្រៀមសម្ភារៈនិងការ ចេញសង្គ្រោះគ្រប់ពេលវេលាដើម្បីជួយពលរដ្ឋខណៈការព្យាករណ៍បានជូនដំណឹងពលរដ្ឋ ត្រូវប្រុងប្រយ័ត្ននឹងគ្រោះធម្មជាតិ។ យោងតាមការព្យាករណ៍រវាងពីថ្ងៃទី១៣ដល់១៩កក្កដា  កម្ពុជានឹងទទួលរងនូវឥទ្ធិពលសម្ពាធទាប ITCZ, សម្ពាធទាបសកម្មនៅលើសមុទ្រ ចិនខាង ត្បូង និងខ្យល់មូសុងនិរតីក្នុងកម្រិតពីមធ្យមទៅខ្លាំងថែមទៀត។ អប្សរាណិតរាយការណ៍ការ ត្រៀមបង្ការបស់កងកម្លាំងយោធាក្នុងខេត្តព្រះវិហារ

នៅក្នុងខេត្តកំពង់ឆ្នាំងនោះវិញ រដ្ឋបាលខេត្តបានអំពាវនាវពលរដ្ឋត្រូវបន្តប្រុងប្រយ័ត្នចំពោះ គ្រោះមហន្តរាយថែមទៀត ខណៈភ្លៀងនៅតែបន្តធ្លាក់នៅផ្នែកខាងលើមកជាប់ជាប្រចាំ។ ខេត្ត កំពង់ឆ្នាំង មិនមានសេចក្តីរាយការណ៍អំពីមនុស្សរងគ្រោះដោយគ្រោះធម្មជាតិនេះទេ។ អប្សរា ណិតធ្វើសេចក្ដីរាយការណ៍

មន្ត្រីធនធានទឹកខេត្តពោធិ៍សាត់ បានបន្តអំពាវនាវពលរដ្ឋធ្វើដំណើរឆ្លងកាត់ផ្លូវក្នុងតំបន់ភ្នំនិង ផ្លូវទឹកសូមប្រុងប្រយ័ត្នសុវត្ថិភាព ដែលការអំពាវនេះ បានធ្វើឡើងខណៈស្ថានភាពធាតុ អាកាសធ្លាក់ភ្លៀងនៅមិនទាន់បានផុតនៅឡើយទេ។ ក្នុងសប្តាហ៍នេះ ឳពុក ម្តាយនិងកូន ស្រី ចំនួន៣នាក់មួយគ្រួសារដែលធ្វើដំណើរឆ្លងកាត់ផ្លូវហូរមួយក្នុងខេត្តពោធិ៍សាត់ ត្រូវបានទឹក ស្ទឹងហូរកួចសម្លាប់។ អប្សរាណិតរាយការណ៍ជុំវិញស្ថានភាពជំនន់ទឹកភ្លៀងក្នុងខេត្ត និងការ អំពាវនាវមន្ត្រីធនធានទឹកក្នុងខេត្តដាស់តឿនពលរដ្ឋត្រូវប្រុងប្រយ័ត្ន

អដ្ឋិធាតុកងទ័ពស្ម័គ្រចិត្តវៀតណាមចំនួន២២អដ្ឋិធាតុត្រូវបានបញ្ជូនទៅប្រទេសកំណើតវិញ ក្នុងពិធីមួយ ដែលបានរៀបចំធ្វើនៅទីបញ្ជាការតំបន់ប្រតិបត្តិការសឹករងកណ្តាលនៅថ្ងៃ ទី ១៥កក្កដានេះ។

គណៈកម្មាធិការអចិន្ត្រៃយ៍រដ្ឋសភាគ្រោងនឹងធ្វើការប្រជុំនៅសប្តាហ៍ក្រោយ ដើម្បីពិនិត្យ សេចក្តីស្នើធ្វើវិសោធនកម្មច្បាប់លើមាត្រាមួយចំនួនក្នុងរដ្ឋធម្មនុញ្ញ។ រដ្ឋធម្មនុញ្ញ នៃព្រះរាជា ណាចក្រកម្ពុជា ដែលត្រូវបានប្រកាសឱ្យប្រើកាល ពីថ្ងៃ ទី២៤ ខែកញ្ញា ឆ្នាំ១៩៩៣ ត្រូវបាន ធ្វើវិសោធនកម្មជាបន្តបន្ទាប់ ចំនួន៩លើក ហើយគិតរហូតមកដល់ពេលនេះ។ មន្ត្រីរាជរដ្ឋាភិបាលបានថ្លែងថា ការធ្វើវិសោធនកម្មជាបន្តបន្ទាប់នេះ មានគោលបំណង ធានាឱ្យបាននូវ និរន្តរ ភាពជាតិ ក៏ដូចជាធានានូវឧត្តមប្រយោជន៍ជាតិ និងប្រជាជនកម្ពុជា។ អប្សរាណិតធ្វើសេចក្ដីរាយការណ៍

សម្ដេចតេជោ ហ៊ុន សែន បានអនុញ្ញាតឱ្យរដ្ឋមន្រ្តីការបរទេសបង់ក្លាដែស ចូលជួបសម្ដែង ការគួរសមនិងពិភាក្សាការងារនៅវិមានសន្តិភាពថ្ងៃទី១៥កក្កដានេះ ។ រដ្ឋមន្រ្តីការបរទេស បង់ក្លាដែស លោក អាប់ឌុល ម៉ូម៉ិន Abdul Momen កំពុងបំពេញទស្សនកិច្ច ៣ថ្ងៃក្នុងប្រ ទេសកម្ពុជា ដែលជាដំណើរទស្សនកិច្ចលើក កម្ពស់និងពង្រឹងកិច្ច សហប្រតិបត្តិការ រវាងប្រ ទេសទាំង២។

ស្នងការដ្ឋាននគរបាលរាជធានី បានពង្រឹងលើកិច្ចការធ្វើអត្តសញ្ញាណកម្មដល់ខណ្ឌមួយចំនួន ខណៈសេវាធ្វើអត្តសញ្ញាណកម្មនេះ លក្ខណៈយឺតយ៉ាវ។ ការពង្រឹងកិច្ចការធ្វើអត្តសញ្ញាណកម្មកាលពីរសៀលថ្ងៃទី១៣កក្កដា បានដាស់តឿនមន្ត្រីក្រោមបង្គាប់ថា កិច្ចការនេះមិនតម្រូវឱ្យពលរដ្ឋត្រូវបង់ប្រាក់នោះទេ។ អប្សរាណិតធ្វើសេចក្ដីរាយការណ៍