ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល២៤ម៉ោងចុងក្រោយនេះ។ ករណីឆ្លងដោយសារកូវីដ១៩ ក្នុងប្រទេសអាស៊ាន ក្នុងរយៈ ពេល ២៤ថ្ងៃចុងក្រោយមកនេះមានចំនួន ១ម៉ឺន ២ពាន់ ៥៣៨ករណី និងការស្លាប់ថ្មីមានចំនួន ៣៥នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុង រយៈពេល ២៤ម៉ោងចុងក្រោយនេះ។

ក្រសួងសុខាភិបាលបានប្រកាសការរកឃើញការឆ្លងវីរុសបំប្លែងថ្មីអូមីក្រុង BA4 និងBA5 និង អំពាវនាវពលរដ្ឋត្រូវបង្កើនការប្រុងប្រយ័ត្ននិងបន្តការទទួលយកវ៉ាក់សាំងដូសជម្រុញ។  

ពិធីបុណ្យទក្ខិណានុប្បទានគម្រប់ខួប៩ ឆ្នាំឧទ្ទិស កុសលជូនដួងវិញ្ញាក្ខ័ន្ធអ្នកឧកញ៉ាមហា ភក្តី សប្បុរិសភោគាធិបតី ហ៊ុន នាង និងខួប ២៤ ឆ្នាំ ឧទ្ទិសកុសលជូនដួងវិញ្ញាណក្ខ័ន្ធលោក យាយមហាឧបាសិកា ឌី​ ប៉ុក បានរៀបចំធ្វើ នៅថ្ងៃទី១២ កក្កដា នាមហាចេតិយក្នុងវត្ត បារមី វង្កតបុរីកបិលភ័ស្ត ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

មន្រ្តីជាន់ខ្ពស់អាកាសចរណ៍ស៊ីវិល បានថ្លែងថាគម្រោងសាងសង់ព្រលានយន្តហោះ អន្ដរ ជាតិសៀមរាបអង្គរថ្មី កំពុងជួបឧបសគ្គដោយសារគោលនយោបាយសូន្យកូវីដ១៩របស់ប្រ ទេសចិន។

ការធ្វើចរាចរណ៍លើផ្លូវល្បឿនលឿនដែលមិនទាន់បានសាងសង់បញ្ចប់រួចរាល់ បានប្រញាប់ ឱ្យក្រសួងសាធារណការនិងដឹកជញ្ជួនបានចេញសេចក្តីជូនដំណឹងហាមឃាត់យានយន្តទាំង ឡាយមិនត្រូវធ្វើដំណើរលើផ្លូវដែលមិនទាន់ប​ញ្ចប់ការសាងសង់នោះឡើយ។

លោក សុន ឆ័យ ដែលរងការចោទពីបទបរិហាកេរ្តិ៍ជាសាធារណៈ បានវិលត្រឡប់មកពីប្រទេសកាណាដា និងត្រៀមចូលបំភ្លឺក្នុងតុលាការនៅថ្ងៃសុក្រទី១៥កក្កដាសប្តាហ៍នេះ។

ដុំថ្មជាច្រើនផ្ទាំងធំៗដែលបានបាក់ធ្លាក់ចុះនៅចង្កេះភ្នំប្រាសាទព្រះវិហារ ត្រូវបានពលរដ្ឋ និងសមត្ថកិច្ចអាជ្ញាធររួមគ្នាសម្អាតយកចេញរួចរាល់ហើយ នារសៀលថ្ងៃ១២កក្កដា ។ ដុំថ្មធំៗ ទាំងនេះ បានបាក់និងរមាលធ្លាក់មកលើផ្លូវនៃចង្កេះប្រាសាទព្រះវិហារ ដោយសារតែការ ធ្លាក់ធ្លាក់ខ្លាំងនិងជោគជាំនៅទីនោះ។ អប្សរាណិតធ្វើសេចក្ដីរាយការណ៍

ការធ្លាក់ភ្លៀងយ៉ាងច្រើននិងមានទឹកធ្លាក់មកពីលើភ្នំគិរីរម្យ បានធ្វើអាជ្ញាធរសម្រេចផ្អាកការ ធ្វើចរាចរណ៍បណ្តោះអាសន្នលើកំណាត់ផ្លូវជាតិលេខ៤ ត្រង់ចំណុចស្ពានសំរោង ចន្លោះ គីឡូម៉ែត្រលេខ១១៥ និង១១៦។ ចន្លោះគីឡូម៉ែត្រនោះ គឺស្ថិតនៅភូមិស្ទឹងច្រាល ឃុំអូរបាក់រទះ ស្រុកកំពង់សីលា ក្នុងខេត្តព្រះសីហនុ។

ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសកម្ពុជា លោក ប្រាក់ សុខុន បានជួបពិភាក្សាការងារជាមួយឧបការីរដ្ឋមន្ត្រីការបរទេសអាមេរិកលោកដានីញ៉ែល គ្រីថិនប្រ៊ីង ក្នុងឱកាស ដែលលោកកំពុងធ្វើទស្សនកិច្ចក្នុងប្រទេសកម្ពុជា។

ប្រធានយុវជនគណបក្សប្រជាជនកម្ពុជាថ្នាក់កណ្តាល បណ្ឌិត ហ៊ុន ម៉ាណែត បានដឹកនាំ គណៈប្រតិភូ គោរពវិញ្ញាណក្ខន្ធសព អតីតនាយករដ្ឋមន្ត្រីជប៉ុនលោក Shinzo Abe នារសៀល ថ្ងៃអង្គារនេះនៅស្ថានទូតជប៉ុនប្រចាំកម្ពុជា។