ក្រុមគ្រូពេទ្យស្ម័គ្រចិត្តសម្តេចតេជោ (TYDA) បានចុះព្យាបាល ជម្ងឺទូទៅ និងពិនិត្យសុខភាពមាត់ធ្មេញ ជូនសមាជិកាក្រុមកាយឫទ្ធិនារីកម្ពុជានៅស្រុកបន្ទាយស្រី។ ការចុះព្យាបាលនេះកាលពីថ្ងៃទី១០ ខែកក្កដា ឆ្នាំ២០២២ ដឹកនាំដោយ អគ្គស្នងការសមាគមកាយឫទ្ធិនារីកម្ពុជា លោកជំទាវបណ្ឌិត ពេជ ចន្ទមុន្នី។

ប្រពៃណីប្រគេនទៀនព្រះវស្សាតាមវត្តអារ៉ាមនៅតែបន្តជាប់ជាប្រចាំជាពិសេសនៅមុនពិធី ចូលព្រះវស្សាឈានមកដល់។ កាលពីថ្ងៃទី៩កក្កដាឆ្នាំ២០២២, តំណាងគ្រួសារសម្តេចតេជោ ហ៊ុន សែន បានរៀបចំធ្វើពិធីនេះ បន្តថែមទៀតក្នុងបុទុមវតី្តក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។ អប្សរាណិតធ្វើសេចក្តីរាយការណ៍

ប្រទេសអាស៊ានទាំង១០នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល៧២ម៉ោងចុងក្រោយនេះ។ ករណីឆ្លងថ្មីកូវីដ១៩ ក្នុងប្រទេសអាស៊ាន ក្នុងរយៈពេល ៣ថ្ងៃមកនេះមានចំនួន ៥ម៉ឺន ៨ពាន់ ២៨៦ករណី និងការស្លាប់ថ្មីមានចំនួន ១១៣នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ដដែល ក្នុងរយៈពេល ៧២ម៉ោងចុងក្រោយនេះ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ៧២ម៉ោងចុងក្រោយ

ក្រសួងសុខាភិបាលបានអំពាវនាវពលរដ្ឋត្រូវបន្តប្រញាប់ទទួលយកវ៉ាក់សាំងបង្ការជម្ងឺកូវីដ ១៩បន្ថែមទៀត ខណៈមានសេចក្តីរាយការណ៍ការរកឃើញវីរុសបំប្លែងថ្មី២ប្រភេទដែលអាច បញ្ជ្រាបចូលក្នុងភាពស៊ាំក្នុងសហគមន៍បាន។ វីរុសបំប្លែងថ្មី២ប្រភេទដែលទើបបានរកឃើញ នោះគឺវីរុស BA4 និងBA5 ដែលជាប្រភេទវីរុសអូមីក្រុងបំប្លែងថ្មី។ អប្សរាណិតធ្វើសេចក្តីរាយការណ៍

ទាហានអ៊ុយក្រែន និងទាហានរុស្ស៊ីបានរាយការណ៍នូវភាពវិវត្តន៍វាយប្រហារដាក់គ្នាទៅវិញ ទៅមកខណៈសង្គ្រាមបានឈានចូលដល់ថ្ងៃទី១៣៧ហើយ។ ក្នុងរយៈច្រើនថ្ងៃកន្លងមកនេះ ទាំងទាហានអ៊ុយក្រែន និងទាហានរុស្ស៊ី ត្រូវគេកត់សម្គាល់ថាបានរងនឹងការបាត់បង់និងការ ខូចខាតធ្ងន់ធ្ងរ ប៉ុន្តែភាគីទាំង២នៅតែបន្តការប្តេជ្ញារកការឈ្នះលើសង្គ្រាមរៀងៗខ្លួន។

ដុំថ្មធំៗជាច្រើនផ្ទាំង នៅខេត្តព្រះវិហារ បានរមៀលធ្លាក់ពីចង្កេះភ្នំអានសេះមកលើកំណាត់ ផ្លូវ ខណៈមេឃបានធ្លាក់ភ្លៀង។ ហេតុការណ៍ ដែលមានផ្ទាំងថ្មបាក់ធ្លាក់ជាច្រើននេះ បានកើត ឡើងនៅថ្ងៃទី១១ ខែ កក្កដា ស្ថិតនៅក្នុងស្រុកជាំក្សាន្ត ។ អប្សរាណិតធ្វើសេចក្ដីរាយការណ៍

យ៉ាងហោចមានផ្ទះពលរដ្ឋ១៧ខ្នង និងផ្លូវលំមួយចំនួននៅ ខេត្តមណ្ឌលគិរី បានរងការជន់នឹងជំនន់ទឹកភ្លៀង។ 

សម្តេចអគ្គមហាសេនាបតីតេជោ ហ៊ុន សែន បា​នដឹកនាំមន្ត្រីជាន់ខ្ពស់រាជរដ្ឋាភិបាល ចូលរួម គោរពវិញ្ញាណក្ខ័ន្ធ អតីតនាយករដ្ឋមន្ត្រីជប៉ុន លោកShinzo Abe ដែលត្រូវបានឃាតករបាញ់ សម្លាប់ក្នុងប្រទេសជប៉ុន។

ប្រមុខដឹកនាំនៃប្រទេសកម្ពុជាសម្តេចតេជោ ហ៊ុន សែន បានថ្លែងនៅថ្ងៃទី១១កក្កដាឆ្នាំ២០២២ ដោយការ​ប្តេជ្ញាការរៀបចំព្រឹត្តិការណ៍កីឡាស៊ីហ្គេម និងកីឡាអាស៊ានប៉ារ៉ាហ្គេមឆ្នាំ២០២៣ ឱ្យទទួលបានជោគជ័យ។

តួលេខមនុស្សស្លាប់និងរងរបួសដោយចរាចរណ៍នៅតែច្រើនគួរឱ្យកត់សម្គាល់។ យោងតាម អគ្គស្នងការដ្ឋាននគរបាលជាតិ រយៈ៦ខែដើមឆ្នាំនេះ តួលេខមនុស្សស្លាប់ និងរងរបួសមានចំនួន៣ពាន់១៧៧នាក់។