ខេត្តបាត់ដំបង បានបន្តរកឃើញអ្នកឆ្លងជំងឺកូវីដ១៩ ចំនួន ៨៥នាក់ និងមានអ្នកស្លាប់ថ្មីម្នាក់ថែមទៀត ក្នុង រយៈពេល២៤ម៉ោងចុងក្រោយនេះ ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៧ម៉ឺន៥ពាន់៣២ ករណី និងការស្លាប់ថ្មីមានចំនួន១ពាន់៣៨៤នាក់។

មនុស្សចំនួន៤០៣នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋ បាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លង កូវីដ ១៩។

កម្ពុជាបានប្រកាសដាក់ដំណើរការជាផ្លូវការនូវប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានក្នុងដំណាក់កាលទី២។ ប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន គឺជាប្រព័ន្ធបច្ចេកវិទ្យាឌីជីថលសម័យថ្មីដែល កម្ពុជាទើបបានអនុវត្តជាលើកដំបូងក្នុងសម័យដែលកម្ពុជានិងពិភពលោកបានរងនឹងអំពើរាតត្បាតដោយជម្ងឺ កូវីដ១៩។

ក្រសួងអប់រំបានសម្រចយកគោលការណ៍ចំនួន៥ចំណុចក្នុងការអនុញ្ញាតការបើកសាលារៀនឡើងវិញក្រោយ សេចក្តីស្នើរបស់ប្រមុខរាជរដ្ឋាភិបាល។ កិច្ចប្រជុំថ្ងៃទី១កញ្ញានេះដែលចូលរួមដោយរដ្ឋមន្ត្រីក្រសួងអប់រំ លោក ហង់ជួនណារ៉ុន បានអនុញ្ញាតបើកសាលារៀន តាមការរៀបចំជាបណ្តុំ ដែលមានចំនួនសិស្សតិចជាង១៥នាក់, និងការរៀនឆ្លាស់វេន ឬការរៀនតាមបែបចម្រុះនៅតាមតំបន់ប្រជុំជននិងទីក្រុងដែលមានការឆ្លងតិច និងដែល មានការចាក់វ៉ាក់សាំងរួច។

ប្រធានសហភាពសហព័ន្ធយុវជនកម្ពុជាលោកហ៊ុនម៉ានីនិងសប្បុរសជន បានយកសម្ភារៈស្បៀងនិងថវិកា ប្រគល់ជូនស្នងការដ្ឋាននគរបាលរាជធានីភ្នំពេញនៅថ្ងៃទី១កញ្ញានេះក្នុងស្ថានភាពដែលកងកម្លាំងនគរបាល កំពុងរួមចំណែកខ្លាំងក្លាក្នុងការទប់ស្កាត់បង្កាកូវីដ១៩ក្នុងសហគមន៍។

ប្រជាពលរដ្ឋចំនួន១០ម៉ឺន៧ពាន់៧២៧នាក់ ក្នុងរយៈពេល២៤ម៉ោងកន្លងមកនេះ បានទទួលការចាក់វ៉ាក់សាំង បង្ការជម្ងឺកូវីដ១៩។

ការឆ្លងជំងឺកូវីដ១៩នៅក្នុងប្រទេសកម្ពុជាក្នុងរយ:ពេល២៤ម៉ោងកន្លងមកនេះ បានបន្តកើនឡើងជាងម្សិលចំនួន ១៦ករណី។ ការឆ្លងថ្មីថ្ងៃនេះមាន៤៥៥ករណី ដែលក្នុងនោះរួមមានការឆ្លងចូលក្នុងសហគមន៍៣៧៥ករណី និង ការឆ្លងមកពីក្រៅប្រទេស៨០ករណី។

មន្ត្រីជាន់ខ្ពស់ក្រសួងធនធានទឹកនិងឧតុនិយម បានអំពាវនាវពលរដ្ឋតាមខេត្តនៅតំបន់វាលទំនាបកណ្តាលត្រូវ ប្រុងប្រយ័ត្ននឹងជំនន់់ទឹកភ្លៀងក្នុងសប្តាហ៍ដែលកម្ពុជាកំពុងរងឥទ្ធិពលជ្រលងសម្ពាធទាបឥណ្ឌាក្នុងកម្រិតខ្លាំងជាមួយនិងប្រព័ន្ធសម្ពាធទាបបន្ថែមទៀត។

ភ្លៀងក្នុងមួយសប្តាហ៍ទៅមុខទៀតនេះ នឹងបន្ដធ្លាក់ច្រើនថែមទៀត ខណៈកម្ពុជាទទួលរងនូវឥទ្ធិពលជ្រលង សម្ពាធទាបឥណ្ឌាក្នុងកម្រិតខ្លាំងជាមួយនិងប្រព័ន្ធសម្ពាធទាប។ ដោយឡែករវាងពីថ្ងៃទី២ដល់ទី៤ និងថ្ងៃទី៧ កញ្ញាកម្ពុជានឹងបន្ថែមដោយឥទ្ធិពលខ្យល់សមុទ្រ Breeze ថែមទៀត។