គ្រឿងញៀនជាង១៥គីឡូក្រាម និងជនសង្ស័យបរទេសចំនួន៤នាក់ត្រូវបានសមត្ថកិច្ចបង្ក្រាបបាន នៅទីតាំង ២ផ្សេងគ្នានៅក្នុងរាជធានីភ្នំពេញ និងខេត្តបន្ទាយមានជ័យ។

អ្នកជួលបន្ទប់ស្នាក់នៅ៣នាក់នៅភូមិត្រពាំងថ្លឹង៣, សង្កាត់ចោមចៅ១ នៃខណ្ឌពោធិ៍សែនជ័យ ត្រូវបានគេរក ឃើញឆ្លងវីរុសបំប្លែងថ្មី Delta ដែលនាំឲ្យមានការបារម្ភឆ្លងរាលដាលដល់មនុស្សដទៃ។ អនុគណៈកម្មការស្រាវជ្រាវជំងឺកូវីដ១៩ បានអំពាវនាវដល់ប្រជាពលរដ្ឋ ដែលធ្លាប់បានទៅទីកន្លែង និងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដាន សុខភាពរបស់ខ្លួនរយៈ ពេល ២១ ថ្ងៃ។ កម្ពុជាគិតត្រឹមថ្ងៃទី២៦ សីហា ឆ្នាំ២០២១, វីរុសបំប្លែងថ្មី Delta ត្រូវបានរកឃើញសរុបចំនួន១ពាន់៥៣៤ករណី ក្នុងរាជធានីនិងខេត្ត ចំនួន២៣។

បុរសអាយុ១៩ឆ្នាំម្នាក់ពាក់ព័ន្ធនឹងអំពើឃាតកម្មសម្លាប់កុមារម្នាក់ក្នុងបន្ទប់ជួលស្នាក់នៅមួយកន្លែងក្នុងខណ្ឌ ពោធិ៍សែនជ័យ ត្រូវបានចាប់ខ្លួន។

អាជ្ញាធរខេត្តព្រះសីហនុ បានរកឃើញសាកសពហើមរបស់បុរសជនបរទេសម្នាក់ក្នុងប្រអប់លូមួយកន្លែង ស្ថិត នៅភូមិថ្មធំ, ឃុំរាម នៃស្រុកព្រៃនប់។

សម្ដេចនាយករដ្ឋមន្ត្រីកម្ពុជាបាន អនុញ្ញាតឲ្យសហព័ន្ធកីឡាទូកក្ដោងកម្ពុជា និងសិង្ហបុរី សហការគ្នារៀបចំព្រឹត្តិ ការណ៍ជើងឯកអាស៊ីអាគ្នេយ៍ ចុងឆ្នាំ២០២១នេះ។

រដ្ឋលេខាធិការម្នាក់នៃក្រសួងទំនាក់ទំនងជាមួយរដ្ឋសភានិងព្រឹទ្ធសភានិងអធិការកិច្ច ត្រូវបានគេប្តឹងពីបទឆរ បោកជនបរទេសជាតិជប៉ុនម្នាក់ពាក់ព័ន្ធនឹងទឹកប្រាក់ចំនួន៧ម៉ឺន៥ពាន់ដុល្លារអាមេរិក។

ស្ថានីយនិងដេប៉ូលក់ប្រេងយ៉ាងហោចចំនួន១៩៧កន្លែង ដែលប្រកបអាជីវកម្មមិនសុចរិត ត្រូវបានមន្រ្តីជំនាញ រកឃើញក្នុងរយៈពេលជិត៨ខែដើមឆ្នាំនេះ។

មនុស្សយ៉ាងហោចចំនួន៣២នាក់បានស្លាប់ និងរងរបួសនៅក្នុងរយៈពេល៧ខែនៃឆ្នាំ២០២១នេះ ដោយសារ សំណល់ជាតិផ្ទុះនានាក្នុងប្រទេសកម្ពុជា។ តួលេខរងគ្រោះនេះ បានបញ្ជាក់ក្នុងសេចក្តីប្រកាសព័ត៌មានថ្ងៃទី២៦ សីហារបស់ អាជ្ញាធរមីនកម្ពុជាក្រោយកិច្ចប្រជុំក្រុមការងារបច្ចេកទេសជុំវិញផែនការសកម្មភាពការបោសសំអាត មីននិងគ្រាប់មិនទាន់ផ្ទុះនៅកម្ពុជា។ សេចក្តីប្រកាសព័ត៌មានដដែលមិនបានបញ្ជាក់ថាតើក្នុងចំនួនអ្នករងគ្រោះ ៣២នាក់នោះ, តើមានចំនួនស្លាប់និងរបួសប៉ុន្មាននាក់នោះទេ។

ស្ថានទូតកម្ពុជាប្រចាំសហរដ្ឋអាមេរិកបានចាត់វិធានការចំពោះការបន្លំស្លាកសញ្ញា «ផលិតផលគុយទាវភ្នំពេញ» និង «រូបសញ្ញាប្រាសាទអង្គរវត្ត» របស់កម្ពុជានៅទីផ្សារអាមេរិក។

ថវិកាជិត៧០ម៉ឺនដុល្លារអាមេរិក ត្រូវបានកាកបាទក្រហមកម្ពុជាផ្ដល់ជូនសមាគមអតីតយុទ្ធជនកម្ពុជា សម្រាប់ ការបន្តសាងសង់ផ្ទះជូនអតីតយុទ្ធជនកម្ពុជាក្រីក្រចំនួន៦២៨គ្រួសារនៅខេត្តពោធិ៍សាត់។