ប្រជាពលរដ្ឋ១០ម៉ឺន៥ពាន់៣៧នាក់ បានទទួលការចាក់វ៉ាក់សាំងរយៈពេល២៤ម៉ោងកន្លងមកនេះដែលចំនួន អ្នកចាក់ក្នុងរយៈពេល២៤ម៉ោងកន្លងមកនេះ តិចជាងម្សិលមិញ៤ពាន់៧៩៤នាក់។

ខេត្តនិងរាជធានីទាំង២៣ដែលមានការឆ្លងរាតត្បាតនៃវីរុសបំប្លែងថ្មីកូវីដ១៩ ត្រូវបានគេរកឃើញការឆ្លងវីរុស កាន់តែកើនឡើងច្រើនថែមទៀតគួរឲ្យកត់សម្គាល់

ការឆ្លងជំងឺកូវីដ១៩នៅក្នុងប្រទេសកម្ពុជាក្នុងរយ:ពេល២៤ម៉ោងកន្លងមកនេះ កាន់តែថយចុះជាងម្សិលចំនួន ១២ករណី។ ការឆ្លងថ្មីថ្ងៃនេះមាន៤១១ករណី ដែលក្នុងនោះរួមមានការឆ្លងចូលក្នុងសហគមន៍៣២៦ករណី និង ការឆ្លងមកពីក្រៅប្រទេស៨៥ករណី។

វ៉ាក់សាំងស៊ីណូវ៉ាក់ចំនួន២លានដូសដែលជាការបញ្ជាទិញរបស់រាជរដ្ឋាភិបាលកម្ពុជា នឹងដឹកមកដល់រាជធានី ភ្នំពេញនៅថ្ងៃអង្គារសប្តាហ៍ក្រោយ។

កម្ពុជាបានស្នើឥណ្ឌូណេស៊ីប្រគល់កប៉ាល់ដែលលួចដឹកប្រេងឆៅរត់គេចចេញពីប្រទេសកម្ពុជា និងជនពាក់ព័ន្ធ នៅលើកប៉ាល់ទាំងអស់មកកម្ពុជា ដើម្បីការចាត់វិធានការតាមផ្លូវច្បាប់។

អាល់កុលក្លែងក្លាយជាង ៧ម៉ឺនលីត្រ ត្រូវបានកម្ទេចចោលនៅថ្ងៃទី២៦សីហានេះ។ ពិធីបំផ្លាញចោលអាល់កុល ក្លែងក្លាយ បានធ្វើឡើងក្រោមវត្តមានអនុប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ លោកឧត្តមសេនីយ៍ឯក គឹម ជាតិ នៅថ្ងៃទី២៦ ខែសីហា ឆ្នាំ២០២១ នៅទីលានចាក់សំរាម ដែលស្ថិតនៅក្នុងខណ្ឌដង្កោ រាជ ធានីភ្នំពេញ។

រដ្ឋបាលរាជធានីភ្នំពេញ បានបន្តបិទខ្ទប់កំណាត់ផ្លូវលេខ៣៥ នៃភូមិព្រែកតាឡុង២, សង្កាត់ចាក់អង្រែក្រោម ខណ្ឌមានជ័យ រយៈពេលមួយសប្តាហ៍ទៀត ដែលជាតំបន់មានការឆ្លងរាលដាលមេរោគបំប្លែងថ្មី Delta។

រថយន្តពន្លត់អគ្គិភ័យទំនើប២គ្រឿងដែលមានសមត្ថភាពបាញ់ទឹកបានកំពស់ដល់៥២ម៉ែត្រ ត្រូវបានបំពាក់ដល់ កងកម្លាំងនគរបាលទន្ទឹមនឹងសេចក្តីរាយការណ៍ករណីឆេះក្នុងរាជធានីភ្នំពេញបានកើតឡើងច្រើនជាបន្តបន្ទាប់ ។

បុរសសង្ស័យម្នាក់ជាមួយថ្នាំញៀនជាង២គីឡូក្រាម ត្រូវសមត្ថកិច្ចបង្ក្រាបបាននៅរាជធានីភ្នំពេញ។ មន្ទីរប្រ ឆាំងគ្រឿងញៀននៅថ្ងៃព្រហស្បតិ៍នេះ បានបញ្ជាក់ថាការបង្ក្រាបបានធ្វើនាវេលាយប់ថ្ងៃទី២៣សីហានៅចំណុច ភូមិកំរៀង, សង្កាត់ព្រៃវែង, ខណ្ឌដង្កោ រាជធានីភ្នំពេញ។ សមត្ថកិច្បានឃាត់ខ្លួនជនសង្ស័យឈ្មោះ មិល ពៅ អាយុ ៣១ឆ្នាំ និងរឹបអូសគ្រឿងញៀនប្រភេទមេតំហ្វេតាមីន(ICE) ទម្ងន់២គីឡូក្រាម៥៤០ក្រាមនិង២១មីលីក្រាម៕

រាជធានីភ្នំពេញបានបន្តការរៀបចំសណ្តាប់ធ្នាប់តាមដងផ្លូវជាបន្តបន្ទាប់ក្រោយការប្តេជ្ញាចិត្តរបស់មន្ត្រីរដ្ឋ បាលរាជធានី។ នៅថ្ងៃនេះការរៀបចំសណ្តាប់ធ្នាប់ត្រូវតាមដងផ្លូវ ត្រូវគេឃើញបានធ្វើនៅខណ្ឌ៧មករាបន្ទាប់ ពីការទើបរៀបចំក្នុងខណ្ឌទួលគោកកន្លងមកនេះ។