ខេត្តកែប បានបន្តរកឃើញអ្នកឆ្លងជំងឺកូវិដ១៩ ចំនួន ៧នាក់ ថ្មីទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខកើនឡើងជាងម្សិលមិញចំនួន៣នាក់ ។ យោងតាមរដ្ឋបាលខេត្ត ការរកឃើញឆ្លងថ្មីនៅថ្ងៃនេះ បាន កើតលើពលរដ្ឋនៅក្នុងក្រុងកែប៥និង នៅស្រុកដំណាក់ចង្អើរ ២នាក់ ។

ខេត្តកោះកុងបានរកឃើញអ្នកឆ្លងថ្មីចំនួន២១នាក់នៅថ្ងៃនេះដែលជាតួលេខឆ្លងកើន២នាក់ប្រៀបធៀបនឹង ម្សិលមិញ។ ខេត្តកោះកុង គឺជាខេត្តដែលមានការឆ្លងវីរុសបំប្លែងថ្មី Delta មួយករណីផងដែរក្នុងសប្តាហ៍នេះ។ យោងតាមរដ្ឋបាលខេត្តការឆ្លងរយៈពេល២៤ ម៉ោងកន្លងមកនេះ បានកើតលើពលរដ្ឋក្នុងស្រុក ស្រុកស្រែអំបិល ចំនួន៧នាក់, ស្រុកគីរីសាគរ៦នាក់, ក្រុមខេមរភូមិន្ទ២នាក់, និងស្រុកមណ្ឌលសីមាចំនួន៣នាក់ ,ស្រុកកោះកុង ម្នាក់ ,ស្រុកបូទុមសាគរម្នាក់ និងស្រុកកំពង់សិលាម្នាក់។ ខេត្តកោះកុងនៅថ្ងៃនេះ បានព្យាបាលអ្នកឆ្លងកូវីដ ១៩ ជាសះស្បើយ ចំនួន៣៨នាក់។

ខេត្តឧត្តរមានជ័យ បានរកឃើញអ្នកឆ្លងជំងឺកូវីដ១៩ ចំនួន ៣៣នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងថយចុះ ១០នាក់ បើប្រៀបធៀបនឹងការរកឃើញកាលពីម្សិលមិញ ។ ខេត្តឧត្តរ មានជ័យ គឺជាខេត្តដែលមានការឆ្លងវីរុសបំប្លែងថ្មី Delta ចំនួន១៤ករណីផងដែរក្នុងសប្តាហ៍នេះ។ យោងតាមរដ្ឋ បាលខេត្ត ការរកឃើញឆ្លងថ្មីនៅថ្ងៃនេះ ជាករណីឆ្លងលើពលករដែលកំពង់ធ្វើចត្តាឡីស័កចំនួន ៣នាក់ និង ៣០ នាក់ ដទៃទៀតជាករណីឆ្លងនៅក្នុងសហគមន៍ ។ ពលរដ្ឋដែលឆ្លងនៅក្នុងសហគមន៍ទាំងនោះ មានទីលំនៅក្នុង ក្រុងសំរោង ២៧នាក់ និងនៅស្រុកអន្លង់វែង ៣នាក់ ។ ខេត្តឧត្តមានជ័យបច្ចុប្បន្ន មានអ្នកឆ្លងជំងឺកូវីដ១៩ សរុប ចំនួន ៥ពាន់ ៤២៥នាក់, ជាសះស្បើយមានចំនួន ១ពាន់ ៩៨៦នាក់ និងមានអ្នកស្លាប់ចំនួន ៩នាក់ ៕

នៅក្នុងខេត្តព្រះវិហារដដែល៖ ខេត្តបានរៀបចំនូវក្បួនដង្ហែររថយន្តជាង១២០គ្រឿងនៅថ្ងៃនេះជាមួយនឹងការចាក់ មេក្រូពញ្ញាក់ស្មារតីពលរដ្ឋដើម្បីបង្កើនការប្រុងប្រយ័ត្នការទប់ស្កាត់ការឆ្លងរាលដាលវីរុសកូវីដ១៩។ ការធ្វើក្បួន ដង្ហែររថយន្តនោះបានប្រព្រឹត្តទៅនៅថ្ងៃទីសុក្រទី១៣សីហានេះ។

ខេត្តព្រះវិហារ បានរកឃើញអ្នកឆ្លងជំងឺកូវីដ១៩ ចំនួន ៨ នាក់ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខឆ្លងទាបជាងម្សិលមិញចំនួន ៣នាក់។ ខេត្តព្រះវិហារក្នុងសប្តាហ៍នេះ បានរកឃើញការឆ្លងវីរុស បំប្លែងថ្មី Delta ចំនួន៤ករណីផងដែរ។ យោងតាមរដ្ឋបាលខេត្តអ្នកទើបរកឃើញឆ្លងថ្មីទាំងនោះ គឺជាពលរដ្ឋមានទៅលំនៅនៅក្នុងស្រុកជាំក្សាន្ត ៣នាក់ និងស្រុកឆែបចំនួន ៥នាក់ ។ ខេត្តព្រះវិហារ គិតរហូតមកទល់នឹងពេលនេះ មានអ្នកឆ្លងជំងឺកូវីដ១៩ ចំនួន ៧៨១ នាក់ ក្នុងនោះមានអ្នកជាសះស្បើយចំនួន ៤៥៩នាក់ និងមានអ្នកស្លាប់ចំនួន ២នាក់ ៕

ខេត្តបន្ទាយមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ១០៧ នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងបានថយចុះចំនួន ១៧ បើប្រៀបធៀបនឹងការរកឃើញកាលពីម្សិលមិញ ។ យោងតាមរដ្ឋបាលខេត្តអ្នកឆ្លងថ្មីនៅថ្ងៃនេះ ជាករណីឆ្លងនៅក្នុងសហគមន៍ចំនួន ៨២នាក់ និង២៥នាក់ ដទៃ ទៀត ជាករណីឆ្លងលើពលករដែលទើបត្រឡប់មកពីប្រទេសថៃ ។ ខេត្តឧត្តរមានជ័យ គឺជាខេត្តដែលទើបបានប្រ កាសការរកឃើញវីរុសបំប្លែងថ្មី Delta យ៉ាងហោចចំនួន ១៣ករណី ផងដែរនៅក្នុងសប្តាហ៍នេះ។ អ្នកជំងឺកូវីដ១៩ ថ្មីនៅថ្ងៃនេះ ជាពលរដ្ឋនៅក្នុងស្រុកថ្មពួក , ក្រុងសិរីសោភ័ណ, ស្រុកស្វាយចេក, ស្រុកមង្គលបុរី, ស្រុកព្រះនេត្រ ព្រះ, ស្រុកអូរជ្រៅ, ស្រុកម៉ាឡៃ , ក្រុងប៉ោយប៉ែត, ស្រុកភ្នំស្រុក និងពលមកពីខេត្តផ្សេង រួមមានខេត្តព្រៃវែង, ខេត្តបាត់ដំបង និងខេត្តកំពង់ចាម ។ ខេត្តបន្ទាយមានជ័យនៅថ្ងៃនេះ បានព្យាបាលអ្នកជំងឺកូវីដ១៩ អោយជា សះស្បើយចំនួន ២១០នាក់៕

ខេត្តកំពង់ធំបានបន្តរកឃើញអ្នកឆ្លងជំងឺកូវីដ១៩ ចំនួន ១០៩នាក់ និងមានអ្នកស្លាប់ថ្មី ៤នាក់ ថែមទៀត ក្នុង រយៈពេល ២៤ម៉ោង ចុងក្រោយនេះ ។ នេះជាតួលេខឆ្លងកើនខ្ពស់ជាងពីម្សិលមិញចំនួន ៤២នាក់ ។ ខេត្តកំពង់ ធំ មានការឆ្លងវីរុសបំប្លែងថ្មី Delta ក្នុងសប្តាហ៍នេះយ៉ាងហោចចំនួន២ករណី។ យោងតាម រដ្ឋបាលខេត្តអ្នកឆ្លងថ្មីនៅក្នុងខេត្តកំពង់ធំនៅថ្ងៃនេះ គឺជាពលរដ្ឋមានទីលំនៅក្នុងក្រុងស្ទឹងសែនចំនួន ៤២នាក់, ស្រុកសន្ទុក ១១នាក់, ស្រុកកំពង់ស្វាយ ១០នាក់, ស្រុកស្ទោង ៩នាក់, ស្រុកប្រាសាទបល្ល័ង្គ ៥នាក់, ស្រុក បារាយណ៍៨នាក់, ស្រុកតាំងគោក ម្នាក់, ស្រុកសំបូរ ២ នាក់ និងឆ្លងលើពលរដ្ឋមកពីខេត្តកំពង់ចាម ៨នាក់, ខេត្តសៀមរាប ៥នាក់, ខេត្តព្រះវិហារ ២នាក់, ខេត្តត្បូងឃ្មុំ ម្នាក់, ខេត្ត ព្រៃវែង ២នាក់, ខេត្តកំពត ២នាក់ និងនៅ ខេត្តកណ្តាល ម្នាក់ ។…

ខេត្តសៀមរាបរកឃើញឆ្លងជំងឺកូវីដ-១៩ ចំនួន៩២នាក់ ក្នុងរយៈពេល២៤ម៉ោងចុងក្រោយ។ នេះជាតួលេខ ឆ្លងកើនឡើង៦នាក់ ប្រៀបធៀបនឹងម្សិលមិញ។ ខេត្តសៀមរាបក៏ជាខេត្តដែលទើប បានរកឃើញការឆ្លងវីរុស បំប្លែងថ្មី Delta ចំនួន៤ករណីផងដែរ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុងស្រុកពួក ១៩នាក់, ស្រុកក្រឡាញ់៦នាក់, ក្រុងសៀមរាប២៩នាក់, ស្រុកសូទ្រនិគម១៩នាក់, ស្រុកជីក្រែង៣នាក់, ស្រុក អង្គរជុំ១០នាក់, ស្រុកប្រាសាទបាគង៤នាក់, ស្រុកអង្គរធំម្នាក់ និងស្រុកវ៉ារិនម្នាក់។ ខេត្តសៀមរាប មានអ្នកឆ្លង ជំងឺកូវីដ-១៩សរុបចំនួន៥ពាន់៩៥៦នាក់, ព្យាបាលជាសះ ស្បើយចំនួន៣ពាន់៧១៤ នាក់ និងស្លាប់៦៥នាក់។

ខេត្តបាត់ដំបងបានរកឃើញអ្នកឆ្លងជំងឺកូវីដ-១៩ថ្មីចំនួន៤៥នាក់និងស្លាប់២នាក់ក្នុងរយៈពេល២៤ម៉ោងចុង ក្រោយ។ ខេត្តបាត់ដំបង គឺជាខេត្តដែលមានអ្នកឆ្លងនឹងវិរុសបំប្លែងថ្មី Delta យ៉ាងហោចចំនួន ១២ករណីផង ដែរ។ យោងតាមរដ្ឋបាលខេត្ត, ការឆ្លងថ្មីទាំង៤៥នាក់នោះ រួមមាននៅស្រុកថ្មគោល៧នាក់, ស្រុករតនមណ្ឌល ៣នាក់, ក្រុងបាត់ដំបង១១នាក់, ស្រុកបរវេល៣នាក់,ស្រុកមោងឫស្សី៦នាក់, ស្រុករុក្ខគិរី៣នាក់, ស្រុកឯកភ្នំ២ នាក់, ស្រុកកំរៀង២នាក់, ស្រុកបាណន់ម្នាក់, មកពីខេត្តបន្ទាយមានជ័យម្នាក់ និងពលករមកពីប្រទេសថៃចំនួន ៦នាក់។ ចំណែកអ្នកស្លាប់ទាំង២នាក់រួមមានបុរសអាយុ៧២ឆ្នាំនៅស្រុកថ្មគោល និង បុរសអាយុ៨០ឆ្នាំនៅ​ស្រុកបាណន់។ ខេត្តបាត់ដំបង មានអ្នកឆ្លងជំងឺកូវីដ-១៩សរុបចំនួន៤ពាន់៤៥០នាក់, ព្យាបាលជាសះស្បើយ ចំនួន២ពាន់៩២៩នាក់ និងមានអ្នកស្លាប់សរុបចំនួ៥៤នាក់។

ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន៣៨នាក់ ក្នុងរយៈពេល២៤ម៉ោងចុងក្រោយ។ នេះជា តួលេខឆ្លងថយចុះ៩នាក់ប្រៀបធៀបនឹងម្សិលមិញ។ យោងតាមរដ្ឋបាលខេត្ត ការឆ្លងថ្មីទាំង៣៨នាក់ថ្ងៃនេះ រួមមាននៅស្រុកកំពង់សៀម ២នាក់, ស្រុកកងមាស១០នាក់, ស្រុកកោះសូទិន២នាក់, ស្រុកចំការលើម្នាក់, ស្រុក ជើងព្រៃ ៧នាក់, ស្រុកបាធាយម្នាក់, ស្រុកព្រៃឈរ២នាក់, ស្រុកស្ទឹងត្រង់៨នាក់ និងស្រុកស្រីសន្ធរ៥នាក់។  ខេត្តកំពង់ចាម គិតមកដល់បច្ចុប្បន្ននេះ មានករណីឆ្លងជំងឺកូវីដ-១៩សរុប ចំនួន៤ពាន់៤៩៦ករណី ក្នុងនោះ បាន ព្យាបាលជាសះស្បើយចំនួន៣ពាន់៦៦២នាក់, ចំណែកចំនួនអ្នកស្លាប់បានកើនដល់១០៨នាក់។