បណ្ឌិត ហ៊ុន ម៉ាណែត បានថ្លែងថាយុវជនជាកម្លាំងស្នូលរបស់គណបក្សប្រជាជនកម្ពុជា អស់រយៈកាលជិត ៧១ឆ្នាំ មកហើយ ទាំងក្នុងការផ្តួលរំលំរបបអាវខ្មៅប៉ុលពត ព្រមទាំងការ នាំមកនូវសន្តិភាព និងការអភិវឌ្ឍប្រទេសជាតិបានរីកចម្រើនរុងរឿង ហើយកម្លាំងស្នូល ដ៏រឹងមាំ។

តម្លៃប្រេងឥន្ធនៈ បានបន្ដកើនឡើងថែមទៀត សម្រាប់ការលក់រយៈពេល១០ថ្ងៃខាងមុខនេះ ប៉ុន្តែតម្លៃប្រេងក្នុងប្រទេសកម្ពុជា ស្ថិតក្នុងតម្លៃទាបបើប្រៀបធៀបនឹងបណ្តាប្រទេសនៅក្នុង អឺរ៉ុបជាពិសេសក្នុងប្រទេសបារាំង។

ករណីស៊ើបអង្កេតលើបុរសខ្មែរសញ្ជាតិអាមេរិក ដែលបានប្រើស្បែកជើង គប់សម្តៅមក សម្តេចតេជោ ហ៊ុន សែន ក្នុងសហរដ្ឋអាមេរិក នៅមិនទាន់បានបង្ហើបនូវលទ្ធផលអំពីភាពវិវត្តន៍ ចុងក្រោយនោះឡើយ។

សម្តេចតេជោ ហ៊ុន សែន បានចូលរួមថ្លែងនូវសុន្ទរកថាគន្លឹះមួយ នៅថ្ងៃទី២៣ឧសភានេះ តាមរយៈសារវីដេអូថតទុកមួយក្នុងកម្មវិធីបើកសន្និបាតប្រចាំឆ្នាំលើកទី៧៨ របស់អង្គការ UN ESCAP ។

តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១ម៉ឺន ៥ពាន់ ៧១០ករណី និងការស្លាប់ថ្មីមានចំនួន ៥៩នាក់ ។ តួលេខឆ្លងនៅថ្ងៃនេះ មាន ការថយចុះចំនួន ១ពាន់ ៦៤៥ករណី និងការស្លាប់មានក៏មានការថយចុះចំនួន ២២នាក់ផង ដែរ បើប្រៀបធៀបនិងម្សិលមិញ ។ ប្រទេសថៃ គឺជាប្រទេសដែលមានតួលេខឆ្លងច្រើនជាង គេបង្អស់នៅថ្ងៃនេះ។ ដោយឡែកប្រទេសកម្ពុជា គឺជាប្រទេសដែលមិនមានករណីឆ្លងថ្មីនោះ ឡើយ ។

កម្ពុជាបានបន្តសម្រុកការចាក់វ៉ាក់សាំងបើទោះបីជាកម្ពុជាគ្មានការឆ្លងកូវីដ១៩ រយៈពេល ១៣ថ្ងៃ ជាប់គ្នាមកនេះក៏ដោយ ។ យោងតាមក្រសួងសុខាភិបាលតួលេខអ្នកចាក់វ៉ាក់សាំងដូសមូលដ្ឋានទូទាំងប្រទេសគិតត្រឹមថ្ងៃនេះ បានកើនដល់ចំនួន ១៥លាន ១ម៉ឺន ៥ពាន់ ៤៤នាក់ ដែលស្មើនឹង ៩៣,៨៤ភាគរយ ។

កម្មករសំណង់៤នាក់ស្លាប់ និងម្នាក់ទៀតរងរបួស ដោយសារការដាច់ជណ្តើរយោងក្នុងការ ដ្ឋានកំពស់ ១៥ជាន់។ ហេតុការណ៍បានកើតឡើងនៅថ្ងៃទី២០ ខែឧសភា ឆ្នាំ២០២២នេះ នា ចំណុចការដ្ឋានសំណង់នៅចំណុចផ្លូវសេតេ ភូមិ២ សង្កាត់លេខ៣ នៃក្រុងព្រះសីហនុ។

កម្ពុជាត្រៀមនឹងបន្តការចាក់វ៉ាក់សាំងដូសទី៥ថែមទៀតខណៈពេលដែលពិភពលោកនៅ តែបន្តការគំរាមដោយសារជម្ងឺឆ្លងកូវីដ១៩នេះ។ សម្តេចតេជោ ហ៊ុន សែន បានបញ្ជាក់ជុំវិញការ ត្រៀមចាក់ដូសទី៥ នៅមុនពេលដែលសម្តេចត្រៀមចាកចេញពីប្រទេសកម្ពុជាក្នុងដំណើរ បំពេញទស្សនកិច្ចការងារក្នុងទ្វីបអឺរ៉ុប។

ប្រតិភូកីឡារបស់កម្ពុជាខ្លះ បានវិលត្រឡប់មកកាន់ប្រទេសវិញហើយ ក្រោយការចូលរួម ព្រឹត្តិការណ៍កីឡាស៊ីហ្គេម លើកទី៣១ នៅទីក្រុងហាណូយនៃប្រទេសវៀតណាម។ គិតត្រឹម ថ្ងៃទី១៩ឧសភា កម្ពុជាដណ្តើមបានមេដាយចំនួន៤០គ្រឿងហើយ ដែលក្នុងនោះ រួមមានមាស៦គ្រឿង, មេដាយប្រាក់៩ គ្រឿង និងសំរឹទ្ធ២៥គ្រឿង ។ កីឡាស៊ីហ្គេមក្នុងប្រទេស វៀតណាមនឹងត្រូវបិទបញ្ចប់នៅថ្ងៃទី២៣ឧសភា ដែលគិតត្រឹមថ្ងៃនេះ ការប្រកួតខ្លះនៅមិន ទាន់បានចប់ទាំងស្រុងនោះឡើយ។