ខេត្តកំពង់ឆ្នាំង បានរកឃើញអ្នកឆ្លងជំងឺកូវីដ១៩ ចំនួន ៨នាក់ ក្នុងរយៈពេល ២៤ម៉ោង ចុងក្រោយនេះ។ យោងតាមរដ្ឋបាលខេត្តអ្នកទើបរកឃើញឆ្លងថ្មីនៅថ្ងៃនេះ គឺជាករណីឆ្លងនៅក្នុងសហគមន៍ទាំងអស់ ដែលបាន ឆ្លងលើពលរដ្ឋជាកម្មកររោងចក្រ និងលើបុគ្គលិកអង្គការ នោះជាដើម ។ អ្នកឆ្លងថ្មីទាំង ៨នាក់នោះ ជាពលរដ្ឋ នៅក្នុងស្រុកបរិបូរណ៍, ស្រុកសាមគ្គីមានជ័យ, ស្រុកកំពង់ត្រឡាច, ស្រុករលាប្អៀរ និងក្រុងកំពង់ឆ្នាំង ។

ខេត្តកំពង់ចាម បានរកឃើញអ្នកឆ្លងកូវីដ១៩ថ្មី ចំនួន ៥០នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងខ្ពស់ជាងម្សិលម៉ិញរហូតដល់ទៅ២០នាក់ ។

ខេត្តឧត្តរមានជ័យបានរកឃើញអ្នកឆ្លងកូវីដ១៩ថ្មី ចំនួន ៦២នាក់ ថែមទៀត ក្នុងរយៈពេល ២៤ម៉ោងចុងក្រោយ នេះ ដែលជាតួលេខឆ្លងខ្ពស់ជាងពីម្សិលម៉ិញរហូតដល់ ៣៤នាក់ ។

ខេត្តស្ទឹងត្រែង បានរកឃើញអ្នកឆ្លងកូវីដ១៩ថ្មី ចំនួន ៣១នាក់ ថែមទៀត ក្នុងរយៈពេល២៤ម៉ោង ចុងក្រោយនេះ ។ នេះជាចំនួនឆ្លងស្រកចុះចំនួន ៧នាក់ បើធៀបនឹងម្សិលម៉ិញ ដែលបានរកឃើញអ្នកឆ្លងចំនួន ៣៨នាក់ ។

ខេត្តព្រះវិហារ បានរកឃើញការឆ្លងជំងឺកូវីដ១៩ លើមនុស្សចំនួន ៨នាក់ ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងធ្លាក់ចុះចំនួន២នាក់ បើធៀបនឹងថ្ងៃមិ្សលម៉ិញ។

ខេត្តកំពង់ធំបានរកឃើញអ្នកឆ្លងកូវីដ១៩ចំនួន ២៦នាក់ នៅថ្ងៃនេះ ក្នុងរយៈពេល ២៤ម៉ោង ចុងក្រោយនេះដែល ជាតួលេខឆ្លងថយចុះចំនួន១៤នាក់ បើធៀបនឹងម្សិលម៉ិញ។

ខេត្តសៀមរាប បានរកឃើញអ្នកវិជ្ជមានជំងឺកូវីដ-១៩ ថ្មី ចំនួន៥៦នាក់ ក្នុងរយៈពេល២៤ម៉ោងចុង ក្រោយនេះ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាអ្នកស្រុករស់នៅក្រុងសៀមរាប៣៩នាក់, ស្រុកប្រាសាទបាគង ១៣នាក់, ស្រុកស្រីស្នំម្នាក់, មកពីខេត្តព្រៃវែងម្នាក់, មកពីខេត្តបន្ទាយមានជ័យម្នាក់ និងមកពីខេត្តកំពង់ចាមម្នាក់ ។

ខេត្តព្រៃវែងរកឃើញអ្នកឆ្លងជំងឺកូវីដ-១៩ថ្មីចំនួន៤២នាក់ និងស្លាប់ម្នាក់ក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្តការឆ្លងថ្មីទាំង៤២នាក់រួមមាននៅក្រុងព្រៃវែងម្នាក់, ស្រុកស្វាយអន្ទរចំនួន២០នាក់, ស្រុក ពាមរក៍៤នាក់, ស្រុកស៊ីធរកណ្តាល៤នាក់, ស្រុកបាភ្នំ៣នាក់, ស្រុកមេសាង៣នាក់, ស្រុកព្រះសេ្តច២នាក់, ស្រុក កញ្ច្រៀច២នាក់, ស្រុកពារាំងម្នាក់,ស្រុកពោធិ៍រៀង និងស្រុកកំចាយមារម្នាក់។ ចំណែកអ្នកស្លាប់ថ្មីម្នាក់នោះគឺជាស្ត្រីអាយុ៧៧ឆ្នាំនៅភូមិស្វាយទោល ឃុំជៃកំពក ស្រុកព្រះស្តេច ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន១១ម៉ឺន៨ពាន់២៣៨ ករណី និងការស្លាប់ថ្មីមានចំនួន១ពាន់៨៨១នាក់។ កម្ពុជាក្នុងរយៈពេល៧២ម៉ោងចុងក្រោយនេះ មានការឆ្លងថ្មី សរុបចំនួន ២ពាន់៤៦៧ ករណីក្នុងនោះការឆ្លង២ពាន់១៩៤ករណី គឺជាការឆ្លងក្នុងសហគមន៍, និង២៧៣ករណី ទៀតជាការឆ្លងលើ អ្នកដំណើរមកពីក្រៅប្រទេស។ កម្ពុជាក្នុងរយៈពេល ៧២ម៉ោងចុងក្រោយនេះមានការស្លាប់ ថ្មី ៤៧នាក់ និងការព្យាបាលជាសះស្បើយថ្មីមានចំនួន១ពាន់៩៩៥នាក់។

ក្រសួងសុខាភិបាលបានបញ្ជាក់ការរកឃើញវីរុសកូវីដបំប្លែងថ្មីប្រភេទ Delta ដែលជាវីរុសធ្លាប់បង្កមហន្តរាយ ក្នុងប្រទេសឥណ្ឌា។ វិរុសបំប្លែងថ្មីប្រភេទ Delta នោះ ត្រូវបានគេរកឃើញបានឆ្លងមកលើពលករជាច្រើនមកពីប្រ ទេសថៃ។ សេចក្តីរាយការណ៍ពីប្រទេសថៃបានបញ្ជាក់ថាវិរុសបំប្លែងថ្មីមកពីប្រទេសឥណ្ឌានោះ ថែមទាំងអាច ឆ្លងមកលើពលរដ្ឋដែលធ្លាប់បានចាក់វ៉ាក់សាំងបង្ការួចមកហើយនោះទៀត។