ខេត្តកំពត ៖ នៅព្រឹកថ្ងៃទី ២៣ ខែកុម្ភៈ ឆ្នាំ២០២២នេះ ខេតកំពតចាប់ផ្តើមចាក់វ៉ាក់សាំងការពារកូវីដ១៩ ដូសទី១ ជូនដល់កុមារអាយុ៣ឆ្នាំ ដល់ក្រោម៥ឆ្នាំហើយ នៅតាមមន្ទីរពេទ្យបង្អែក មណ្ឌល់សុខភាព និងតាមសាលារៀនផងដែរ។ មន្ត្រីជំនាញស្នើដល់ប្រជាពលរដ្ឋ និងអាណាព្យាបាលនាំកូនចៅទៅចាក់វ៉ាក់សាំងឲ្យបានគ្រប់គ្នា ហើយអ្នកត្រូវចាក់ដូសទី២,៣,និងទី៤ ក៏សូមអញ្ជើងមកចាក់ផងដែរ។

កំពង់ធំ ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានអញ្ជើញផ្សព្វផ្សាយពង្រឹងវិធានការការពារទប់ស្កាត់ការឆ្លងជំងឺកូវីដ19 ជូនដល់កងកម្លាំង និងក្រុមគ្រួសារ នៅទីបញ្ជាការផ្នែកសឹករងក្រុងស្ទឹងសែន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ នៅព្រឹកថ្ងៃទី ២២ ខែកុម្ភៈ ឆ្នាំ២០២២ ។

កំពង់ឆ្នាំង ៖ នៅទីបញ្ជាការតំបន់ប្រតិបត្តការសឹករងកំពង់ឆ្នាំង បានបើកយុទ្ធនាការចាក់ថ្នាំវ៉ាក់សាំងបង្ការជម្ងឺ កូវិដ ១៩ដូសជំរុញ ដូសទី៤ PFiZER ជូនដល់យោធិនគ្រួសារយោធិន ប្តីឬប្រពន្ធ និងសមាគម អតីតៈយុទ្ធជនកម្ពុជាខេត្តកំពង់ឆ្នាំងចំនួន ៣១៦៨គ្រួសារ មកពីស្រុករលាប្អៀរ និងក្រុងកំពង់ឆ្នាំងដែលមានរយៈពេលមួយសប្តាហ៍ ។

ភ្នំពេញៈកំណេីនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី២២ ខែកុម្ភឆ្នាំ២០២២ មានដូចតទៅៈ -លើប្រជាជនអាយុពី ១៨ឆ្នាំឡើង មាន ១០២,២៩ភាគរយធៀបជាមួយចំនួនប្រជាជនគោលដៅ ១០លាននាក់ -លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩៩,៧៦ភាគរយធៀបជាមួយចំនួនប្រជាជនគោលដៅ ១ ៨២៧ ៣៤៨ នាក់ -លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៦,៣៥ភាគរយ ធៀបជាមួយនឹងប្រជាជនគោលដៅ ១ ៨៩៧ ៣៨២ នាក់

ភ្នំពេញ៖មន្រ្តីជាន់ខ្ពស់នៃមន្ទីរសុខាភិបាលរាជធានីភ្នំពេញបានបញ្ជូនសារដាស់តឿនទៅកាន់ប្រជាពលរដ្ឋថា ប្រជាពលរដ្ឋ ដែលបានធ្វេីតេស្តរហ័សរក កូវីដ-១៩ និងមានលទ្ធផលតេស្តវិជ្ជមាន សូមដាក់ពាក្យសុំទទួលការ ថែទាំ តាមផ្ទះ ទៅអាជ្ញាធរ ភូមិ សង្កាត់ ខណ្ឌ ឬ បញ្ជូនទៅ មណ្ឌលសុខភាព។

ភ្នំពេញ៖ ក្រសួងសុខាភិបាល កាលពីថ្ងៃទី២១ កុម្ភៈ ម្សិលមិញ បានចេញសេចក្តីជូនព័ត៌មានមួយ ដោយហាមឃាត់ការចែកចាយ និងលក់ថ្នាំព្យាបាលជំងឺកូវីដ១៩ Molnupiravir ដោយគ្មានការអនុញ្ញាត។