កម្ពុជា ៖ គិតត្រឹមម៉ោង៨ព្រឹកថ្ងៃទី១០ ខែកុម្ភៈ ឆ្នាំ២០២២នេះ ចំនួនអ្នកឆ្លងជំងឺCOVID-19 នៅក្នុងប្រទេសសមាជិកអាស៊ាន បានកើនឡើងដល់ ១៧,៣៦៦,៣៤៩នាក់ហើយ ដែលកើនឡើងជាង ៩ម៉ឺននាក់ បើធៀបនឹងតួលេខម្សិលមិញ ក្នុងនោះក៏មានអ្នកស្លាប់ដោយជំងឺនេះសរុបចំនួន ៣១៦,២៩៤នាក់ផងដែរ។ នេះបើតាមទិន្នន័យគេហទំព័រតាមដានការរីករាលដាលជំងឺកូវីដ១៩ លើពិភពលោក WORLDOMETER ។

ភ្នំពេញ ៖ គិតត្រឹមយប់ថ្ងៃទី៩ ខែកុម្ភៈ ឆ្នាំ២០២២ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ១៤,៣៦៩,១៦៧នាក់។ ក្នុងនោះរួមមាន៖

សេចក្តីជូនដំណឹងលេខ ០៥៨ សជណ.អគឧ ចុះថ្ងៃទី០៩ ខែកុម្ភៈ ឆ្នាំ២០២២ របស់ក្រសួងទេសចរណ៍ ស្តីពីការចូលរួមទប់ស្កាត់ការឆ្លងរាលដាលនៃជំងឺកវីដ ១៩ (អូមីក្រុង) នៅតាមមូលដ្ឋានអាជីវកម្មមណ្ឌលកម្សាន្ត ទេសចរណ៏មនុស្សពេញវ័យ (ខារ៉ាអូខេ KTV ក្លឹបកម្សាន្តរង្គសាល ឌីស្កូតែក និងបៀរហ្គាឌិន) ។

ភ្នំពេញ ៖ ក្រសួងសុខាភិបាល នៅថ្ងៃទី៩ ខែកុម្ភៈ ឆ្នាំ២០២២នេះ បានចេញសេចក្តីប្រកាសព័ត៌មានថា មិនមានអ្នកស្លាប់ដោយសារជំងឺកូវីដ១៩ នោះទេ រយៈពេល៣៦ថ្ងៃជាប់គ្នាហើយ ចាប់ពីតាំងពីថ្ងៃទី៥ ខែមករាមក កម្ពុជាមិនមានអ្នកស្លាប់ដោយជំងឺកូវីដ១៩ ខណៈថ្ងៃនេះរកឃើញអ្នកឆ្លងកូវីដថ្មី ប្រភេទអូមីក្រុងចំនួន ២២៣នាក់ ក្នុងនោះករណីនាំចូលចំនួន ៥នាក់ និងឆ្លងក្នុងសហគមន៍ ២១៨នាក់, អ្នកជំងឺចំនួន ៥៨នាក់ជាសះស្បើយ ។