វ៉ាស៊ីនតោន៖ ប្រធានាធិបតីអាមេរិកលោក ចូ បៃដិន នឹងបង្ខំអោយអនុវត្តកាតព្វកិច្ចមួយ ដែលតម្រូវអោយកម្មករតាមក្រុមហ៊ុននានានៅទូទាំងសហរដ្ឋអាមេរិក ដែលមានបុគ្គលិកយ៉ាងហោចណាស់ចាប់ពី ១០០នាក់ឡើងទៅ ត្រូវតែទទួលការចាក់វ៉ាក់សាំងបង្ការជំងឺកូវីដ១៩ពេញលេញ ឬត្រូវបានធ្វើតេស្តរៀងរាល់សប្តាហ៍ ចាប់ពីថ្ងៃទី០៤ ខែមករា ឆ្នាំ២០២២។

បរទេស៖ អង្គការសុខភាពពិភពលោក (WHO) កំពុងជំរុញឱ្យបណ្តាប្រទេសអឺរ៉ុប និងអាស៊ីកណ្តាលមួយចំនួនទៀតពន្លឿនការចាក់វ៉ាក់សាំងបង្ការជំងឺកូវីដ១៩ ខណៈដែលការិយាល័យប្រចាំតំបន់របស់ WHO សម្រាប់តំបន់អឺរ៉ុបកំពុងព្រមានថា ក្នុងល្បឿនបច្ចុប្បន្ន ជីវិតមនុស្សកន្លះលាននាក់អាចនឹងត្រូវបាត់បង់នៅត្រឹមថ្ងៃទី ០១ ខែកុម្ភៈ ឆ្នាំក្រោយ។

ឡុងដ៍៖ និយតករឱសថអង់គ្លេសបានអនុម័តឱ្យប្រើប្រាស់ថ្នាំប្រឆាំងវីរុសកូវីដ១៩តាមមាត់ ដើម្បីព្យាបាលជំងឺដ៏កាចសាហាវមួយនេះ។ ទីភ្នាក់ងារ​និយតកម្ម​ឱសថ និង​ផលិតផល​ថែទាំ​សុខភាព​អង់គ្លេសបាន​ប្រកាស​ពី​ការ​អនុញ្ញាត​ឱ្យប្រើប្រាស់ថ្នាំ molnupiravir នៅ​ថ្ងៃ​ព្រហស្បតិ៍សប្តាហ៍នេះ។ ថ្នាំនេះបង្កើតឡើងដោយក្រុមហ៊ុនឱសថអាមេរិក Merck និងក្រុមហ៊ុនជីវបច្ចេកវិទ្យាអាមេរិក Ridgeback Biotherapeutics ។