ភ្នំពេញ៖ របាយការណ៍ក្រសួងកសិកម្មបានបញ្ជាក់ថា ចាប់ពីខែមករា ដល់ ខែមីនា ឆ្នាំ២០២២ កម្ពុជានាំចេញចំណិតដំឡូងមីក្រៀមប្រមាណ ១,២៥២,៣៤០តោន កើនឡើងចំនួន១២.៧៥%, ដំឡូងមីស្រស់ ៣៥៣,៩៥០តោន កើនឡើងចំនួន ៤៥.៨១%, ម្ស៉ៅដំឡូងមី ២៥,២៦១តោន កើនឡើងចំនួន ៩០.១៥% និង កាកសំណល់ដំឡូងមី ៦,១២២.៨៩តោន កើនឡើងចំនួន ១៣៩.៣២%។

ភ្នំពេញ៖ ក្នុងរយៈពេល៣ខែដើមឆ្នាំ២០២២នេះ អគ្គនាយកដ្ឋានគយ និងរដ្ឋាករកម្ពុជា ប្រមូលចំណូលបានចំនួន ២,៤២៨.៦ប៊ីលានរៀល ស្មើនឹង ៥៩៧.៦លានដុល្លារ ដែលតួលេខនេះត្រូវជាប្រមាណ ២៣.២% នៃផែនការកំណត់ដោយច្បាប់ ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។ បើធៀបនឹងរយៈពេលដូចគ្នាក្នុងឆ្នាំ២០២១ លទ្ធផលចំណូលនេះថយចុះ ៦១.២ប៊ីលានរៀលដែលត្រូវជាប្រមាណ ២.៥%។

ខេត្តមណ្ឌលគិរី ៖ ក្រុមការងារជំនាញនៃនាយកដ្ឋានជីវៈចម្រុះ របស់ក្រសួងបរិស្ថាន ជាមួយមន្ទីរបរិស្ថានខេត្តមណ្ឌលគិរីបានរកឃើញថា ដែនជម្រកសត្វព្រៃភ្នំណាមលៀរ ស្ថិតនៅក្នុងភូមិសាស្រ្ត ខេត្តមណ្ឌលគិរី មានតំបន់ដែលអាចបង្កើតជាតំបន់ទេសចរណ៍ធម្មជាតិយ៉ាងតិច ចំនួន ១៧ទីតាំង ដែលទាក់ទងនឹងវប្បធម៌ និង២៤ទីតាំង ជាទឹកជ្រោះ ព្រមទាំងទីតាំងសំខាន់ៗ នៃស្ថានប្រព័ន្ធមួយចំនួនថែមទៀត។

ស្ទឹងត្រែង៖ កិច្ចសហការជាមួយមូលនិធិ Planet Water បាននាំមកនូវការតម្លើងប៉មចម្រោះទឹកស្អាត AquaTower ទី៣៥ នៅសាលាបឋមសិក្សា ហ៊ុន សែន បាចុង ខេត្តស្ទឹងត្រែង ដោយបានផ្តល់ជូនសហគមន៍នូវប្រព័ន្ធចម្រោះទឹកស្អាត

ភ្នំពេញ៖ ទិន្នន័យពីអគ្គនាយកដ្ឋានគយ និងរដ្ឋាករកម្ពុជា បង្ហាញថា រយៈពេលពីរខែដើមឆ្នាំ ២០២២នេះ កម្ពុជានាំ ចេញទំនិញទៅកាន់សហរដ្ឋអាមេរិកមានទឹកប្រាក់ជាង ៣,៥៩៥លានដុល្លារ ជាទីផ្សារឈរនៅលេខទី១ ដែលស្រូប ការនាំចូលទំនិញពីកម្ពុជា ច្រើនជាងគេមានចំនួន ១,៤១៥ លានដុល្លារ កើនឡើង ៤២.១ភាគរយ។ បើតាមទិន្នន័យដដែលនេះ ចាប់ពីខែមករា ដល់ខែកម្ភៈ ឆ្នាំ នេះ កម្ពុជាបាននាំចេញទំនិញទៅកាន់ទីផ្សារអាមេរិក ក្នុង ទំហំ ១,៤១៥លានដុល្លារ កើនឡើង ៤២.១ភាគរយ បើ ធៀបនឹងរយៈពេលដូចគ្នាកាលពីឆ្នាំមុន ដែលមានតម្លៃ ត្រឹមតែ ៩៩៥លានដុល្លារ។ ទិន្នន័យពីអគ្គនាយកដ្ឋានគយ និងរដ្ឋាករកម្ពុជាដដែល បាន ឱ្យដឹងទៀតថា វៀតណាម ជាទីផ្សារលំដាប់ទី២ ដែល កម្ពុជា បាននាំចេញទំនិញ ក្នុងតម្លៃ៣៦០លានដុល្លារ ថយ ចុះ ១២.៥ ភាគរយ ខណៈចិនស្ថិតក្នុងលេខរៀងទី៣ ដែល បាននាំចូលទំនិញពីកម្ពុជា ចំនួនជាង២០៩លានដុល្លារ ថយចុះ២.៧ភាគរយ និងជប៉ុនឈរនៅលំដាប់ទី៤ ដែលបាននាំចូលទំនិញពីកម្ពុជាចំនួន២០២លាន កើនឡើង៤.៣ភាគរយ។…

ភ្នំពេញ៖ក្រសួងប្រៃសណីយ៍និងទូរគមនាគមន៍ និងប្រទេសសិង្ហបុរីបានបង្ហាញពីកិច្ចសប្រតិបត្តិការឱ្យកាន់តែប្រសើរឡើងទៀតពីវិស័យឌីជីថលនៅកម្ពុជា។ការបង្ហាញជំហរវាងប្រទេសទាំង២បែបនេះធ្វើឡើងក្នុងជំនួបពិភាក្សាការងារ រវាង ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ ជាមួយលោកជំទាវ Teo Lay Cheng ឯកអគ្គរដ្ឋទូតសិង្ហបុរី ប្រចាំនៅព្រះរាជាណាចក្រកម្ពុជា នាទីស្តីការក្រសួងប្រៃសណីយ៍និងទូរគមនាគមន៍នាពេលថ្មីៗមកនេះ។ គួរបញ្ជាក់ថាក្នុងជំនួបពិភាក្សានេះធ្វើ ឡើង ដើម្បីស្វែងយល់អំពីវឌ្ឍនភាពការងារ និងការងារអាទិភាពរបស់ក្រសួង ព្រមទាំងពង្រឹងកិច្ចសហប្រតិបត្តិការ ក្នុងវិស័យឌីជីថល រវាងសិង្ហបុរី និងព្រះរាជាណាចក្រកម្ពុជា ឱ្យកាន់តែល្អប្រសើរឡើងថែមទៀត។ ក្នុងជំនួបនេះលោកជំទាវឯកអគ្គរដ្ឋទូត បាននាំយកលិខិតអញ្ជើញរបស់ លោកជំទាវ Josephine Teo រដ្ឋមន្ត្រីក្រសួងគមនាគមន៍និងព័ត៌មាននៃសាធារណរដ្ឋសិង្ហបុរី អញ្ជើញឯកឧត្តមរដ្ឋមន្ត្រី ចូលរួមកិច្ចប្រជុំ Asia Tech x SG 2022 ដែលប្រព្រឹត្តទៅនៅដើមខែមិថុនា ឆ្នាំ២០២២ ខាងមុខ៕ដោយ៖ម៉ាដេប៉ូ