នៅរសៀល ថ្ងៃសុក្រ ៥រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវ នឹង ថ្ងៃ ទី២០ ខែឧសភា ឆ្នាំ ២០២២ នាទីស្តីការក្រសួង ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រី ក្រសួង រៀប ចំ ដែន ដី នគរូបនីយកម្ម និង សំណង់ បានអនុញ្ញាតឱ្យនិស្សិតជ័យលាភីអាហារូបករណ៍ទៅសិក្សានៅប្រទេសអូស្ត្រាលី ទាំង២៣រូប ចូលជួបសម្តែងការគួរសម និងទទួលអនុសាសន៍ណែនាំពី ឯកឧត្ដម ឧបនាយករដ្ឋមន្ត្រី ។

ភ្នំពេញ ៖ មន្ត្រីឧទ្យានុរក្សជាមន្ត្រីនគរបាលយុត្តិធម៌ និងមន្ត្រីអនុវត្តច្បាប់ចំនួន ៥០ រូប របស់មន្ទីរបរិស្ថានខេត្តរតនគិរីបានទទួលវគ្គបណ្តុះបណ្តាលអំពីគោលការណ៍ណែនាំស្តីពីបែបបទ និងនីតិវិធីប្រតិបត្តិស្តង់ដារ សម្រាប់ស៊ើបអង្កេត និងការរៀបចំសំណុំរឿងសម្អាងបទល្មើស និងបទល្មើសសម្អាតប្រាក់ដែលពន្លាតចេញពីបទល្មើសដើមនៃបទល្មើសធនធានធម្មជាតិ។ ថ្លែងក្នុងពិធីដែលបានរៀបចំឡើងនាថ្ងៃទី ១៩ ខែឧសភា ឆ្នាំ២០២២ ឯកឧត្តម នេត្រ ភក្ត្រា រដ្ឋលេខាធិការ និងជាអនុប្រធានអចិន្ត្រៃយ៍ក្រុមការងារប្រឆាំងការសម្អាតប្រាក់ នៃក្រសួងបរិស្ថានបានឱ្យដឹងថាមន្ត្រីឧទ្យានុរក្ស និងជាមន្ត្រីនគរបាលយុត្តិធម៌ដើរតួនាទីសំខាន់ក្នុងការការពារនិងអភិរក្សធនធានធម្មជាតិទាំងការចុះល្បាត បង្ក្រាប និងទប់ស្កាត់បទល្មើស និងការអនុវត្តច្បាប់ប្រឆាំងនឹងបទល្មើស ដែលបានកើតឡើង នៅក្នុងតំបន់ការពារធម្មជាតិ ដោយក្នុងនោះត្រូវអនុវត្តច្បាប់ស្តីពីតំបន់ការពារធម្មជាតិផងនិងច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្មករណីបទល្មើសដើម មានតម្រុយទាក់ទងនឹងការលាងសម្អាតប្រាក់។ ឯកឧត្តមរដ្ឋលេខាធិការក្រសួងបរិស្ថានបានថ្លែងថា៖«មន្ត្រីឧទ្យានុរក្សទាំងអស់មិនមែនត្រឹមតែជាបំពេញតួនាទីភារកិច្ចតាមឯកសណ្ឋានរបស់ខ្លួន ក្នុងការការពារនិងអភិរក្សធនធានធម្មជាតិនោះទេ ប៉ុន្តែក៏ ក៏បំពេញតួនាទីជាឪពុកម្តាយជីដូនជីតា ក្នុងការការពារនិងអភិរក្សព្រៃឈើសត្វព្រៃ និងធនធានធម្មជាតិផ្សេង ទៀតដើម្បីបន្សល់ទុកសម្រាប់កូនចៅជំនាន់ក្រោយរបស់យើងរាប់ជំនាន់ទៀត»។ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថានបានថ្លែងថា ក្រសួងបរិស្ថានមានមន្ត្រីនគរបាលយុត្តិធម៌ និងមន្ត្រីអនុវត្តច្បាប់សរុបជាង ១២០០ នាក់ដែលត្រូវទទួលការបណ្តុះបណ្តាលពង្រឹងសមត្ថភាព ក្នុងកិច្ចការប្រឆាំងនឹងការសម្អាតប្រាក់។ ក្នុងការបណ្តុះបណ្តាលនេះ ក្រុមការងារប្រឆាំងការសម្អាតប្រាក់នៃក្រសួងបរិស្ថាន បានធ្វើបទបង្ហាញពាក់ព័ន្ធនឹងច្បាប់ស្តីពីតំបន់ការពារធម្មជាតិ ច្បាប់ស្តីពីការប្រឆាំងនឹងការសម្អាតប្រាក់ និងហិរញ្ញប្បទានភេរវកម្ម និងនីតិវិធីប្រតិបត្តិសង្ត់ដារសម្រាប់អនុវត្តនៅក្នុងការប្រឆាំងការសម្អាតប្រាក់។ ឯកឧត្តមរដ្ឋលេខាធិការ នេត្រ ភក្ត្រា…