រតនគិរី ៖ ក្នុងឱកាសបុណ្យភ្ជុំបិណ្ឌ គិតចាប់ពីថ្ងៃទី៥ដល់៧ខែតុលាឆ្នាំ២០២១ (រយៈពេល ៣ថ្ងៃ) ភ្ញៀវទេសចរជាតិ-អន្តរជាតិដែលមកកម្សាន្តតាមរមណីយដ្ឋាននានា នៅក្នុងខេត្តរតនគិរី មានចំនួន ៧,៥៨២នាក់ បើប្រៀបធៀបនឹងរយៈពេលដូចគ្នាឆ្នាំ២០២០មានការធ្លាក់ចុះ ៤៤.០២% ក្នុងនោះភ្ញៀវទេសចរជាតិមានការធ្លាក់ចុះ ៤៣.៥៣% និងភ្ញៀវអន្តរជាតិមានការធ្លាក់ចុះ ៧៦.២៦% ខណៈភ្ញៀវទេសចរជាតិ-អន្តរជាតិឆ្នាំ២០២០សរុបចំនួន ១៣,៥៤៥នាក់នាក់។

ខេត្តត្បូងឃ្មុំ ៖ ថ្ងៃទី០៧ ខែតុលា ឆ្នាំ២០២១ លោកឧត្តមសេនីយ៍ត្រី វ៉ា សារិទ្ធ មេបញ្ជាការ កងរាជអាវុធហត្ថខេត្តត្បូងឃ្មុំ បានប្រកាសគាំទ្រគំនិតផ្តួចផ្តើមដ៏ខ្ពង់ខ្ពស់ ប្រកបដោយឧត្តមគតិស្នេហាជាតិ ដ៏ជ្រាលជ្រៅរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការធ្វើវិសោធនកម្មរដ្ឋធម្មនុញ្ញ និងច្បាប់ដែលមានការពាក់ព័ន្ធ ដើម្បីកំណត់ឲ្យប្រធានព្រឹទ្ធសភា ប្រធានរដ្ឋសភា នាយករដ្ឋមន្ត្រី និងប្រធានក្រុមប្រឹក្សាធម្មនុញ្ញ នៃព្រះរាជាណាចក្រកម្ពុជា ត្រូវតែជាឥស្សរជនដែលមានសញ្ជាតិខ្មែរតែមួយគត់។

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណបក្សប្រជាជនកម្ពុជាខេត្ត ក្នុងនាមគណបក្សប្រជាជនកម្ពុជា ខេត្តកំពង់ចាម ព្រមទាំងសមាជិក គណបក្ស និងប្រជាពលរដ្ឋខ្មែរខេត្តកំពង់ចាម ខ្ញុំសូមគាំទ្រពេញទំហឹង ចំពោះគំនិតផ្តួចផ្តើមដ៏ខ្ពង់ខ្ពស់របស់សម្តេចតេជោ ហ៊ុន សែន ដែលបានលើកឡើងថា “ថ្នាក់ដឹកនាំកំពូលរបស់ប្រទេសជាតិ ត្រូវមានសញ្ជាតិតែមួយគត់” ដើម្បីការពារផលប្រយោជន៍របស់ជាតិ!

ដោយសារតែបរិបទនៃការឆ្លងរាតត្បាត ជាសកលពីជំងឺឆ្លងកូវីដ19សម្រាប់ដំណើរកម្សាន្តរបស់ស់ភ្ញៀវទេសចរណ៍ក្នុងស្រុក មកកាន់តំបន់រមណីយដ្ឋាននានាក្នុងខេត្តបាត់ដំបង នាឱកាសបុណ្យភ្ជុំបិណ្ឌ រយៈពេល០៣ថ្ងៃ (ចាប់ពីថ្ងៃទី០៥-០៧ខែតុលាឆ្នាំ២០២១)នេះ ចំនួនភ្ញៀវទេសចរណ៍មានការថយចុះជាងបណ្តាឆ្នាំមុនៗដោយសារតែវិបត្តិនៃការរាតត្បាតពីការឆ្លងរីករាលដាលពីកូវីដ-19។ហើយនៅក្នុងថ្ងៃទី៣ ដែលជាថ្ងៃបង្ហើយនៃថ្ងៃឈប់សម្រាក ចំនួនភ្ញៀវទេសចរ ដែលបានទៅកម្សាន្តក្នុងតំបន់រមណីយដ្ឋានទេសចរណ៍ទាំង១៣កន្លែងក្នុងខេត្ត មានភ្ញៀវសរុប ចំនួន ១០.៥៦៦ នាក់ ។

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញនាំយកទេយ្យវត្ថុ ប្រគេនដល់ព្រះសង្ឃគង់ចាំព្រះវស្សា នៅវត្តភ្នំព្រះ ស្ថិតក្នុងឃុំយាអង្គ ស្រុកថ្ពង ខេត្តកំពង់ស្ពឺ នាថ្ងៃព្រហស្បតិ៍ ១កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹង ថ្ងៃទី៧ ខែតុលា ឆ្នាំ២០២១។

ភ្នំពេញ៖ កម្លាំងនគរបាលខណ្ឌឬស្សីកែវ ក្រោមការដឹកនាំ បញ្ជាផ្ទាល់ពីលោក ហ៊ាង ថារ៉េត អធិការនគរបាលខណ្ឌឬស្សីកែវ បានបង្ក្រាបជាក់ស្តែងករណីរលួចម៉ូតូផាស្អាប់កង់បី ដោយឃាត់ខ្លួនបានជនសង្ស័យចំនួន២នាក់ នៅថ្ងៃទី០៧ ខែតុលា ឆ្នាំ ២០២១ វេលាម៉ោង ១៣ នៅចំណុចមុខការ៉ាស់សាំងPTT ផ្លូវជាតិ៥ ក្រុមទី ១៤ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ ។