បាត់ដំបង៖ឯកឧត្តម ហ្សាហៀរូឌីន បាបារថាហីម (Zaheeruddin Babar Thaheem )ឯកអគ្គរដ្ឋទូតប៉ាគីស្ថានប្រចាំនៅព្រះរាជា​ណា​​ចក្រ​​កម្ពុជាបានបង្ហាញវត្តមាននៅខេត្តបាត់ដំបងកាលពីថ្ងៃទី១០ ខែកញ្ញា ឆ្នាំ២០២៤ ក្នុងបេសកកម្មឈ្វេងយល់​លើវិស័យ​សេដ្ឋកិច្ច និងទេសចរណ៍នៅខេត្តបាត់ដំបង ដែលជាខេត្តមានសក្ដានុពល​ចម្រុះរបស់កម្ពុជា។ ក្នុងជំនួបពិភាក្សាការងារជាមួយឯកឧត្តម សុខ លូ អភិបាលខេត្តបាត់​ដំបងនៅសាលាខេត្តបាត់ដំបង គណៈប្រតិភូស្ថានទូត​ប៉ាគីស្ថានបាន​ដឹង​ពីសក្តានុពលសេដ្ឋកិច្ចក្នុងខេត្ត, ពីគម្រោងអភិវឌ្ឍន៍ផ្សេងៗ, ពីស្ថានភាពរួមដែលមាននៅក្នុង​ខេត្ត, ការដោះដូរ​ពាណិជ្ជកម្មឆ្លងដែន​ជាមួយប្រទេសថៃ។ពិសេសនោះគឺសក្ដានុពលដ៏សម្បូរបែប​របស់ខេត្តបាត់ដំបងលើវិស័យទេសចរណ៍ និងកសិកម្ម។ ឯកឧត្តម សុខ លូ បានជម្រាបជូនភ្ញៀវថា ថ្វីត្បិតតែខេត្តបាត់ដំបង មានសក្ដានុពលខ្ពស់លើវិស័យ​កសិកម្ម ក៏ប៉ុន្តែការទាក់ទាញ​អ្នក​វិនិយោគលើផ្នែកឧស្សាហកម្ម និងការកែច្នៃនូវផលិតផលកសិផល សម្រាប់ការនាំចេញនៅមានកម្រិតតិចតួច។ជាក់ស្តែង​ខេត្តបាត់​ដំបងក្រៅពីការផ្គត់ផ្គង់ក្នុងខេត្ត នៅសល់អង្ករប្រមាណ៧៥ម៉ឺនតោន​ក្នុងមួយឆ្នាំៗ​ខណៈការនាំចេញទៅកាន់​ទីផ្សារក្រៅប្រទេស​មាន​ប្រមាណ ៣០ម៉ឺនតោនប៉ុណ្ណោះ។ ចំណែកអង្ករនៅសល់ ត្រូវបាននាំ​ចេញ​ទៅកាន់បណ្ដាខេត្តផ្សេងៗក្នុងប្រទេសកម្ពុជា និង ប្រទេសជិត​ខាង។ ឯកឧត្តមអភិបាលខេត្តបានស្នើដល់ឯកឧត្តមអគ្គរដ្ឋទូតប៉ាគីស្ថានឱ្យជួយពិនិត្យលទ្ធភាពក្នុងការជួយកៀរ​គរវិនិយោគិនប៉ាគីស្ថានឱ្យ​មក​បណ្ដាក់​ទុន និងផ្លាស់ប្ដូរពាណិជ្ជកម្ម និងទេសចរណ៍ជាមួយខេត្ត​បាត់ដំបង ។រដ្ឋបាលខេត្តបានត្រៀមនិងបង្កលក្ខណៈ​គ្រប់​ពេល​វេលាក្នុងការស្វាគមន៍ និងផ្ដល់នូវកិច្ចសហការជានិច្ច។ ជាការឆ្លើយតបរបស់ ឯកឧត្តម ហ្សាហៀរូឌីន បាបារថាហីម ឯកអគ្គ​រដ្ឋទូតប៉ាគីស្ថានប្រចាំកម្ពុជាបានអះអាងថា នឹងនាំយកនូវ​សំណើ​របស់ឯកឧត្តមអភិបាលខេត្តទៅជម្រាបជូនដល់ថ្នាក់ដឹកនាំនៃប្រទេសប៉ាគីស្ថានឱ្យបានជ្រាបនិងពិចារណាជាពិសេសផ្តោតលើវិស័យពាណិជ្ជកម្ម និងទេសចរណ៍ ក្នុងខេត្ត ។ ឯកឧត្តមឯកអគ្គរដ្ឋទូត បានបង្ហាញនូវការកត់សម្គាល់ចំពោះដំណើរ​មកកាន់ខេត្តបាត់ដំបង​ជាលើកទី១របស់​លោក​ដោយបាន​កោត​សរសើរខេត្តបាត់ដំបង ថាជាខេត្តដែលមានវប្បធម៌ដ៏ចំណាស់ និងមាន​អគារប្រវត្តិសាស្រ្តច្រើន។ ខេត្តបាត់ដំបង…

(ខេត្តរតនគិរី)៖ អាជ្ញាធរក្រុង ស្រុក និងកងកម្លាំងទាំង៣ ត្រូវធ្វើការបង្ក្រាបក្រុមក្មេងទំនើងឱ្យអស់ ដែលតែងបង្កអសន្តិសុខដល់សង្គម បណ្តាលឱ្យមានការភ័យខ្លាច រំខានដល់ការរស់នៅរបស់ប្រជាពលរដ្ឋ និងការពារសុវត្ថិភាព ការប្រឡងមធ្យមសិក្សាទុតិយភូមិ (បាក់ឌុប) ដើម្បីពង្រឹងលើការងាររក្សាសន្តិសុខ សណ្ដាប់ធ្នាប់សាធារណៈ នៅក្នុងភូមិសាស្ត្រទទួលខុសត្រូវរបស់ខ្លួន ដែលជាការឆ្លើយតបទៅនឹងការអនុវត្តគោលនយោបាយភូមិ ឃុំ-សង្កាត់ មានសុវត្ថិភាពឱ្យមានប្រសិទ្ធភាព។ នេះជាប្រសាសន៍ដាស់តឿនរបស់ ឯកឧត្តម ញ៉ែម សំអឿន អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តរតនគិរី ក្នុងកិច្ចប្រជុំ គណៈបញ្ជាការឯកភាពរដ្ឋបាលខេត្ត កាលពីថ្ងៃទី១០ ខែកញ្ញា ឆ្នាំ២០២៤ ។ ឯកឧត្តម ញ៉ែម សំអឿន បានស្នើឱ្យគណៈកម្មការរៀបការប្រលង មធ្យមសិក្សាទុតិយភូមិទាំងអស់ ដែលនឹងប្រព្រឹត្តទៅ នៅថ្ងៃទី៨ ខែតុលា ឆ្នាំ២០២៤ ខាងមុខនេះ ត្រូវបំពេញ តួនាទី ភារកិច្ច ពិនិត្យតាមដាន និងវាយតម្លៃលើស្ថានភាព ការរក្សាអនាម័យ និងសុវត្ថិភាព ក្នុងពេលមុនដំណើរការ និងពេលដំណើរប្រឡង ត្រូវរក្សាសុវត្ថិភាពឱ្យបានល្អប្រសើរ ។ ឯកឧត្តមអភិបាលខេត្តរតនគិរី បន្តថា អនុគណៈកម្មការការពារសន្តិសុខ សុវត្ថិភាព សណ្ដាប់ធ្នាប់…

(ស្វាយរៀង)៖ ប្រជាលពលរដ្ឋ កម្មករ និយោជក ក៏ដូចជាអ្នកវិនិយោគ បានបង្ហាញពីការគាំទ្រទៅលើគម្រោងអភិវឌ្ឍន៍នានារបស់រាជរដ្ឋាភិបាល នៅតាមខេត្តជាប់ខ្សែបន្ទាត់ព្រំដែន ដែលបានចូលរួមចំណែកយ៉ាងសំខានក្នុងការជំរុញកំណើនសេដ្ឋកិច្ចជាតិ បង្កើតការងារធ្វើ និងបង្កើនចំណូលនៅក្នុងមូលដ្ឋាន។ ខេត្តដែលជាប់នៅតាមខ្សែបន្ទាត់ព្រំដែនមួយចំនួន បានលេចជារូបរាងឡើងនូវ អគារធំ ខ្ពស់ៗ និងរោងចក្រសហគ្រាស យ៉ាងច្រើនសន្ធឹក កំពុងបង្ហាញភាពមមារញឹកជាមួយនិង សកម្មភាពកាងារ របស់កម្មករ និយោជក បានធ្វើការផលិត ផលិតផលរបស់ខ្លួនដើម្បីនាំចេញលក់ចេញទៅផ្គត់ផ្គង់លើទីផ្សារបរទេស។ ក្រុងបាវិត ខេត្តស្វាយរៀង ជាខេត្តមួយដែលមានរោងចក្រសហគ្រាស និងតំបន់សេដ្ឋកិច្ចពិសេសយ៉ាងច្រើន បើប្រៀបធៀបជាមួយនិងខេត្តផ្សេងៗទៀត ដែលជាប់ជាមួយនិងព្រំដែនប្រទេសវៀតណាម ឡាវ ក៏ដូចជាប្រទេសថៃ ជាដើម។ ការលើកឡើងស្រដៀងគ្នាទៅនិង បុគ្គលិក ក៏ដូចជាកម្មករ បាននិងកំពុងបំពេញការងារ នៅតំបន់សេដ្ឋកិច្ចពិសេស មេនហាតធេន បានបញ្ជាក់ថា ការអភិវឌ្ឍន៍សេដ្ឋកិច្ច បង្កើតរោងចក្រ នៅតាមខ្សែបន្ទាត់ព្រំដែន បានជំរុញកំណើនសេដ្ឋកិច្ច ក៏ដូចជាបង្កើតការងារធ្វើដល់ពួកគាត់ ពិសេ ងាយស្រួលទៅដល់ការធ្វើដំណើរ កាត់បន្ថយការចំណាកស្រុក អាចទទួលបានប្រាក់ខែសមរម្យ ។ លោក លីជុន សាវ (Lijun shao) ជំនួយការអ្នកគ្រប់គ្រងទូទៅនៃតំបន់សេដ្ឋកិច្ចពិសេស មេនហាតធេន…

(ស្វាយរៀង)៖ អ្នកវិនិយោគនៅកម្ពុជាបាននិងកំពុងចូលរួមគោរពច្បាប់ ពិសេសគឺការអនុវត្តន៍ឱ្យបាននូវការបញ្ចេញសំណល់ចេញកាកសំណល់រាវពីរោងចក្រ ។ លោក លីជុន សាវ ជំនួយការអ្នកគ្រប់គ្រងទូទៅនៃតំបន់សេដ្ឋកិច្ចពិសេស មេនហាតធេន បានឱ្យដឹងថា ក្រុមហ៊ុនចូលរួមអនុវត្តច្បាប់របស់កម្ពុជា ហើយក្រុមហ៊ុនត្រូវបំពាក់នូវឧបករណ៍ស្វ័យត្រួតពិនិត្យ តាមដានការបញ្ចេញសំណល់រាវ និងការបង្ហូរទឹកកខ្វក់ចេញពីរោងចក្រសហគ្រាស។ ដោយទទួលបានការគាំទ្រពីក្រសួងបរិស្ថាន ក្រុមហ៊ុនបានរៀបចំបំពាក់ឧបករណ៍ស្វ័យត្រួតពិនិត្យ ដែលធានាថាសំណល់រាវបញ្ចេញពីរោងចក្រនៅក្នុងតំបន់សេដ្ឋកិច្ចពិសេស មិនមានជាតិពុល មុននឹងការបង្ហូរចេញទៅតាមប្រឡាយសាធារណៈ ។ ការលើកឡើងរបស់ លោក លីជុន សាវ (Lijun shao) ជំនួយការអ្នកគ្រប់គ្រងទូទៅនៃតំបន់សេដ្ឋកិច្ចពិសេស មេនហាតធេន (MANHATTAN) ក្រុងបាវិត ខេត្តស្វាយរៀង នៅក្នុងឱកាសដែលក្រុមការងារជំនាញរបស់ក្រសួងបរិស្ថាន បានចុះទៅពិនិត្យការបំពាក់ឧបករណ៍ស្វ័យត្រួតពិនិត្យ តាមដានការបញ្ចេញសំណល់រាវ និងការបង្ហូរទឹកកខ្វក់ ចេញពីរោងចក្រសហគ្រាស នៅក្នុងតំបន់សេដ្ឋកិច្ចពិសេស មេនហាតធេន កាលពីថ្ងៃទី៩ ខែកញ្ញា ឆ្នាំ២០២៤។ លោកបានឱ្យដឹងថា ការបំពាក់ឧបករណ៍ស្វ័យត្រួតពិនិត្យ តាមដានការបញ្ចេញសំណល់រាវ និងការបង្ហូរទឹកកខ្វក់នេះ មិនមានការបង្ខិតបង្ខំពីសំណាក់ក្រសួងនោះទេ តែជាការចូលរួមអនុវត្តច្បាប់ជាធរមាន ដោយខ្លួនឯង ដើម្បីធ្វើយ៉ាងណាទប់ស្កាត់ការបញ្ចេញសំណល់រាវដែលមានជាតិពុលទៅខាងក្រៅ ដែលធ្វើឱ្យប៉ះពាល់សុខភាពប្រជាពលរដ្ឋរស់នៅជុំវិញតំបន់សេដ្ឋកិច្ចពិសេសនេះ។ យើងចង់បានតំបន់សេដ្ឋកិច្ចពិសេស និងរោងចក្រ សហគ្រាស ផ្សេងទៀត ចូលរួមបំពាក់ឧបករណ៍នេះ…

ភ្នំពេញ, ថ្ងៃទី១០ ខែកញ្ញា ឆ្នាំ២០២៤ – ឯកឧត្តម សុខ សូកេន រដ្ឋមន្ត្រីក្រសួងទេសចរណ៍ បានអញ្ជើញចូលរួមជាអធិបតីក្នុងពិធីចុះហត្ថលេខាលើអនុស្សរណៈនៃការយោគយល់គ្នា រវាងក្រសួងទេសចរណ៍ និងក្រុមហ៊ុន Visa Worldwide PTE. Limited ដែលដឹកនាំដោយលោក Arturo Planell អ្នកគ្រប់គ្រងប្រចាំតំបន់អាស៊ីអាគ្នេយ៍របស់ក្រុមហ៊ុន Visa Worldwide PTE. Limited។ អនុស្សរណៈនៃការយោគយល់គ្នានេះ ផ្ដោតលើចំណុចសំខាន់ៗនៃកិច្ចសហប្រតិបត្តិការ រួមមាន៖ ការចែករំលែកទិន្នន័យ ការគាំទ្រផ្នែកទីផ្សារ ការកសាងសមត្ថភាពនិងចំណេះដឹងផ្នែកហិរញ្ញវត្ថុ និងឌីជីថល និងការផ្លាស់ប្តូរបរិបទឌីជីថល ដែលផ្ដោតលើការទូទាត់តាមឌីជីថលក្នុងវិស័យទេសចរណ៍ទាំងមូល។ ឆ្លៀតក្នុងឱកាសនោះដែរ ឯកឧត្តមរដ្ឋមន្ត្រីក្រសួងទេសចរណ៍ បានគូសបញ្ជាក់ពីភាពជាដៃគូយ៉ាងសំខាន់របស់ក្រុមហ៊ុន Visa Worldwide PTE. Limited ក្នុងការកសាងប្រព័ន្ធបច្ចេកវិទ្យាមួយដ៏រឹងមាំ ដើម្បីផ្ដល់ភាពងាយស្រួលក្នុងការប្រើប្រាស់ និងទូទាត់សម្រាប់ទេសចរក្នុងព្រះរាជាណាចក្រកម្ពុជា។ចាន់ វិចិត្រ

(ភ្នំពេញ)ស្ថិតក្នុងក្របខណ្ឌនៃកិច្ចប្រជុំលើកទី៦ ថ្នាក់រដ្ឋមន្ត្រីបរិស្ថានមហាអនុតំបន់មេគង្គ និងកិច្ចប្រជុំពាក់ព័ន្ធ (The 6th GMS Environment Ministers’ Meeting, EMM-6) រៀបចំឡើងក្នុងរាជធានីភ្នំពេញ នៅព្រឹកថ្ងៃទី១០ ខែ កញ្ញា ឆ្នាំ២០២៤។ ឯកឧត្តម សាន វណ្ណទី រដ្ឋលេខាធិការប្រចាំការក្រសួងបរិស្ថាន បានថ្លែងក្នុងពិធីបើកសិក្ខាសាលាអន្តរជាតិ ស្តីពី«ការពន្លឿនសកម្មភាពធន់ នឹងការប្រែប្រួលអាកាសធាតុ និងការលើកកម្ពស់និរន្តភាពបរិស្ថាន នៅក្នុងមហាអនុតំបន់មេគង្គ ដើម្បីចែករំលែកបទពិសោធន៍ ចំណេះដឹង និងគំនិតផ្តួចផ្តើមថ្មីៗ ក្នុងចំណោមប្រទេសនៃមហាអនុតំបន់មេគង្គ ដែលរួមមានប្រទេស ចិន មីយ៉ាន់ម៉ា ថៃ ឡាវ កម្ពុជា វៀតណាម។ គួរបញ្ជាក់ថាកិច្ចពិភាក្សា បានផ្តោតការយកចិត្តទុកដាក់ ទៅលើប្រធានបទរងសំខាន់ៗរួមមាន៖-ការកសាងភាពធន់នឹងការប្រែប្រួលអាកាសធាតុ និង គ្រោះមហន្តរាយ ( building climate and disasters resilience)-ការសម្របសម្រួលហិរញ្ញប្បទានដែលគាំទ្រ និងលើកទឹកចិត្តដល់អាជីវកម្មដែលបន្សាំនឹងការប្រែប្រួលអាកាសធាតុ (Facilitating low carbon transition)-ការលើកកម្ពស់ភាពធន់នឹងការប្រែប្រួលអាកាសធាតុ និងការធ្វើកសិកម្មឆ្លាតវៃ(promoting climate-smart landscapes)-ការលើកកម្ពស់គុណភាពបរិស្ថានតាមរយៈការត្រួតពិនិត្យការបំពុល និងការគ្រប់គ្រងសំណល់(Enhancing…

(ភ្នំពេញ)៖ មន្រ្តីនាំពាក្យក្រសួងកសិកម្មរុក្ចាប្រមាញ់ និងនេសាទបានថ្លែងដោយលើកទឹកចិត្តឱ្យប្រជាកសិករត្រូវដាំដុះស្រូវពូជខ្មែរពីព្រោះក្រៅពីមានតម្លៃខ្ពស់សមរម្យហើយនៅងាយរកទីផ្សារ ជាងការជ្រើសរើសពូជស្រូវនាំចូលមកពីបរទេសដែលឈ្មួញប្រទេសជិតខាងឱ្យតម្លៃទៅលើបបូរមាត់របស់គេប៉ុណ្ណោះ ។ ថ្លែងប្រាប់បណ្តាញសារព័ត៌មាននារសៀលថ្ងៃទី ១០ ខែ កញ្ញា ឆ្នាំ ២០២៤នេះ លោកជំទាវ អ៊ឹម រចនា មន្រ្តីនាំពាក្យក្រសួងកសិកម្មរុក្ខាប្រមាញ់ និងនេសាទបានឱ្យដឹងថា៖ដើម្បីដោះស្រាយបញ្ហាតម្លៃស្រូវលើទីផ្សារនេះក្រសួងកសិកម្មរុក្ខាប្រមាញ់ និងនេសាទបានលើកទឹកចិត្តឱ្យបងប្អូនប្រជាកសិករងាកមកដាំដុះពូជស្រូវខ្មែរយើងគឺពូជស្រូវសែនក្រអូប០១ ពូជស្រូវផ្ការំដួល មានទីផ្សារ ដោយក្នុងនេះមានរោងម៉ាស៊ីកិនស្រូវមួយចំនួនធំហើយដែលបានព្រមព្រៀងទិញស្រូវ ពីប្រជាកសិករ ពូជសែនក្រអូប០១ ពូជផ្ការំដួល និងពូជស្រូវខ្មែរដទៃទៀតក្នុងតម្លៃមួយខ្ពស់ជាងពូជដែលនាំចូលមកពីបរទេស។ លោកជំទាវ អ៊ឹម រចនាបានបញ្ជាក់ប្រាប់ដែរថា”ពូជស្រូវសែនក្រអូប០១ ត្រូវបានបញ្ចេញផ្សព្វផ្សាយឱ្យដាំដុះជាច្រើនឆ្នាំមកហើយ និងទទួលបានការគាំទ្រ ហើយនិងដាំដុះច្រើនពីកសិករយើង ប៉ុន្តែក្នុងមួយរយៈ ចុងក្រោយនេះប្រជាកសិករនាំគ្នាងាកទៅដាំដុះពូជស្រូវនាំចូលមកពីបរទេស ដែលនាំឱ្យជួបបញ្ហាហានិភ័យមួយនៅពេលប្រមូលផលម្តងៗព្រោះពូជស្រូវនាំចូលមកពីបរទេសនេះឯងដែលមានបញ្ហាតម្លៃនៃការលក់ចេញ។ដោយក្នុងនេះនៅពេលប្រមូលផលម្តងៗគឺស្ថិតនៅលើបបូរមាត់ឈ្មួញពោលគឺឈ្មួញមកពីប្រទេសជិតខាង។ទាំងនេះគឺជាមូលហេតុដែលក្រសួងព្យាយាមឱ្យប្រជាកសិកររបស់យើងងាកមកដាំដុះស្រូវខ្មែរដែលស្រាវជ្រាវ និងបង្កាត់ដោយក្រសួងកសិកម្មរុក្ចាប្រមាញ់ និងនេសាទ។ លោកជំទាវបានបញ្ជាក់បន្ថែមថា”ប្រសិនបើប្រជាកសិករយើងនៅតែបន្តការដាំដុះស្រូវដែលនាំចូលមកពីបរទេសវាប្រៀបដូចខ្ចីដង្ហើមគេដកដូច្នេះដែរ”។ មន្រ្តីនាំពាក្យរូបនេះបានថ្លែងបញ្ជាក់បន្ថែមថា៖ពូជស្រូវសែនក្រអូប០១គឺជាពូជស្រូវដែលបង្កាត់ចេញពីពូជស្រូវ ផ្ការំដួល ដែលមានក្លិនក្រអូប និងទម្រង់ស្រូវរាងស្រឡូនល្អ ហើយមានរសជាតិឆ្ងាញ់ បាយទន់។ក្រៅពីនេះពូជស្រូវសែនក្រអូបជាពូជស្រូវស្រាលអាចដុះដុះបានក្នុងមួយឆ្នាំ ២ទៅ៣ដង។ ទាក់ទិននឹងតម្លៃស្រូវវិញ ត្រូវបាន មន្រ្តីអ្នកនាំពាក្យរូបនេះឱ្យដឹងដែរថា៖ក្រសួងកសិកម្មបានការចរចាជាមួយរោងម៉ាស៊ីនកិនស្រូវ និងសហព័ន្ធស្រូវអង្ករកម្ពុជាឱ្យជួយទិញស្រូវសែនក្រអូប ០១ពីប្រជាកសិករ ក្នុងតម្លៃមួយថ្លៃជាងពូជស្រូវនាំចូលមកពីបរទេស។ពិសេសជាងនេះមានរោងម៉ាស៊ីនកិនស្រូវមួយចំនួនបានធានាទទួលទិញស្រូវសែនក្រអូបពីប្រជាកសិករក្នុងមួយគីឡូក្រាមរហូតដល់១៤០០រៀល។ទោះបីយ៉ាងណាពូជស្រូវនេះក៏ត្រូវមានគុណភាព និងស្របតាមស្តង់ដាផងដែរ។ ក្រសួងបានជំរុញឱ្យប្រជាកសិករដាំដុះស្រូវដែលមានទីផ្សារស្រាប់ក្នុងនេះដូចជាប្រទេសចិន សហភាពអឺរ៉ុបផងគឺជាការលើកតម្កើងស្រូវពូជជាតិ និងក្រៅពីនេះវាជាការលើកមុខមាត់ពូជស្រូវខ្មែរយើងលើឆាកអន្តរជាតិទៀតផង។ស្រូវទាំងនេះគឺជាស្រូវដែលមានឈ្មោះល្បីបានជាប់ពានរង្វាន់ពីប្រទេសចិនជាអង្ករដែលឆ្ងាញ់។ទាំងពូជស្រូវសែនក្រអូប០១និងពូជស្រូវផ្ការំដួលគឺជាពូជស្រូវល្អដាច់គេ៥ដងរួមកហើយលើពិភពលោក។ជាងនេះទៅទៀតប្រជាកសិករនឹងទទួលបានផលចំណេញខ្ពស់នៅពេលដែលលក់ចេញទៅវិញ។ បើតាមមន្រ្តីនាំពាក្យរូបនេះបានឱ្យដឹងដែរថា៖កន្លងមកនេះមានកសិករមួយចំនួនបានត្អូញត្អែរពីការចំណាយខ្ពស់ទៅលើការដាំដុះស្រូវរបស់ខ្លួនតែក្រោយការស្រាវជ្រាវក្រសួងកសិកម្មរកឃើញថា បញ្ហានេះដោយសារផ្តើមចេញពីប្រធានសក្តិនាឆ្នាំនេះកើតឡើងច្រើនប៉ុណ្ណោះក្នុងនេះដូចជាបញ្ហាទឹកជំនន់…

(ភ្នំពេញ)៖ នៅទីក្រុងអ៊ីនឆន់ សាធារណរដ្ឋកូរ៉េ រាត្រីថ្ងៃទី៩ ខែកញ្ញា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អញ្ជើញចូលរួមជាភ្ញៀវកិត្តិយសដ៏ខ្ពង់ខ្ពស់បំផុត ក្នុងពិធីជប់លៀងថ្នាក់ខ្ពស់ ដែលរៀបចំដោយវេទិកាចំណេះដឹង ពិភពលោក (WKF) នាយកប្រតិបត្តិក្រុមហ៊ុន Maekyung និងអភិបាលក្រុងអ៊ីនឆន់ សាធារណរដ្ឋកូរ៉េ។ ពិធីដ៏មានអត្ថន័យនេះ មានការចូលរួមពីមជ្ឈដ្ឋានរដ្ឋាភិបាល អ្នកនយោបាយ អ្នកសិក្សាអប់រំ សាជីវកម្ម និងវិស័យផ្សេងៗ ជុំវិញពិភពលោក ក្នុងគោលបំណងចែករំលែកចំណេះដឹង ដើម្បីរួមចំណែកជំរុញកំណើនសេដ្ឋកិច្ច និងវិបុលភាពសកលប្រកបដោយតុល្យភាព។ ថ្នាក់ដឹកនាំ នៃវេទិកាចំណេះដឹងពិភពលោក (WKF) នាយកប្រតិបត្តិក្រុមហ៊ុន Maekyung និងអភិបាលក្រុងអ៊ីនឆន់ សាធារណរដ្ឋកូរ៉េ បានសំដែងនូវការស្វាគមន៍ និងវាយតម្លៃខ្ពស់ចំពោះបណ្តាថ្នាក់ដឹកនាំ នៃមជ្ឈដ្ឋានរដ្ឋាភិបាល អ្នកនយោបាយ អ្នកសិក្សាអប់រំ សាជីវកម្ម និងវិស័យផ្សេងៗ ជុំវិញពិភពលោក ដែលមានវត្តមានអញ្ជើញចូលរួមវេទិកាចំណេះដឹងពិភពលោក (World Knowledge Forum) លើកទី២៥ ក្រោមមូលបទ មាគ៌ាឆ្ពោះទៅរកសហត្ថិភាព (Jounney Towards Coexistence)…

(ភ្នំពេញ)៖ចម្ការប្រណិត ពោរពេញដោយពូជឈើគ្រញូង និងពូជឈើប្រណិត​ជាច្រើន​ប្រភេទទៀត លាតសន្ធឹងលើផ្ទៃដីទំហំ ១ ៨៨៨ហិកតា កំពុងរង់ចាំស្វាគមន៍អ្នកទេសចរ ចូលទស្សនា និងឈ្វេងយល់ពីពូជឈើប្រណិតស្ថិតនៅស្រុកបន្ទាយស្រី ខេត្តសៀមរាប។ សម្រាប់ ចម្ការដ៏ប្រណិតមួយនេះដែរ កំពុងស្ថិតនៅក្រោមការការពារ និង អភិរក្ស ដោយ យកចិត្តទុកដាក់ខ្ពស់ ពីសំណាក់ខណ្ឌរដ្ឋបាលព្រៃឈើខេត្តសៀមរាប។ តាមរយៈឃ្លីបវីដេអូចេញផ្សាយនៅថ្ងៃទី០៩ ខែកញ្ញា ឆ្នាំ ២០២៤ ក្រសួងកសិកម្មរុក្ខាប្រមាញ់ និងនេសាទបានឱ្យដឹងថាចម្ការនេះ ត្រូវបានបង្កើតឡើងនៅក្នុងឆ្នាំ២០០១ រហូតមកទល់ពេលនេះ ចម្ការពូជឈើគ្រញូង និងពូជឈើប្រណិតជាច្រើនប្រភេទនៃសង្កាត់រដ្ឋបាលព្រៃឈើកន្ទួតខ្នាក្រៅ លាតសន្ធឹងលើផ្ទៃដីទំហំ ១ ៨៨៨ហិកតា ដែលកំពុងរង់ចាំទទួលស្វាគមន៍អ្នកទេសចរ ទៅទស្សនាកម្សាន្ត និងឈ្វេងយល់អំពីពូជឈើប្រណិតដែលកំពុងមាន វត្តមាននៅទីនោះ។ នៅចម្ការពូជឈើគ្រញូងនេះ ក៏មានផងដែរនូវ សួនអនុស្សាវរីយ៍ «ទេសចរម្នាក់ ដើមឈើមួយដើម» ដែលទទួលស្វាគមន៍អ្នកទេសចរ ចូលរួមដាំដើមឈើ ប្រណិតដោយផ្ទាល់ដៃ ហើយរដ្ឋបាលព្រៃឈើកន្ទួតខ្នាក្រៅ ក៏នឹងរៀបចំស្លាកឈ្មោះទុកជូនជាអនុស្សាវរីយ៍ផងដែរ។ លោក ម៉ុង ប៊ុនលីម នាយខណ្ឌរដ្ឋបាលព្រៃឈើ ខេត្ត សៀមរាប បានលើកឡើងថា៖ដើមឈើមានគុណប្រយោជន៍តាំតែពីកើតរហូតដល់យើងស្លាប់ទៅវិញ។ជាមួយគ្នាដើមឈើជាអាយុជីវិតរបស់យើងវាបានផ្តល់នូវអុកស៊ីសែន ស្រូបយកឧស្ម័នកាបូនិក ឬសឈើអាចយកទៅធ្វើជាឱសថ ឈើយកទៅធ្វើផ្ទះសម្បែងតាំងតែពី…

ភ្នំពេញ៖ក្រុមប្រឹក្សាអភិវឌ្ឍន៍កម្ពុជាបានប្រកាសឱ្យដឹងនៅថ្ងៃទី៩ ខែកញ្ញា ឆ្នាំ២០២៤ នានេះថា ក្នុងខែសីហាកន្លងទៅ​ក្រុមប្រឹក្សា​អភិវឌ្ឍន៍កម្ពុជាឬស៊ីឌីស៊ី(CDC)បានអនុម័តគម្រោងថ្មីចំនួន៤៦គម្រោង និងគម្រោង ពង្រីកផលិតកម្មចំនួន៧​គម្រោង ដែល​មានទុនវិនិយោគ​សរុប​ប្រមាណជាង១,២ពាន់លានដុល្លារអាម៉េរិក និង អាចបង្កើត​ការងារ​បានប្រមាណ ៣៣ពាន់​កន្លែង។ ក្នុងចំណោមគម្រោងវិនិយោគ​សរុប គម្រោងវិនិយោគដែលមាន ទីតាំងស្ថិតនៅក្រៅតំបន់សេដ្ឋកិច្ច​ពិសេសមានចំនួន​៣១គម្រោង និងគម្រោងវិនិយោគដែលមាន​ទីតាំងស្ថិត នៅក្នុងតំបន់សេដ្ឋកិច្ចពិសេសមានចំនួន២២គម្រោង។ យោងតាមសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជានៅថ្ងៃទី៩ ខែកញ្ញា ឆ្នាំ២០២៤ បានគូសរំលេចថា គម្រោង​វិនិយោគ​ដែលមានភាពលេចធ្លោជាងគេប្រចាំខែសីហានេះ រួមមាន៖ ក្រៅតំបន់សេដ្ឋកិច្ចពិសេស មាន៖គម្រោងធំៗចំនួន៤ ក្នុងនេះ ១.គម្រោងពង្រីកផលិតកម្មរបស់គម្រោងវិនិយោគបង្កើត​សណ្ឋាគារ​ផ្កាយ៥ ដែលមានទីតាំងស្ថិតនៅ ភូមិ៤ សង្កាត់៤ ក្រុងព្រះ​សីហនុ ខេត្តព្រះសីហនុ ក្នុងទុនវិនិយោគបន្ថែម៨០លានដុល្លារ និងអាច​បង្កើតការងារបន្ថែមបានចំនួន៦៨៣​កន្លែង,២.គម្រោង​ពង្រីក​ផលិតកម្មរបស់គម្រោងវិនិយោគបង្កើតរោងចក្រផលិតចំណីសត្វ និងកែច្នៃស្បែកសត្វ ដែលមានទីតាំងស្ថិតនៅភូមិព្រែកសង្កែ ឃុំទឹកថ្លា ស្រុកព្រៃនប់ ខេត្តព្រះសីហនុ ក្នុងទុនវិនិយោគ បន្ថែម​ប្រមាណ​ជាង១៩លានដុល្លារ និងអាចបង្កើតការងារបន្ថែម​បានចំនួន​១.០៥៣កន្លែង,ទី៣. គម្រោងពង្រីកបន្ថែមមុខសញ្ញាផលិតកម្ម ដោយកែច្នៃផលិតផលពាក់កណ្តាលសម្រេច Gelatine Granule ដែលជាផលិតផលបច្ចុប្បន្នរបស់ក្រុមហ៊ុនទៅជាផលិតផលសម្រេច Bovine Collagen Peptide, Fish Collagen Peptide, Pea Protein Peptide,…