បាត់ដំបង៖គ្រឿងឧបភោគ បរិភោគ សម្ភារៈប្រើប្រាស់ក្នុងចំនួនដ៏​ច្រើន​និង​ថវិកាជាដើម ត្រូវបាននាំយកទៅប្រគល់ជូនកងទ័ព​កម្ពុជា​ចំណុះយោធភូមិភាគទី៥ កំពុងឈរជើងការពារបូរណភាព​ទឹកដីក្នុងភូមិសាស្ត្រខេត្តបាត់ដំបង​ក្នុង​ដំណើរ​អញ្ជើញ​សាក សួរសុខទុក្ខដោយផ្ទាល់ដឹកនាំដោយឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធាន​ក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបងកាលពីថ្ងៃទី១៩ ខែមិថុនា ឆ្នាំ២០២៥។ ដោយដឹកនាំគណៈប្រតិភូក្នុងវិស័យយុត្តិធម៌ផងនោះ ឯកឧត្តម កើត រិទ្ធ បានថ្លែង​កោតសរសើរចំពោះវីរៈកងទ័ព​កម្ពុជា​ទាំង​អស់ដែលបានប្តេជ្ញាចិត្តដ៏មោះមុត និងអង់អាចក្លាហាន។ហ៊ាន​ធ្វើពលិកម្ម​គ្រប់បែបយ៉ាងក្នុងបុព្វហេតុ​ការពារនូវបូរណ​ភាពទឹកដី និង អធិបតេយ្យជាតិកម្ពុជា។ ឯកឧត្តមឧបនាយករដ្ឋមន្ត្រី ក៏បានបញ្ជាក់អំពីការគាំទ្រនិង​ជួយ​ជ្រោមជ្រែងសមរភូមិមុខ ពីសំណាក់សមរភូមិក្រោយក្នុង​ស្មារតីរួប​រួមសាមគ្គីជាធ្លុងមួយ ក្រោមការដឹកនាំដ៏ខ្ពង់ខ្ពស់របស់រាជរដ្ឋា​ភិបាល​ដែលមាន សម្តេចមហាបវរធិបតី ហ៊ុន ម៉ាណែត ជា​នាយករដ្ឋមន្ត្រី សំដៅការពារឱ្យបាននូវអធិបតេយ្យភាព​និងបូរណ​ភាព​ទឹកដីរបស់កម្ពុជា។ ក្នុងឱកាសនេះដែរឧត្តមសេនីយ៍ឯក ឯក សំអូន មេបញ្ជាការ​រងកងទ័ពជើងគោកនិងជាមេបញ្ជាការយោធភូមិភាគទី៥ បានបញ្ជាក់ជូនគណៈប្រតិភូថា នាយទាហាន នាយទាហានរង និង ពលទាហាន នៃ កងយោធពលខេមរភូមិន្ទទាំងអស់ ប្តេជ្ញាចិត្តរួចជាស្រេច ក្នុងការការពារបូរណភាពទឹកដី និងអធិបតេយ្យជាតិមិនឱ្យបាត់បង់ សូម្បីតែមួយមីលីម៉ែត្រ ដោយ​អនុវត្តយ៉ាងម៉ឺងម៉ាត់តាមបទបញ្ជារបស់ប្រមុខរាជរដ្ឋាភិបាល និងហ៊ានលះបង់ គ្រប់បែបយ៉ាងដើម្បីបុព្វហេតុជាតិ និងប្រជាជន៕ អត្ថបទ-រូបភាព៖ អ៊ុក សំអាន ប.ប

ភ្នំពេញ៖តាមរយៈវីដេអូឃ្លីបមួយនៅថ្ងៃទី២០ ខែមិថុនា ឆ្នាំ២០២៥​ជាង៤នាទី អ្នកនាំពាក្យរាជរដ្ឋាភិបាល ឯកឧត្តម ប៉ែន បូណា បានបកស្រាយចម្ងល់បងប្អូនមួយចំនួន ដែលសួរថា ហេតុអ្វីបានជារាជរដ្ឋាភិបាលមិនបង្ហាញឯកសារពាក់ព័ន្ធ ដែល​បញ្ជាក់ថា លិខិតរបស់រាជរដ្ឋាភិបាលពិតជាបាន ទៅដល់តុលាការ​យុត្តិធម៌អន្តរជាតិ (ICJ) ពិតប្រាកដមែន ? អ្នកនាំពាក្យរាជរដ្ឋាភិបាលរូបនេះបញ្ជាក់ថា «រាល់ដំណើរការនីតិវិធីរបស់ តុលាការយុត្តិធម៌អន្តរជាតិ គឺជាការសម្ងាត់ ដែលយើងត្រូវតែគោរពតាម ហើយយើងមិនអាចទៅហុចលិខិតហើយថតរូបមកបង្ហោះ ឬយកលិខិតបង្កាន់ដៃ​មក​បង្ហោះជាសាធារណៈបានទេ ដែលនេះជាគោលការណ៍របស់តុលាការ»៕ដោយ៖វណ្ណលុក

ភ្នំពេញ៖លើបណ្ដាញសង្គមហ្វេសប៊ុកផ្លូវការរបស់សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា នៅរាត្រីថ្ងៃទី២០ ខែ​មិថុនា ឆ្នាំ២០២៥ បានសរសេរយ៉ាងដូច្នេះថា ក្នុងនាមជាប្រធាន​គណបក្ស ខ្ញុំសូមផ្តល់យោបល់ជូនរាជរដ្ឋាភិបាល ពិចារណា និងម្ចាស់ការជាមុនដោយបង្វែរការទិញ​ទំនិញពីប្រទេសថៃ ដើម្បីកុំឱ្យគេមានហេតុផលគំរាមយើងតទៅទៀត និងចំពោះ​មុខប្រសិនច្រកទ្វារព្រំដែន​មិនទាន់កែ​សម្រួលឱ្យដូចដើមវិញ កម្ពុជាគួរផ្អាកការនាំចូលគ្រឿងកំប៉ុងគ្រប់ប្រភេទ តាំងពីគ្រឿង​ស្រវឹង ភេសជៈប៉ូវកម្លាំង​គ្រប់ប្រភេទរហូតដល់ត្រីខកំប៉ុង ឬសាច់កំប៉ុងគ្រប់ប្រភេទ ជំនួសដោយប្រើផលិត ផលក្នុងស្រុក ឬផលិតផលនាំចូលពី​ប្រទេសផ្សេងៗក្រៅពីប្រទេសថៃ។ ប្រជាជនកម្ពុជាយើងគួរសម្លឹងមើលឱ្យឆ្ងាយ លើសពីព្រំដែន​កម្ពុជា និងលើសពី​ឆ្នាំ២០៣០។ សំណេររបស់សម្ដេចតេជោ បានធ្វើឡើងបន្ទាប់ពីអ្វីដែលសម្ដេច​លើកឡើងថា “ថ្ងៃនេះ ឃើញបក្សប្រឆាំងថៃមួយជូន​យោបល់​ទៅរាជរដ្ឋាភិបាលថៃថាឱ្យ​​ឈប់​លក់ប្រេងឱ្យកម្ពុជា ដែលនឹង​ធ្វើឱ្យកម្ពុជាចុះចាញ់។ យើងសូមបញ្ជាក់ទៅអ្នក​វិញថា យើងមិន​ស្លាប់ដោយសារ​មិននាំប្រេងពីថៃមកនោះទេ ប៉ុន្តែអ្នកដែលស្លាប់​គឺក្រុមហ៊ុន PTT របស់ថៃទៅវិញទេ”។ សំណេរដដែលសម្ដេចតេជោបានលើកជាសំណួរថា ” តើអ្នកចង់​ឱ្យក្រុមហ៊ុនថៃ PTT ស្លាប់មែនទេ? បើចង់ សូម​ឱ្យអ្នកធ្វើ​តាមបំណងចុះ”។សម្ដេច​តេជោបន្តថា សម្រាប់កម្ពុជា បាន​ត្រៀមខ្លួន​រួចរាល់ដើម្បីដោះស្រាយស្ថាន​ភាពដែល​ពួកអ្នកគំរាម​រួចហើយ អ៊ីនធឺណិត អគ្គិសនី ពលករ និងពេលនេះ ល្បែងប្រេង​ធ្វើ​ជាអាវុធប្រឆាំងយើងទៀត។បញ្ហាពលករ​ពេលមុន ពួកអ្នក​មើល​ងាយ និងរើសអើងពលករខ្មែរ និងយកពលករធ្វើជា​ចំណាប់​ខ្មាំងផង និងគំរាមយើងផង តែពេល​ដែល​យើងប្រកាស​ទទួល​យកពលករពេលនេះពួកអ្នកបែរជាចេះយកចិត្ត និងលួង​លោម​ពលករ ព្រោះបើពលករខ្មែរ​ចាកចេញរោងចក្រ​កសិដ្ឋាន…

(ភ្នំពេញ)៖ នៅព្រឹកថ្ងៃទី១៩ ខែមិថុនា ឆ្នាំ២០២៥ ឯកឧត្តម ម៉ម អំណត់ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីក្នុងសិក្ខាសាលាពិគ្រោះយោបល់លើសេចក្តីព្រាងច្បាប់ស្តីពីប្រៃសណីយ៍ ដោយមានការអញ្ជើញចូលរួមពីថ្នាក់ដឹកនាំក្រសួង តំណាងអង្គភាពស្ថាប័នពាក់ព័ន្ធ នៅទីស្តីការក្រសួងប្រៃសណីយ៍និងទូរគមនាគមន៍។ សិក្ខាសាលាពិគ្រោះយោបល់នេះ រៀបចំឡើងដើម្បីប្រមូលធាតុចូលពីភាគីពាក់ព័ន្ធ សំដៅរៀបចំសេចក្តីព្រាងច្បាប់នេះឱ្យបានគ្រប់ជ្រុងជ្រោយនិងពេញលេញ ក្នុងគោលបំណងគ្រប់គ្រងវិស័យប្រៃសណីយ៍ប្រកបដោយប្រសិទ្ធភាពដែលធានាការធ្វើអាជីវកម្ម និងការផ្តល់សេវាប្រៃសណីយ៍ ស្របតាមតម្រូវការរបស់ប្រជាជន ការរីកចម្រើននៃសង្គមនិងសេដ្ឋកិច្ច និងការវិវឌ្ឍន៍នៃបច្ចេកវិទ្យា៕ ដោយ ៖ ង៉ាន់ ទិត្យ

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងក្នុងពិធីអបអរសាទរការដំណើរការជាផ្លូវការ ១ឆ្នាំ របស់សមាគមសហព័ន្ធអ្នកវិនិយោគកម្ពុជា និងពិធីពិសាភោជនាហារសាមគ្គី ឆ្នាំ២០២៥ នាថ្ងៃទី២០ ខែមិថុនា ឆ្នាំ២០២៥ ថា៖ កម្ពុជា រក្សា និងកសាងបាននូវទំនុកចិត្តពីបណ្ដាវិនិយោគិន និង ប្រជាជន ទាំងក្នុង និង ក្រៅប្រទេស ដោយសារកម្ពុជាសម្បូរទៅដោយកត្តាអំណោយផលប្រកបដោយសក្ដានុពលជាច្រើន ។ ក្នុងនោះ, កត្តាចម្បងដែលមិនអាចខ្វះបានគឺ៖ សុខសន្តិភាព និង ស្ថិរភាព នៅទូទាំងប្រទេស ។ រាជរដ្ឋាភិបាលកម្ពុជា ប្ដេជ្ញាបន្តថែរក្សា, ការពារ សន្តិភាព និង ស្ថិរភាពពេញលេញ ទោះក្នុងតម្លៃណាក៏ដោយ ដើម្បីការអភិវឌ្ឍ និង ភាពសុខដុម, ទាំងការវិនិយោគ និងការរស់នៅរបស់ប្រជាជន ។ រាជរដ្ឋាភិបាល បន្តគិតគូរ និងយកចិត្តទុកដាក់ខ្ពស់ លើការអភិវឌ្ឍហេដ្ឋារចនាសម្ព័ន្ធ ជាមួយនឹងការអភិវឌ្ឍធនធានពលកម្មវ័យក្មេង ប្រកបដោយភាពប្រកួតប្រជែងខ្ពស់ ដែលនឹងជួយគាំទ្រដល់ផលិតកម្មនានា បានយ៉ាងសកម្ម និងមានប្រសិទ្ធភាព ។…

(ភ្នំពេញ)៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានថ្លែងបញ្ជាក់ថា ការចូលរួមឧបត្តម្ភគាំទ្រ ជាសម្ភារៈ ថវិកា ស្បៀងអាហារ ថ្នាំពេទ្យ ពីបណ្តាសប្បុរសជន និងក្រុមហ៊ុននានាក្នុងវិស័យឯកជន សម្រាប់ចែកជូនដល់កងទ័ពជួរមុខ គឺជាការផ្សារភ្ជាប់រវាងអ្នកនៅជួរមុខ និងអ្នកនៅជួរក្រោយក្រោយ និងជាការដឹងគុណចំពោះការលះបង់របស់កងទ័ពក្នុងបុព្វហេតុការពារ បូរណភាពទឹកដីកម្ពុជា ឲ្យបានគង់វង្សសម្រាប់កូនចៅជំនាន់ក្រោយរបស់យេីងទាំងអស់គ្នា។ នេះជាការថ្លែងរបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ក្នុងឱកាសទទួលអំណោយថ្នាំពេទ្យពី មូលនិធិគីណាល់ យកមកប្រគល់ជូនដោយ លោក តិច ស៊ីម៉ូ នាយកគ្រប់គ្រងពាណិជ្ជកម្មក្នុងស្រុកនៃសហគ្រាសផលិតឱសថ ប៉េប៉េអឹម ជាតំណាងឧកញ៉ា ឱសថបណ្ឌិត ហៃ លីអ៊ាង ប្រធានមូលនិធិគីណាល់ និងជាប្រធានអគ្គនាយកសហគ្រាសផលិតឱសថ PPM នៅព្រឹកថ្ងៃទី២០ ខែមិថុនា ឆ្នាំ២០២៥ នាទីស្តីការក្រសួង។ អំណោយរបស់មូលនិធិគីណាល់ ផ្តល់ដល់ក្រសួងព័ត៌មាន នាឱកាសនេះមាន ឱសថប៉េប៉េអឹម និងប៉េប៉េអឹមត្រេត ចំនួនប្រាំពីរមុខរួមមាន ឱសថ KINAL សម្រាប់បំបាត់ការឈឺចុកចាប់, RHINEX ថ្នាំបំបាត់ផ្តាសាយ ,…

ភ្នំពេញ ៖ នៅថ្ងៃទី២១ ខែមិថុនា ឆ្នាំ ២០២៥ គឺជាទិវាយោគៈអន្តរជាតិនៃ លើកទី១១ នឹងប្រារព្ធឡើងនៅទីក្រុងភ្នំពេញ ដោយមានការចូលរួមពីសំណាក់អ្នកដែលចូលចិត្តការហាត់យោគៈ។ នេះជាការប្រារព្ធពិធីអបអរសាទរខួប១០ឆ្នាំនៃទិវាយោគៈអន្តរជាតិក្នុងប្រទេសកម្ពុជាដែលមានរយៈពេល៧៥ថ្ងៃនៅទីតាំងចំនួន១២ទីតាំងក្នុងខេត្តក្រុងចំនួន៣នៃប្រទេសកម្ពុជា។ យោគៈមានប្រភពពីទស្សនវិជ្ជាបុរាណឥណ្ឌា។ អស់ជាច្រើនសតវត្សមកហើយ យោគៈបានឆ្លងកាត់សង្គម និងភូមិសាស្រ្តជាច្រើន ហើយត្រូវបានទទួលស្គាល់ជាសកលថាជាមធ្យោបាយមួយដើម្បីសម្រេចបាននូវការរស់នៅប្រកបដោយតុល្យភាព និងមានសុខភាពល្អ ខណៈដែលការហាត់យោគៈគឺមានលក្ខណៈពិសេសលើសពីការធ្វើចលនារាងកាយ។ សព្វថ្ងៃនេះ យោគៈត្រូវបានអនុវត្តន៍ស្ទើរតែគ្រប់ផ្នែកនៃពិភពលោក ហើយយោគៈកាន់តែទទួលបានប្រជាប្រិយភាពជារៀងរាល់ថ្ងៃ។ ដោយទទួលស្គាល់ពីគុណតម្លៃជាសាកល និងតួនាទីដ៏សំខាន់របស់យោគៈសម្រាប់ជីវិតប្រចាំថ្ងៃនៃសហគមន៍ផ្សេងៗគ្នានៅទូទាំងពិភពលោក អង្គការសហប្រជាជាតិបានអនុម័តសំណើរបស់ប្រទេសឥណ្ឌាក្នុងការកំណត់ថ្ងៃទី ២១ ខែមិថុនា ជាទិវាយោគៈអន្តរជាតិដោយមានការគាំទ្រដ៏លើសលប់។ ជាលទ្ធផលនៃគំនិតផ្តួចផ្តើមដ៏សំខាន់នេះ ទិវាយោគៈអន្តរជាតិត្រូវបានប្រារព្ធជារៀងរាល់ឆ្នាំចាប់តាំងពីឆ្នាំ ២០១៥ រួមទាំងនៅក្នុងប្រទេសកម្ពុជាផងដែរ។ មូលបទសម្រាប់ការប្រារព្ធទិវាយោគៈអន្តរជាតិឆ្នាំនេះគឺ “យោគៈដើម្បីផែនដីតែមួយ សុខភាពតែមួយ”។ នេះគូសបញ្ជាក់ពីទំនាក់ទំនងដ៏រឹងមាំរវាងសុខភាពនៃបរិស្ថានរបស់យើង និងសុខភាពមនុស្សសត្វ និងសមត្ថភាពនៃយោគៈក្នុងការផ្តល់នូវសុខុមាលភាពរួមសម្រាប់អ្នកដែលហាត់យោគៈ។ យោគៈផ្តល់នូវដំណោះស្រាយសាកល្បងពេលវេលាដើម្បីផ្តល់តុល្យភាពផ្លូវចិត្តខាងក្នុង និងធ្វើឲ្យមានភាពស្ងប់ស្ងាត់ដល់ផ្លូវចិត្ត ហើយធ្វើឱ្យបុគ្គលម្នាក់ៗមានសន្តិភាពជាមួយខ្លួនឯង និងអ្នកដទៃដែលនៅជុំវិញខ្លួនយើង។ ជាច្រើនឆ្នាំមកនេះ យោគៈកាន់តែទទួលបានប្រជាប្រិយភាពនៅក្នុងប្រទេសកម្ពុជា ហើយមានការចាប់អារម្មណ៍កាន់តែខ្លាំងឡើងចំពោះយោគៈក្នុងចំណោមប្រជាពលរដ្ឋកម្ពុជា។ ដោយបានទទួលស្គាល់ពីសារៈសំខាន់នៃខួបលើកទី ១០ នៃទិវាយោគៈអន្តរជាតិ ស្ថានទូតឥណ្ឌាប្រចាំនៅទីក្រុងភ្នំពេញនៅឆ្នាំនេះ បានចាប់ដៃគូជាមួយស្ថាប័នជាច្រើនរួមមាន ក្រសួងទេសចរណ៍ ក្រសួងអប់រំ យុវជន និងកីឡា ក្រសួងវប្បធម៌ និងវិចិត្រសិល្បៈ…

កំពង់ចាម៖កាលពីព្រឹកថ្ងៃទី២០ ខែមិថុនា ឆ្នាំ២០២៥ សាខាសមា​គម​សិស្ស និស្សិត បញ្ញវន្តក្មេងវត្តខេត្តកំពង់ចាម បានសហការជាមួយ​មន្ទីរ​សម្រាកព្យាបាល ស្គន់ បានរៀបចំការពិនិត្យ ពិគ្រោះ ព្យាបាលជំងឺភ្នែក និងផ្តល់វ៉ែនតា ដោយឥតគិតថ្លៃជូនមន្ត្រីពន្ធនាគារខេត្តកំពង់ចាមចំនួន ១២៣នាក់ ស្ថិតនៅពន្ធនាគារខេត្តកំពង់ចាម ។ សកម្មភាពដោយមានការចង្អុលបង្ហាញពីឯកឧត្តម អ៊ុន ចាន់ដា អភិបាល​ខេត្ត និងជាប្រធានកិត្តិយសសាខា​សមាគម​សិស្ស និស្សិត បញ្ញវន្តក្មេងវត្តខេត្តកំពង់ចាមបានប្រព្រឹត្តទៅក្រោមវត្តមានលោកបណ្ឌិត សំ ពិសិដ្ឋ ប្រធានសាខា និងឧត្តមអាគារនុរក្សថ្នាក់លេខ២ ហ៊ុន ខី ប្រធានពន្ធនាគារខេត្តកំពង់ចាម លោកវេជ្ជបណ្ឌិត ហួន សំអាត ប្រធាន​មន្ទីរសម្រាកព្យាបាល ស្គន់ និងក្រុមការងារ សូមជម្រាបថា កម្មវិធីនេះចាប់ផ្តើមនៅម៉ោង ៨:៣០ព្រឹក រហូតដល់​ម៉ោង ១២ថ្ងៃត្រង់ ដោយបានពិនិត្យ ពិគ្រោះ និង​ផ្តល់វ៉ែនតា​ចំនួន​៩៦នាក់។ ដោយឡែកអ្នកដែលមានអាការៈជំងឺភ្នែកធ្ងន់ធ្ងរ ដែលត្រូវ​ធ្វើការវះកាត់ ក្រុមការងារ​បាន​ចេញបង្កាន់ដៃជូនដើម្បីអញ្ជើញទៅ​វះកាត់ និងព្យាបាល នៅមន្ទីរសម្រាកព្យាបាល ស្គន់ ដោយឥតគិតថ្លៃ ដោយ​បង្កាន់​ដៃមានសុពលភាពរយៈពេល ៣០ថ្ងៃ៕ដោយ៖លី ពៅ

កំពង់ចាម៖អ្នកឧកញ៉ា ហេង ឡុង ប្រធានអគ្គនាយកក្រុមហ៊ុន ឡុង ស្រេង ដែលមានពិសោធន៍ក្នុងការ​វិនិយោគ​លើដំណាំកៅស៊ូ ដំណាំ​ចេក និងទុរេន រួមនិងរោងចក្រឧហ្សាហកម្មមួយចំនួនស្ថិតនៅស្រុក​ស្ទឹងត្រង់ ខេត្តកំពង់ចាម បានចែករំលែកបទពិសោធន៍ទៅកាន់​អ្នក​ចង់វិនិយោគលើវិស័យកសិកម្មថា មុនវិនិយោគ​ គួរតែសិក្សាឱ្យ​បានស៊ី​ជម្រៅ ហើយត្រូវសម្លឹងមើលទីផ្សារអន្តរជាតិជាមុនសិន និងដាំដំណាំ​ណាដែលមានតម្រូវការខ្ពស់លើទីផ្សារអន្តរជាតិ ហើយ ដំណាំនោះ​ដាំរយៈពេលខ្លីទទួលបានផលត្រឡប់មកវិញឆាប់។ ប្រាប់ក្រុមអ្នកកាសែតដែលរៀបចំដោយក្លិបអ្នកាសែតកម្ពុជាកាលពីចុងសប្ដាហ៍នេះអ្នកឧកញ៉ា បានអធិប្បាយលើ​ចំណុច​ដែលលោកបាន​ចែករំលែកខាងលើថា ការដាំដំណាំដែលហុចផលត្រឡប់មកវិញលឿន គឺជាផលល្អវិជ្ជមាន​សម្រាប់អ្នកវិនិយោគដំណាំកសិកម្ម ។មានន័យថា យើងអាចប្រមូលទុនត្រឡប់មកវិញជាបណ្តើរៗ ។ជួយមិន​ឱ្យយើង​កប់ដើម។ អ្នកឧកញ៉ាមានបទពិសោធន៍ជាង២០ឆ្នាំវិនិយោគលើវិស័យកសិកម្មរូបនេះ បានពន្យល់ទៀតថា ដំណាំកសិកម្មគឺ​ជាកាំបិតមុខពីរប្រសិនបើខ្វះ​បច្ចេកទេស និងមិនមានទីផ្សារច្បាស់លាស់និង​ធ្វើឱ្យអ្នកវិនិយោគ​លើ​ការ​ដាំ​ដុះកសិកម្ម​មិនជោគជ័យ និងក្ស័យធន។ ទោះជាដូចនេះក្តី អ្នកឧកញ៉ាក៏បានអំពាវនាវដល់អ្នកមានលុយ​នៅ​កម្ពុជា​ងាកសម្លឹងមកវិនិយោគលើដំណាំកសិកម្ម ដើម្បីជួយលើកកម្ពស់​សេដ្ឋកិច្ចប្រទេស ព្រោះបច្ចុប្បន្នការវិនិយោគលើវិស័យកសិកម្មមាន​ឱកាស​ចំណេញខ្ពស់ ដោយសារតែដីមានច្រើន និងមានតម្លៃ​ទាបនៅ​ឡើយ។ការជ្រើសរើសមកវិនិយោគលើវិស័យកសិកម្ម គឺជួយផ្តល់​ឱកាស​ការងារជូនប្រជាពលរដ្ឋនៅក្នុងមូលរដ្ឋាន និងក្នុងស្រុក។ ជួយកាត់បន្ថយការធ្វើចំណាក​ស្រុករបស់​ប្រជាពលរដ្ឋខ្មែរ​ទៅធ្វើការ​ក្រៅប្រទេស។ សូមជម្រាបថា អ្នកឧកញ៉ា ហេង ឡុង ប្រធានអគ្គនាយក ក្រុមហ៊ុន ឡុង ស្រេង បាននិងកំពុងគ្រប់គ្រង​លើក្រុម​ហ៊ុនជាច្រើន ក្នុងស្រុក​ស្ទឹងត្រង់ ខេត្តកំពង់ ចាម ក្នុងនេះមានរោងចក្រផលិតកៅស៊ូក្រែប រោងចក្រផលិតក្រដាស​វេចខ្ចប់ រោងចក្រផលិតជីធម្មជាតិ និងជាម្ចាស់​ចម្ការ​ដំណាំសក្កានុពលជាច្រើនមានដូចជា…

(ខេត្តកំពត)៖ សមាគមកាយឫទ្ធិនារីកម្ពុជា បានរៀបចំសច្ចាបញ្ចូលសមាជិកថ្មីលើកទី៣៣ និងពិធីប្រគល់សេចក្តីសម្រេចតែងតាំងប្រធានកិត្តិយស ប្រធានក្រុមប្រឹក្សា ប្រធាន-អនុប្រធាន និងសមាជិកថ្មីនៃសមាគមកាយឫទ្ធិនារីកម្ពុជា ដែលមកពីសាខាខេត្តសៀមរាប, រាជធានីភ្នំពេញ, និងសាខាខេត្តកំពត សរុបចំនួន៣៨៤រូប ក្នុងនោះក៏មានសមាជិកចាស់ ព្រមទាំងថ្នាក់ដឹកនាំមកពីបណ្តា សមាគមកាយឫទ្ធិនារីកម្ពុជា ទាំង៧សាខាសរុបទាំងអស់ ៧៩៦រូប ចូលរួមផងដែរ ក្រោមអធិបតីភាពដ៏ខ្ពង់ខ្ពស់របស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការសមាគមកាយឫទ្ធិនារីកម្ពុជា ដែលពិធីនេះប្រារព្ធធ្វើឡើងក្នុង សាលប្រជុំបូកគោ នៃសាលាខេត្តកំពត។ ក្នុងឱកាសដ៏មានសិរីសួស្តីប្រសើរថ្លៃថ្លាបំផុត ប្រកបដោយសេចក្តីសោមនស្សរីករាយ នៃការប្រារព្ធពិធីសច្ចាបញ្ចូលសមាជិកថ្មីលើកទី៣៣ នៃសមាគមកាយឫទ្ធិនារីកម្ពុជា ដែលបានប្រារព្ឋធ្វើឡើងនៅថ្ងៃទី១៨ ខែមិថុនា ឆ្នាំ២០២៥នេះ គឺ ស្របនឹងថ្ងៃដ៏មានមហាសិរីមង្គល ឧត្តុងឧត្តមបំផុត ក្នុងឱកាសព្រះរាជពិធីចម្រើនព្រះជន្មាយុ ថ្វាយចំពោះ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ដែលជាព្រះប្រធានកិត្តិយស នៃសមាគមកាយឫទ្ធិនារីកម្ពុជា។ ក្នុងឱកាសនេះលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានមានប្រសាសន៍ថា ការចូលជាសមាជិករបស់សមាគមកាយឫទ្ធិនារីកម្ពុជា គឺជាកម្លាំងស្ម័គ្រចិត្តរួម ដែលផ្ដល់ឱ្យសមាជិកនូវចំណេះដឹង បទពិសោធន៍ទាំងជីវិតការងារ និង លទ្ធភាពធ្វើការរួមគ្នា ដើម្បីផលប្រយោជន៍សង្គម។…