បុគ្គលិកខ្មែរ៤នាក់ដែលបំរើកិច្ចការអោយអង្គការសហប្រជាជាតិ បានរងរបួសក្នុងហេតុការណ៍បំផ្ទុះគ្រាប់បែក អត្តឃាតនៃក្រុមភេរវកម្មក្នុងប្រទេសម៉ាលី។ ពលរដ្ឋខ្មែរទាំង៤ ដែលបំរើការងារឱយអង្គការសហប្រជាជាតិ នៃ សកម្មភាពមីន ឈ្មោះUNMAS ត្រូវគេបញ្ជាក់ថាមិនមែនជាកងកម្លាំងមួកខៀវនោះទេ។

អាស៊ាន បានជួបប្រជុំជាមួយនឹងដៃគូសំខាន់៣នៅថ្ងៃនេះ ដែលបានផ្តោតលើវិស័យកិច្ចសហប្រតិបត្តិការខាង ពាណិជ្ជកម្ម និងចក្ខុវិស័យនយោបាយក្នុងតំបន់និងពិភពលោកផងដែរ។ សម្តេចនាយករដ្ឋមន្ត្រីនៃប្រទេសកម្ពុជា បានឡើងថ្លែងបទអន្តរាគមន៍ក្នុងកិច្ចប្រជុំកំពូលទាំង៣រវាងអាស៊ានអូស្ត្រាលី…អាស៊ានចិន និងអាស៊ានកូរេខាង ត្បូង។

នេះគឺជាលើកទី៤ហើយដែលកម្មវិធីធុរកិច្ចអឺរ៉ុបបានរៀបចំឡើងក្នុងគោលបំណងជួយការពារដល់សុវត្ថិភាពរបស់បុគ្គលិកបម្រើការងារនៅក្នុងការដ្ឋានសំណង់ ជាការចាប់ផ្តើមដំបូងក្រុមហ៊ុនសំណង់ទាំងអស់ត្រូវតែចងក្រងឲ្យបានត្រឹមត្រូវឲ្យស្របទៅតាមផ្លូវច្បាប់ក្នុងគោលបំណងជួយដល់កម្មករដែលកំពុងតែប្រឈមគ្រោះថ្នាក់ក្នុងពេលបំពេញការងារ ហើយក្រសួងការងារជាអ្នកមើលការខុសត្រូវលើរាល់កឋរដ្ធានសំណង់ទាំងអស់បើយើងធ្វើការប្រៀបធៀបទៅប្រទេស វៀតណាមវិញនោះគឺឃើញថាយើងដើរនៅឆ្ងាយពីគេខ្លាំងណាស់។

ភ្នំពេញ៖ បន្ទាប់ពីដំណើរការហ្វឹកហ្វាត់អស់រយៈពេល១ខែកន្លងមក វគ្គបណ្តុះបណ្តាលនាយទាហាន ថ្នាក់កងអនុសេនាតូច និងអនុសេនាធំថ្មើរជើងជំនាន់ទី២ និងមន្ត្រីឧទ្យានុរក្សជំនាន់ទី៧របស់ក្រសួងបរិស្ថាន ត្រូវបានធ្ចើពិធីបិទក្រោមវត្តមានឯកឧត្តម ផៃ ប៊ុនឈឿន រដ្ឋលេខាធិការ តំណាងឯកឧត្តមរដ្ឋមន្ត្រី សាយ សំអាល់ រដ្ឋមន្រី្តក្រសួងបរិស្ថាន ស្ថិតក្នុងសាលានាយទាហានសកម្ម (ត្មាតពង) ស្រុងឧត្តុង្គ ខេត្តកំពង់ស្ពឺ កាលពីល្ងាចថ្ងៃទី១៤ ខែវិច្ឆិកា ឆ្នាំ២០១៨។ ឯកឧត្តមឧត្តមសេនីយ៍ឯក ប៊ុត សុភាព នាយករងសាលានាយទាហានសកម្ម និងជាសហប្រធានគ្រប់គ្រងវគ្គ បានឱ្យដឹងថា វគ្គបណ្តុះបណ្តាលនាថ្ងៃនេះ ពិតជាបានឆ្លើយតបទាន់ពេលវេលានូវគោលនយោបាយកសាងធនធានមនុស្សក្នុងជួរកងយោធពលខេមរភូមិន្ទ និងធនធានមនុស្សផ្នែកឧទ្យានុរក្សក្រសួងបរិស្ថាន ដែលជាតម្រូវការចាំបាច់របស់សង្គមជាតិ  ហើយជាការឆ្លើយតបនូវបរិបទថ្មី នៃរាជរដ្ឋាភិបាលកម្ពុជានីតិកាលទី៦ ដែលបានដាក់ចេញនូវគោលនយោបាយកំណែទម្រង់ស៊ីជម្រៅលើគ្រប់វិស័យ ដើម្បីលើកកម្ពស់ការអភិវឌ្ឍប្រកដោយនិរន្តរភាព ចីរភាព អភិវឌ្ឍនភាពសង្គម។ ក្នុងឱកាសនោះដែរ ឯកឧត្តម ផៃ ប៊ុនឈឿន បានថ្លែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង និងបានយកចិត្តទុកដាក់សហការរហូតវគ្គនេះបានបញ្ចប់ដោយជោគជ័យ ទទួលបានផ្លែផ្កាគួរជាទីមោទនៈ ក្នុងគោលបំណងដើម្បីពង្រឹង និងលើកកម្ពស់សមត្ថភាពដល់ឆ្មាំតំបន់ការពារធម្មជាតិ និងដើម្បីឆ្លើយតបនឹងហេតុការណ៍ដែលកើតឡើងជាយថាហេតុ នៅគ្រប់ទីកន្លែងអោយបានទាន់ពេលវេលា និងធានាឲ្យមានសន្តិសុខ ព្រមទាំងឲយបានជោគជ័យប្រកបដោយសុវត្ថិភាពខ្ពស់។ ឯកឧត្តមបានលើកឡើងថា ថ្វីត្បិតតែវគ្គបណ្តុះបណ្តាលនេះមានរយៈពេលខ្លី ប៉ុន្តែវាគឺជាគ្រឹះដ៏មានសារៈសំខាន់សម្រាប់ការកសាងសមត្ថភាពជំនាញជាមូលដ្ឋានរបស់នាយទាហាន និងមន្ត្រីឧទ្យានុរក្សទាំងអស់…

ឯកឧត្តម យន្ត មីន អភិបាលខេត្តព្រះសីហនុ សង្កត់ធ្ងន់ថា ចាប់ពីពេលនេះទៅបុគ្គលទាំងឡាយណាដែលរំលោភយកអូរ ប្រឡាយ លូ មិនស្តាប់តាមការណែនាំរបស់ខេត្ត ត្រូវកសាងសំណុំឯកសារបញ្ជូនទៅតុលាការ ក្នុងករណីរឹងទទឹងមិនសហការជាមួយអាជ្ញាធរមានសមត្ថកិច្ច។ ការលើកឡើងនេះ បានធ្វើឡើង កាលពីរសៀលថ្ងៃទី១៤ ខែវិច្ឆិកា ឆ្នាំ២០១៨ ក្នុងកច្ចប្រជុំជាមួយក្រុមការងារគ្រប់គ្រងប្រពន្ធ័ប្រឡាយ លូ និងទឹកកខ្វក់ និងអាងប្រព្រឹត្តកម្មដើម្បីទប់ស្កាត់កុំឲ្យទឹកកខ្វក់ហូរចូលសមុទ្រ។ ដោយឡែកទីតាំងអាជីវកម្មផ្ទះសំណាក់ សណ្ឋាគារណាដែលមិនធ្វើអាងចម្រោះទឹកកខ្វក់ទេនោះត្រូវជំរុញឲ្យធ្វើអាងប្រព្រឹត្តកម្មដាច់ខាត។ ប្រសិនបើនៅតែមិនធ្វើតាមការណែនាំនេះទេនឹងប្រឈមនឹងការផ្អាកអាជីវកម្ម។ ឯកឧត្តម យន្ត មីន បានព្រមានធ្ងន់ៗថា ពីពេលនេះទៅមិនអាចយោគយល់បានទៀតទេ ។ បញ្ហាទឹកកខ្វក់នេះ បើដោះស្រាយមិនបានទេ ទឹកសមុទ្រឆ្នេរសមុទ្រខេត្តព្រះសីហនុ នឹងកាន់តែប្រឈម។ ដូច្នេះត្រូវតែចាត់វិធានការយ៉ាងតឹងរឹងដោយមិនអាចពន្យារពេលឲ្យទៀតឡើយ។ សូមបញ្ជាក់ថា គណៈកម្មការពិនិត្យគ្រប់គ្រងប្រព័ន្ធលូ អូរ ប្រឡាយ ត្រពាំង និងប្រព័ន្ធប្រព្រឹត្តកម្មទឹកកខ្វក់ក្នុងខេត្តព្រះសីហនុ មានសមាសភាពសុទ្ធតែជាមន្ត្រីជំនាញគ្រប់ផ្នែកពាក់ពន្ធ័ទាំងអស់ដើម្បីគ្រប់គ្រងប្រព័ន្ធលូ អូរ ប្រឡាយ ត្រពាំង និងប្រព័ន្ធប្រព្រឹត្តកម្មទឹកកខ្វក់ក្នុងខេត្តព្រះសីហនុទាំងមូល ក្នុងគោលដៅដោះស្រាយបញ្ហាទឹកសំអុយហហូរចូលសមុទ្រ និងទប់ស្កាត់អំពើរំលោភ អូរ ប្រឡាយ លូ ពីសំណាក់បុគ្គលខ្លះ។ គួររម្លឹកថា ប្រពន្ធ័ប្រឡាយ អូរ លូ…