ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ នៅថ្ងៃទី១៤ ខែវិចិ្ឆកា ២០១៨ បានអនុញ្ញាតឲ្យលោកស្រី ចំរើន មុទិតា ប្រធានក្រុមការងារបេសកកម្មលើកទី៣ របស់ធនាគារពិភពលោកប្រចាំកម្ពុជា និងសហការីចូលជួបសម្តែងការគួរសម និងពិភាក្សាការងារស្តីពីសកម្មភាពអនុវត្តគម្រោងបែងចែកដីដើម្បីសង្គមកិច្ច និងអភិវឌ្ឍសេដ្ឋកិច្ច ជំហាន២ (LASED II)។

ភ្នំពេញ ៖​ លោកវរៈសេនីយ៍ឯក​ ជឹម​ សីុថា​ អធិការខណ្ឌដង្កោបានឲ្យដឹងថា​ ជនសង្ស័យ​ឈ្មោះ​ ថាច់​ សួ​ ភេទ​ប្រុស​ អាយុ​៤៨​ឆ្នាំស្នាក់នៅ​ផ្ទះ​គ្មាន​លេខ​ ភូមិ​បូរី​កម្មករ​ សង្កាត់​ជើងឯក​ ខណ្ឌដង្កោ​ រាជធានី​ភ្នំពេញ​ ត្រូវកម្លាំងរបស់លោកចាប់ខ្លួនបាន​នៅ​ចំណុចផ្ទះលេខ​ នៅភូមិ​សំបូរ​មាស​ សង្កាត់​ដង្កោ​ ខណ្ឌដង្កោ នៅវេលា​ម៉ោង​១១ និង១០នាទី​ព្រឹក​ ថ្ងៃទី​១៥​ ខែ​វិច្ឆិកា​ ឆ្នាំ​ ២០១៨នេះ។​ ដោយមូលហេតុដែលឈានដល់ការចាក់សម្លាប់ជនរងគ្រោះ គឺផ្តើមចេញពីទំនាស់ទិញលក់ដី​ ហើយមុនពេលកើតហេតុជនរងគ្រោះបាន ស្ទុះទៅវៃជនសង្ស័យ​ ទើបធ្វើឲ្យជនសង្ស័យការពារខ្លួនទាញកូនកាំបិតចាក់ទៅលើជនរងគ្រោះតែម្តង។ នេះបើតាមការសារភាពរបស់ជនសង្ស័យ។

សៀមរាប៖ សិក្ខាសាលា ស្តីពីការគ្រប់គ្រងហានិភ័យសំណល់ជាតិផ្ទុះពីសង្គ្រាមរយះពេលយូរ ដើម្បីស្នើសុំឲ្យអង្គសិក្ខាសាលាពិចារណានឹងគិតគូរពីបញ្ហាការអប់រំយល់ដឹងនៃសំណល់ជាតិផ្ទុះពីសង្គ្រាម និងកិច្ចជួយសង្គ្រោះដល់ជនរងគ្រោះ ទៅក្នុងការគ្រប់គ្រងហានិភ័យសំណល់ជាតិផ្ទុះពីសង្រ្គាមរយៈពេលវែងនេះ។ ឯកឧត្តមនាយឧត្តមសេនីយ៍ សែម សុវណ្ណនី អនុប្រធានទី២ នៃអាជ្ញាធរមីនកម្ពុជា បានមានប្រសាសន៏បែបនេះ នៅព្រឹកថ្ងៃទី១៤ ខែវិច្ឆិកា ឆ្នាំ២០១៨ ដែលមានរយ:ពេល២ថ្ងៃ ចាប់ពីថ្ងៃទី១៥-១៦ ខែវិច្ឆិកា នៅខេត្តសៀមរាប អាជ្ញាធរមីនបានសហការជាមួយអង្គការ GICHD ដើម្បីរៀបចំសិក្ខាសាលានេះឡើង ក្នុងបំណងស្តីពីការគ្រប់គ្រងហានិភ័យសំណល់ជាតិផ្ទុះពីសង្គ្រាមរយះពេលវែង ក្រោមអធិបតីភាពបើកដោយ ឯកឧត្តមនាយឧត្តមសេនីយ៍ សែម សុវណ្ណនី អនុប្រធាន ទី២អាជ្ញាធរមីន ដោយមានការអញ្ជើញចូលរួមពីតំណាងក្រសួងស្ថាប័នពាក់ព័ន្ធ ដៃគូអភិវឌ្ឍអង្គភាពផែនការបោសសម្អាតមីនខេត្ត រាជធានី និងប្រតិបត្តិករបោសសម្អាតមីន និងសំណល់ជាតិផ្ទុះពីសង្គ្រាមសំខាន់ៗផងដែរ។ ឯកឧត្តមនាយឧត្តមសេនីយ៍ សែម សុវណ្ណនី អនុប្រធានទី២ បានលើកឡើងថា៖ សង្រ្គាមពីអតីតកាល បានបន្សល់ទុកនូវតំបន់ដែលនៅមានការគំរាមកំហែងដោយសារមីន និងសំណល់ជាតិផ្ទុះពីសង្រ្គាមយ៉ាងច្រើនសន្ធឹកសន្ធាប់ពាសពេញផ្ទៃប្រទេស ដែលបានបណ្តាលឲ្យប្រជាជនស្លូតត្រង់ ស្លាប់ របួស ពិការ និងជាឧបសគ្គដល់ជីវភាពរស់នៅរបស់ប្រជាជន ព្រមទាំងបានធ្វើឲ្យរាំងស្ទះដល់ការអភិវឌ្ឍប្រទេសជាតិទៀតផង។  កម្ពុជាបានឆ្លងកាត់សង្រ្គាមជាងបីទសវត្សរ៍ ដែលបានបន្សល់ទុកនូវគ្រាប់មីនជាច្រើនលានគ្រាប់កប់ក្នុងដី ជាពិសេសនៅភាគខាងលិចតំបន់ជាប់ព្រំដែនកម្ពុជា-ថៃ ក្នុងចន្លោះពីឆ្នំា…

រាជធានីភ្នំពេញ៖ នៅវេលាម៉ោង១០.៣០នាទីព្រឹក  នាថ្ងៃទី១៥ ខែវិច្ឆិកា  ឆ្នាំ២០១៨ នៅវិមានមិត្តភាព នៃទីស្តីការ   គណៈរដ្ឋមន្រ្តី ឯកឧត្តមកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុក ទីស្តីការគណៈរដ្ឋមន្រ្តី និងប្រធានក្រុមការងាររបស់រាជរដ្ឋាភិបាលទទួលបន្ទុកដំណើរការ អ.វ.ត.ក បានអនុញ្ញាត្តិឱ្យឯកឧត្តម Miguel de Serpa Soares អគ្គលេខាធិការរងទទួលបន្ទុកកិច្ចការច្បាប់ និងជាទីប្រឹក្សាច្បាប់របស់ អ.ស.ប ចូលសំដែងការគួរសម និងពិភាក្សាការងារស្តីពីវឌ្ឍនភាពការងារ និងសមិទ្ធិផលសម្រេចបានរបស់ អ.វ.ត.ក ចាប់តាំងពីឆ្នាំ២០០៦ រហូតមកទល់ពេលបច្ចុប្បន្ននេះ។ ជាកិច្ចចាប់ផ្តើម ឯកឧត្តមកិត្តិនីតិកោសលបណ្ឌិត ប៊ិន ឈិន បានស្វាគមន៍ដំណើរទស្សនកិច្ចរបស់ឯកឧត្តម ដែលត្រូវបានឯកឧត្តម Antonio Guterres អគ្គលេខាធិការ អ.ស.ប ចាត់តាំងឱ្យធ្វើជាតំណាងមកចូលរួមពិធីប្រកាសសាលក្រមសំណុំរឿង០០២ ដំណាក់ទី២ ដែល អ.ស.ប តែងតែផ្តល់ការគាំទ្រ និងវាយតម្លៃខ្ពស់ចំពោះដំណើរការកាត់សេចក្តីរបស់ អ.វ.ត.ក។ ឯកឧត្តមកិត្តិនីតិកោសលបណ្ឌិត ក៏បានលើកឡើងផងដែរថា ដោយមានការយកចិត្តទុកដាក់ខ្ពស់ និងការគាំទ្រពីសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី…

  ភ្នំពេញ៖ យោងតាមភ្នាក់ងារសារព័ត៌មានក្នុងស្រុកប្រចាំខណ្ឌពោធិ៍ជ័យបានឲ្យដឹងថា នៅព្រឹកថ្ងៃទី១៥  ខែវិច្ឆិកា ឆ្នាំ២០១៨នេះ មានហ្វូងសត្វគោ ចាប់ពី២ក្បាល ឬច្រើនជាងនេះទៀត តែងតែដើរ ដោយសេរី ទាំងយប់ទាំងថ្ងៃ តាមផ្លូវ ឡើងសួនស្មៅ តាមផ្លូវជាតិលេខ៤ សួនផ្លូវទំនប់កប់ស្រូវ ដើរ ដេក សុី ស្មៅ និងជុះលាមកច៍លើសួន ខណៈដែលសាលារាជធានីភ្នំពេញ ដាំលម្អសួនច្បារ ហើយអាជ្ញាធរមូលដ្ឋានមើលពុំបានដិតដល់ បណ្តោយឲ្យហ្វូងគោ លុកលុយក្នុងសួនច្បារដោយសេរី ។      តាមពលរដ្ឋ បានឲ្យដឹងថា សួនច្បារ ស្មៅ តាមផ្លូវជាតិលេខ៤ ត្រង់ចំណុចភូមិថ្នល់បំបែក សង្កាត់ចោមចៅ៣ ខណ្ឌពោធិសែនជ័យ ទាំងថ្ងៃយប់ ឃើញតែហ្វូងគោ ដើរ ដេក សុី ស្មៅលើសួនច្បារ ។     ប្រជាពលរដ្ឋបន្តទៀតថា កន្លងមកឃើញ សាលាខណ្ឌ សាលាសង្កាត់ បានចាត់វិធានការ ហ្វូងគោទំនើងទាំងនោះ ដោយចាប់រក្សាទុកដើម្បីហៅម្ចាស់មកអប់រំ តែមួយរយៈពេលនេះ មិនដឹងថាខាងអាជ្ញាធរ ជាប់រវល់ ឬ បើចាប់ទៅអត់មានកន្លែងទុកដាក់យ៉ាងណានោះទេ…

ព្រះករុណាព្រះមហាក្សត្រខ្មែរសម្តេចព្រះនរោត្តមសីហមុនី បានចេញព្រះរាជត្រាស់បង្គាប់ការផ្លាស់ប្តូរអភិបាល ខេត្តឧត្តរមានជ័យ លោក ស ថាវី។ យោងតាមព្រះរាជក្រិត្យចុះថ្ងៃ១២វិច្ឆិកាឆ្នាំ២០១៨ លោកស ថាវី ឋានន្តរ ស័ក្តិឧត្តមមន្ត្រីថ្នាក់លេខ១ ត្រូវផ្ទេរពីអភិបាលខេត្តឧត្តរមានជ័យអោយមកបម្រើការងារនៅទីស្តីការក្រ សួងមហា ផ្ទៃ។ ព្រះរាជក្រិត្យដដែល បានត្រាស់បង្គាប់តែងតាំងលោកប៉ែនកុសល្យឋានន្តរស័ក្តិឧត្តមមន្ត្រីថ្នាក់លេខមួយ ជាអភិបាលនៃគណៈអភិបាលខេត្តឧត្តរមានជ័យជំនួសលោកស ថាវី ។

  បុគ្គលិកខ្មែរ៤នាក់ដែលបំរើកិច្ចការអោយអង្គការសហប្រជាជាតិ បានរងរបួសក្នុងហេតុការណ៍បំផ្ទុះគ្រាប់បែក អត្តឃាតនៃក្រុមភេរវកម្មក្នុងប្រទេសម៉ាលី។ ពលរដ្ឋខ្មែរទាំង៤ ដែលបំរើការងារឱយអង្គការសហប្រជាជាតិ នៃ សកម្មភាពមីន ឈ្មោះUNMAS ត្រូវគេបញ្ជាក់ថាមិនមែនជាកងកម្លាំងមួកខៀវនោះទេ។

អាស៊ាន បានជួបប្រជុំជាមួយនឹងដៃគូសំខាន់៣នៅថ្ងៃនេះ ដែលបានផ្តោតលើវិស័យកិច្ចសហប្រតិបត្តិការខាង ពាណិជ្ជកម្ម និងចក្ខុវិស័យនយោបាយក្នុងតំបន់និងពិភពលោកផងដែរ។ សម្តេចនាយករដ្ឋមន្ត្រីនៃប្រទេសកម្ពុជា បានឡើងថ្លែងបទអន្តរាគមន៍ក្នុងកិច្ចប្រជុំកំពូលទាំង៣រវាងអាស៊ានអូស្ត្រាលី…អាស៊ានចិន និងអាស៊ានកូរេខាង ត្បូង។