ដើម្បីធានាការផ្គត់ផ្គង់ថាមពលអគ្គិសនីសម្រាប់ដំណើររោងចក្រសំខាន់ៗដែលគ្រោងបង្កើតឡើងនៅក្នុងស្រុកស្ទឹងហាវជាបន្តបន្ទាប់នោះ ក្រុមហ៊ុនអ៊ីប៉ីជានទៀន បានសម្រេចបង្កើតរោងចក្រផលិតថាមពលអគ្គិសនីដើរដោយធ្យូងថ្មមួយ ដែលអាចផលិតថាមពលបានរហូតដល់ទៅ១២០០មេហ្គាវាត់ ដែលគ្រោងបញ្ចប់ការសាងសង់ទាំងស្រុង និងអាចផ្គត់ផ្គង់ថាមពលអគ្គិសនីបាននៅឆ្នាំ២០២០។

ព្រឹត្តិការណ៍ «ពិព័រណ៍ផលិតផលខ្មែរ និងផលិតផលនាំចេញ-នាំចូលកម្ពុជាលើកទី១៣» កម្រិតអន្តរជាតិ ដែលគ្រោងនឹងរៀបចំចាប់ពីថ្ងៃទី៨ ដល់ទី១១ ធ្នូ ឆ្នាំ២០១៨ នៅមជ្ឈមណ្ឌលពិព័រណ៍កោះពេជ្រ រាជធានីភ្នំពេញ។ ការស្នើនោះ ធ្វើឡើងក្នុងជំនួបរវាងរដ្ឋលេខាធិការក្រសួងពាណិជ្ជកម្ម លោកស្រី តឹករ៉េត កំរង និងប្រតិភូសហភាពអារ៉ាប់រួម ដឹកនាំដោយនាយកប្រតិបត្តិរង នៃការិយាល័យនាំចេញឌុយបៃ ប្រទេសសហភាពអារ៉ាប់រួម លោក Mohammad Ali Al Kamali នៅថ្ងៃទី១៥វិច្ឆិកា ឆ្នាំ២០១៨ នៅទីស្តីការក្រសួងពាណិជ្ជកម្ម។

នៅរសៀលថ្ងៃ១៥វិច្ឆិកានេះ រដ្ឋមន្រ្តីក្រសួងកសិកម្មលោក វេង សាខុន បានអញ្ជើញមកពិនិត្យសហគ្រាសកែច្នៃផលិតផលស្វាយរបស់ ក្រុមហ៊ុន LBN Agriculture ដែលមានទីតាំងនៅស្រុកមេមុត ខេត្តត្បូងឃ្មុំ។ អ្នកចាត់ការទូទៅរបស់ក្រុមហ៊ុននោះ បានឲ្យដឹងថាក្រុមហ៊ុន LBN Agriculture បានចាប់ដំណើរការកាលពីខែឧសភា ឆ្នាំ២០១៨ ដាក់ទុន វិនិយោគប្រមាណជាង២លានដុល្លារ មានសមត្ថភាពកែច្នៃផ្លែស្វាយជាផលិតផល ស្វាយស្ងួតបានចំនួន ៣០០តោនក្នុងមួយខែ ហើយជាមធ្យមក្នុង១ថ្ងៃក្រុមហ៊ុន ប្រមូលទិញផ្លែស្វាយកែវរមៀតពីកសិករស្ថិតក្នុងខេត្តកំពង់ចាម និងត្បូងឃ្មុំប្រមាណពី៦០ទៅ១០០តោន ដោយតម្លៃពី១ពាន់២០០រៀលទៅ១ពាន់៦០០រៀល ក្នុងមួយគីឡូក្រាម។

ឧត្តមសេនីយ៍ឯកហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក អញ្ជើញបើកវគ្គហ្វឹកហ្វឺនបណ្តុះបណ្តាល ជំនាញឆត្រយោងជំនាន់ទី២៥ និងបិទវគ្គហ្វឹកហ្វឺនបំប៉នជំនាញអាវុធB40-B41 អាវុធការពារអាកាសជំនាន់ទី២ នៅព្រឹកថ្ងៃទី១៥វិច្ឆិកានេះ នៅទីបញ្ជាការដ្ឋានទ័ពពិសេសឆ័ត្រយោងលេខ៩១១ ក្នុងខណ្ឌពោធិ៍សែនជ័យ រាជធានីភ្នំពេញ។ ក្នុងពិធីនោះ ក៏បានដាក់សម្ពោធដាក់ឲ្យប្រើប្រាស់ជាផ្លូវការសំណង់បច្ចេកទេសហ្វឹកហ្វឺនជំនាញឆ័ត្រយោង ផងដែរ។

ព្រះវិហារ៖ អង្គកឋិនទានសាមគ្គីដែលផ្តួចផ្តើមដោយឯកឧត្តម ស្រី ឌឹក និងលោកជំទាវ បានប្រារព្ធធ្វើឡើងនារសៀលថ្ងៃទី១៤ ខែវិច្ឆិកា ឆ្នាំ២០១៨ នៅក្នុងគេហដ្ឋានឯកឧត្តម ស៊ុម ប៊ុនធឿន និងលោកជំទាវ ក្រោមការអញ្ជើញជាអធិបតីពីសំណាក់ឯកឧត្តម វ៉ា សឿន នាយរងសេនាធិការចម្រុះ និងលោកជំទាវ តំណាងដ៏ខ្ពង់ខ្ពស់ឯកឧត្តម ស្រី ឌឹក និងលោកជំទាវ ដើម្បីដង្ហែទៅវេរប្រគេនដល់ព្រះភិក្ខុសង្ឃគង់ចាំព្រះវស្សា ក្នុងពុទ្ធសីមា វត្តឃោសិតារាម (ហៅវត្តពាក់ស្បែក) ស្ថិតក្នុងភូមិពាក់ស្បែក ឃុំរំដោះស្រែ ស្រុកជាំក្សាន្ត ខេត្តព្រះវិហារ។

ភ្នំពេញ៖ ក្រុមហ៊ុនឆ្នោតសំណាងអាស៊ី (Asian Welfare Lotteries Co.,Ltd ) បើកសម្ពោធសាខាដំបូងរបស់ខ្លួនជាផ្លូវការ ដែលមានទីតាំងស្ថិតនៅផ្ទះលេខ 14A ផ្លូវទួលពង្រ ភូមិត្រពាំងរំចេក សង្កាត់ចោមចៅ១ ខណ្ឌពោធិ៍សែនជ័យ ដែលពិធីនេះ រៀបចំឡើងរយៈពេល៣ថ្ងៃ គឺនៅថ្ងៃ១៤ ១៥ និង១៦ ខែវិច្ឆិកា ឆ្នាំ២០១៨នេះ ព្រមជាមួយការផ្តល់ឱកាសឱ្យអ្នកចូលរួមក្នុងកម្មវិធីនេះទាំងអស់ ឈ្នះរង្វាន់យ៉ាងច្រើនសន្ធឹកសន្ធាប់ផងដែរ។

ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នាទីស្តីការក្រសួង នាព្រឹកថ្ងៃទី១៤ ខែវិច្ឆិកា ឆ្នាំ២០១៨ បានទទួលជួបឯកឧត្តម  William Heidt  ឯកអគ្គរដ្ឋទូតសហរដ្ឋអាម៉េរិកប្រចាំព្រះរាជាណាចក្រកម្ពុជា និងសហការីក្នុងគោលបំណងដើម្បីជម្រាបលាបន្ទាប់ពីឯកឧត្តមឯកអគ្គរដ្ឋទូតបានបញ្ចប់បេសកកម្មការទូតនៅព្រះរាជាណាចក្រកម្ពុជា។​ ឯកឧត្តម William Heidt បានថ្លែងអំណរគុណយ៉ាងជ្រាលជ្រៅជូនចំពោះឯកឧត្តមរដ្ឋមន្រ្តី និងសហការី ដែលបានផ្តល់កិច្ចសហការគ្រប់បែបយ៉ាងបានល្អប្រសើរលើការងារអនុវត្តគម្រោងនានាដែលទាក់ទង នឹងវិស័យកសិកម្មនាពេលកន្លងមក។