ថ្លែងក្នុងកិច្ចប្រជុំត្រួតពិនិត្យលទ្ធផលអនុវត្តគោលនយោបាយភូមិ-ឃុំមានសុវត្ថិភាព រយៈពេល៩ខែឆ្នាំ២០១៨ នៃរដ្ឋបាលឯកភាពខេត្តបាត់ដំបង កាលពីព្រឹកថ្ងៃទី១៥ ខែវិច្ឆិកានេះ ឯកឧត្តម ងួន រតនៈ អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពខេត្តបាត់ដំបង បានលើកឡើងថា ក្នុងនាមជាប្រធានអនុគណៈកម្មាធិការសុវត្ថិភាពចរាចរណ៍ផ្លូវគោក ខេត្តបាត់ដំបង ឯកឧត្តមនឹងមានវិធានការរឹតបន្តឹងម៉ឺងម៉ាត់បន្ថែមទៀត ពីអ្វីបានអនុវត្តកន្លងមកដែលទាក់ទិនក្នុងការត្រួតពិនិត្យទៅលើអ្នកបើកបររថយន្តធុនធ្ងន់ ដែលកន្លងមកនេះ យើងបានអនុវត្តរួចមកហើយដូចជា ការចុះកាត់ទ្រុងឡានដែលខុសបទដ្ឋានបច្ចេកទេស ការបើកបរដោយគ្រឿងស្រវឹង និងមិនគោរពច្បាប់ចរាចរណ៍ជាដើម។

ភ្នំពេញ៖ រឿងដែលជាភាពមិនប្រក្រតីរបស់ក្រុមហ៊ុនស៊ីភី (ថៃ) ដែលដាក់វិនិយោគនៅរាជធានីភ្នំពេញ លើការកាប់ជ្រូក និងវិនិយោគដៃគូជាមួយនឹងអាជីវករសត្តឃាតជ្រូកចែកចាយត្រូវរកដំណោះស្រាយ និងជួបពិភាក្សាល្ងាចថ្ងៃទី១៥ ខែវិច្ឆិកា ឆ្នាំ២០១៨ម្សិលមិញ នៅសណ្ឋាគារកុងទីណង់តាល់ដោយមានការចូលរួមសម្របសម្រួលពីលោក ភោគ យី ប្រធានសម្របសម្រួល និងលោក យ៉ាន់ ពៅ ប្រធានការិយាល័យកសិកម្ម និងបសុពេទ្យរាជធានីភ្នំពេញ ហើយខាងតំណាងក្រុមហ៊ុនស៊ីភីកម្ពុជាគឺលោក សុផាត ចាន់វង្សជា ជនជាតិថៃ ព្រមទាំងតំណាងអាជីវករចែកចាយ ជីវករសត្តឃាតជាច្រើននាក់ សួរនិងឆ្លើយតាមការសំណូមពររបស់អាជីវករថា ត្រូវបញ្ឈប់ជាបន្ទាន់នូវការកាប់ជ្រូក។ ក្រុមអាជីវករបានចោទសួរចំនួនបីចំណុចធំៗសំខាន់ៗ ដាក់ជូនក្រុមហ៊ុនស៊ីភី ដែលទទួលសិទ្ធិកាប់ជ្រូកឲ្យធ្វើការកែសម្រួលបញ្ឈប់ជាបន្ទាន់នូវការកាប់ជ្រូកដោយខ្លួនឯងធ្វើឲ្យខាតបង់ដល់អាជីវករលក់ដែលរកប្រាក់ចំណេញគ្មាន។​ ពាក់ព័ន្ធបញ្ហានេះដែរ លោកស្រី ហាវ ឈួយវង ម្ចាស់អាជីវកម្មមួយរូបបានលើកឡើងថា ក្រុមហ៊ុនស៊ីភីត្រូវបញ្ឈប់ជាបន្ទាន់នូវបីទី១គឺចំណុច ឈប់កាប់ជ្រូកយកសាច់ហើយ ទី២ការបោះទិសប៉ាយសាច់ឲ្យមានសភាពសមរម្យ និងត្រូវបង្អត់ចំណីជ្រូកឲ្យបាន១០ទៅ១២ម៉ោងនៅមុនពេលថ្លឹង ហើយ ពិសេសជញ្ជីងត្រូវធ្វើកុំឲ្យស៊ីពេក។

ឯកឧត្តម នេត្រ ភក្ត្រា ប្រធានផ្នែកកិច្ច​ការសាធារណៈ និងជាមន្ត្រីនាំពាក្យ នៃសាលាក្តីខ្មែរក្រហម មានប្រសាសន៍នៅក្នុងទំព័រហ្វេសបុករបស់លោកថា ក្នុងសបា្តហ៍នេះ ខ្ញុំបាទមានឱកាសបានមកអុជធូបរំឭកវិញ្ញាណក្ខន្ធសម្តេចវិបុលបញ្ញា សុខ អាន អតីតឧបនាយករដ្ឋមន្ត្រី និងជាអតីតប្រធានក្រុមការងាររបស់រាជរដ្ឋាភិបាលកម្ពុជាទទួលបន្ទុកសាលាក្តីខ្មែរក្រហមដើម្បីជម្រាបជូនដល់វិញ្ញាណក្ខន្ធសម្តេច ពីការប្រកាសសាលក្រមដែលអង្គជំនុំជម្រះសាលាដំបូងនឹងធ្វើនៅថ្ងៃទី១៦ ខែវិច្ឆិកា។

ការប្រកួតកីឡាតេក្វាន់ដូ ITF ជ្រើសរើសជើងឯកថ្នាលយុវជនដណ្តើមពានរង្វាន់ ភេសជ្ជៈ ស្ពនស័រ ប្រចាំឆ្នាំ២០១៨ នឹងត្រូវដំណើរពីថ្ងៃសុក្រស្អែកនេះ រហូតដល់ខែ១៨ខែវិច្ឆិកា ឆ្នាំ២០១៨ នៅ ពហុកីឡដ្ឋានជាតិអូឡាំពិក។

អភិបាលថ្មីខេត្តត្បូងឃ្មុំ លោកជាម ច័ន្ទសោភ័ណ្ឌ បានឡើងកាន់តំណែងនៅថ្ងៃទី១៥វិច្ឆិកានេះក្នុងពិធីមួយដែល អញ្ជើញចូលរួមដោយសម្តេចក្រឡាហោមសខេង។ សម្តេចក្រឡាសខេង បានមានប្រសាសន៍ណែនាំដល់ អភិ បាលខេត្តថ្មី ត្រូវបន្តការងារស្នាដៃសមិទ្ធផលររបស់ អភិបាលខេត្តចាស់ ដោយចៀសវាងនូវការលុបបំបាត់ ចោល ។ លោកជាម ច័ន្ទសោភ័ណ្ឌ ត្រូវ ព្រះមហាក្សត្រ បានចេញព្រះរាជក្រិត្យត្រាស់បង្គាប់តែងតាំងអភិបាលថ្មីខេត្ត ត្បូង ឃ្មុំដើម្បីជំនួសអភិបាលចាស់ លោកលីឡេង។ ចំណែកលោក លី ឡេង ត្រូវបានតែងតាំងមុខតំណែងថ្មីជា នាយកខុទ្ទកាល័យ ឯកឧត្តម ស៊ឹម កា ដែលជាអនុប្រធានទី១ ព្រឹទ្ធសភា។ អភិបាលថ្មីខេត្តត្បូងឃ្មុំ លោកជាម ច័ន្ទសោភ័ណ្ឌ បានឡើងធ្វើការប្តេជ្ញាចិត្តក្នុងការដឹកនាំខេត្តអោយទទួលបានជោគជ័យ ។ សម្ដេចក្រឡាហោម ស ខេង ក្នុងពិធី ប្រកាសតំណែងអភិបាលថ្មីខេត្តត្បូងឃ្មុំនេះផងដែរ បានណែនាំដល់ថ្នាក់ ដឹកនាំខេត្តថ្មីត្រូវគោរពច្បាប់ និងនិតិ វិធីនានា ក្នុងការបំពេញតួនាទីភារកិច្ចរបស់ខ្លួន ជាមួយនឹងការខិតខំរក្សា សន្តិសុខ សុវត្ថិភាពជូនប្រជាជន ការផ្សព្វផ្សាយអប់រំអំពីច្បាប់ចរាចរណ៍ ការលុបបំបាត់ល្បែងស៊ីសងខុសច្បាប់ គ្រប់ប្រភេទ…