មណ្ឌលគិរី៖ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានដឹកនាំសមាជិកសមាជិកា មន្ត្រីបុគ្គលិកកាកបាទក្រហមកម្ពុជា អមដំណើរដោយឯកឧត្តម ឧកញ៉ា អ៊ឹង ស៊ីតាតវិរៈ ជំនួយការផ្ទាល់សម្តេចកិត្តិព្រឹទ្ធបណ្ឌិត និងជាប្រធានកិត្តិយសសាខាកាកបាទក្រហមកម្ពុជាខេត្ត ឯកឧត្តម ស្វាយ សំអ៊ាង ប្រធានគណៈកម្មាធិការសាខាកាកបាទក្រហមកម្ពុជាខេត្ត អញ្ជើញជួបសំណេះសំណាលសាកសួរសុខទុក្ខ និងផ្តល់អំណោយមនុស្សធម៌កាកបាទក្រហមកម្ពុជាជូនប្រជាពលរដ្ឋ ចាស់ជរាគ្មានទីពឹង ស្ដ្រីមេម៉ាយកូនច្រើន កុមារកំព្រា ជនពិការ និងអ្នកកើតជំងឺ ឬអ្នកផ្ទុកមេរោគអេដស៍ចំនួន១,៣៥៨គ្រួសារ ដែលមកពីឃុំចំនួន៣ ក្នុងស្រុកកែវសីមា។

ដើម្បីចូលរួមអបអរសាទរក្នុងពិធីបុណ្យអុំទូក បណ្តែតប្រទីប អកអំបុក និងសំពះព្រខែ ខាងមុខនេះ អ្នកតំណាងរាស្រ្តមណ្ឌលខេត្តកណ្តាល និងជាប្រធានក្រុមគណៈអចិន្ត្រៃយ៍ចុះជួយស្រុកកៀនស្វាយ ឯកឧត្តមសន្តិបណ្ឌិត ឌុល គឿន បានអញ្ជើញចូលរួមនៅក្នុងពិធីក្រុងពាលីទូក-ង នៅវត្តស្លាកែត ឃុំ គគីរ ស្រុកកៀនស្វាយ ខេត្តកណ្តាល នាព្រឹក ថ្ងៃទី១៤ ខែវិច្ឆិកា ឆ្នាំ២០១៨នេះ។

ព្រះវិហារ៖ នាព្រឹកថ្ងៃទី១៤ ខែវិច្ឆិកា ឆ្នាំ២០១៨ បច្ច័យប្រមាណជាង៨៣លានរៀល ដែលបានមកពីអង្គកឋិនទានសាមគ្គីរបស់ប្រធានអាជ្ញាធរជាតិព្រះវិហារ និងលោកជំទាវ រួមជាមួយថ្នាក់ដឹកនាំ មន្ដ្រីរាជការគ្រប់លំដាប់ថ្នាក់នៃអាជ្ញាធរជាតិព្រះវិហារ អាជ្ញាធរមូលដ្ឋាន លោកគ្រូអ្នកគ្រូ សិស្សានុសិស្ស ព្រមទាំងពុទ្ធបរិស័ទ្ធចំណុះជើងវត្ត ដើម្បីដង្ហែទៅវេប្រគេនដល់ព្រះសង្ឃគង់ចាំព្រះវស្សា អស់ត្រីមាសក្នុងពុទ្ធសីមាវត្តមរតកតេជោបុរីស្វរៈហៅ វត្តធម្មជាតិ ស្ថិតនៅក្នុងភូមិធម្មជាតិសម្តេចតេជោ ឃុំស្រអែម ស្រុកជាំក្សាន្ត ខេត្តព្រះវិហារ។ ក្រោមការផ្ដួចផ្ដើមឡើងក្នុងនាមសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈឯកឧត្តមនាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង និងលោកជំទាវ ប៉ែន ចន្នី។

នៅទីស្តីការក្រសួង នារសៀលថ្ងៃទី១៣ ខែវិច្ឆិកា ឆ្នាំ២០១៨ម្សិលមិញ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអនុញ្ញាឲ្យលោក ជំាង ហ្វេង សាង Jaing Feng Zhang នាយកផ្នែកកសិកម្ម និងបរិស្ថាននៃអាស៊ីបូព៌ារបស់ធនាគារអភិវឌ្ឍន៍អាស៊ី (ADB) ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងស្នើសុំការណែនាំនៅលើចំណុចសំខាន់ៗមួយចំនួន ដើម្បីធ្វើជាមូលដ្ឋានក្នុងការកសាងគម្រោងផែនការដល់ការអភិវឌ្ឍវិស័យកសិកម្ម និងអភិវឌ្ឍន៍ជនបទនៅកម្ពុជា ពីឆ្នាំ២០១៩ ដល់ឆ្នាំ២០៣០។ តាមរយៈលទ្ធផលនៃការពិភាក្សាផ្លាស់ប្តូរយោបល់ ភាគីទាំងពីរបានឯកភាពគ្នាជាគោលការណ៍ដូចតទៅ៖ ទី១)ការធ្វើការអភិវឌ្ឍវិស័យកសិកម្ម និងសន្តិសុខស្បៀង នៅកម្ពុជាប្រកបដោយបរិយាប័ន ដោយស្របតាមយុទ្ធសាស្ត្រចតុកោណដំណាក់ទី៤របស់រាជរដ្ឋាភិបាល នីតិកាលទី៦ នៃរដ្ឋសភា។ ទី២)ការអភិវឌ្ឍវិស័យកសិកម្ម ត្រូវធ្វើឡើងទៅតាមលទ្ធភាព និងសក្តានុភាពនៃគុណភាពដី និងទឹក ហើយនឹងប្រភេទដំណាំរួមជាមួយនឹងការកសាងហេដ្ឋារចនាសម្ព័ន្ធគាំទ្រឲ្យបានប្រាកដប្រជា គ្រប់គ្រាន់បម្រើដល់ការផលិត។ ទី៣)ការកសាងភាពជាដៃគូរវាងវិស័យឯកជនជាមួយកសិករ តាមរយៈការធ្វើកសិកម្មតាមកិច្ចសន្យា។ ទី៤)ការធ្វើទំនើបកម្មកសិកម្ម តាមរយៈការបញ្ចូលនូវបច្ចេកវិទ្យាថ្មីនៃការដាំដុះ ការគ្រប់គ្រងដំណាំ និងការធ្វើយន្តូបនីយកម្មកសិកម្ម។ ទី៥)វិធានទប់ស្កាត់នូវសត្វចង្រៃ និងជំងឺឆ្លង ទាំងរុក្ខាជាតិ និងសត្វ។ ទី៦)ការគាំទ្រដល់ការស្រាវជ្រាវេពូជស្រូវ និងដំណាំ ការបន្សុតពូជ និងការគ្រប់គ្រងឆ្លើយតបទៅនឹងតម្រូវការទីផ្សារ។…