ក្នុងជំនួបពិភាក្សា និងជម្រាបលាសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តី ក្រសួង មហាផ្ទៃ នា រសៀល ថ្ងៃទី១៤ ខែវិច្ឆិកា ឆ្នាំ ២០១៨ នៅ ទីស្តីការក្រសួង លោក William A. Heidt ឯកអគ្គរដ្ឋទូតសហរដ្ឋអាម៉េរិកប្រចាំកម្ពុជា បានថ្លែងបញ្ជាក់ថា លោកបានស្នើសុំឱ្យរដ្ឋាភិបាលរបស់ លោកពិនិត្យលទ្ធភាពសម្រួល ឬក៏ដកចេញនូវទណ្ឌកម្មទិដ្ឋាការមកលើមន្ត្រីរដ្ឋាភិបាលកម្ពុជាមួយចំនួន។ លោកឯកអគ្គរដ្ឋទូតបន្តថា បើទោះបីជា លោកនៅមិនទាន់ទទួលបានការ ឆ្លើយតបពីខាងអន្តោប្រវេសន៍សហរដ្ឋអាម៉េរិកក៏ដោយ ក៏លោកនៅតែយកបញ្ហានេះ ទៅជជែក ជាមួយខាងរដ្ឋាភិបាលអាម៉េរិកជាបន្តទៀតដែរ នៅពេលដែលលោកត្រឡប់ទៅកាន់ប្រទេសខ្លួនវិញ។ ជាការឆ្លើយតប សម្តេចក្រឡាហោម ស ខេង បានថ្លែងថា ប្រសិនបើសហរដ្ឋអាម៉េរិកលុបចោលនូវបម្រាមទិដ្ឋាការនោះបាន សម្តេចចាត់ទុកថា នេះ គឺជាអំណោយមួយសម្រាប់កម្ពុជា ដែលខិតខំក្នុងការអនុវត្តនូវកិច្ចព្រមព្រៀងនេះ ក៏ដូចជា កាដូមួយក្នុងការលើកកម្ពស់ទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ។ គួរកត់សម្គាល់ថា កាលពីខែតុលា ឆ្នាំ២០១៨កន្លងទៅ សម្តេចនាយករដ្ឋមន្ត្រី ហ៊ុន សែន បាន យល់ព្រម បន្តប្រតិបត្តិការឡើងវិញ…

រដ្ឋសភានៃព្រះរាជាណាចក្រកម្ពុជា បានបន្តសម័យប្រជុំរដ្ឋសភាលើកទី១ នីតិកាលទី៦ នាព្រឹកថ្ងៃព្រហស្បតិ៍ត ទី១៥ ខែវិច្ឆិកា ឆ្នាំ២០១៨នេះ ដើម្បីពិភាក្សា និងអនុម័តសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០១៩ និងសេចក្តីព្រាងច្បាប់ស្តីពីការទូទាត់ថវិការបស់រដ្ឋសម្រាប់ការគ្រប់គ្រងឆ្នាំ២០១៧។

ភ្នំពេញ៖ អភិបាលរាជធានីភ្នំពេញ លោក ឃួង ស្រេង បានអំពាវនាវដល់ម្ចាស់អាជីវករដឹកទំនិញ ដែលប្រើប្រាស់រថយន្ដធំៗ ធ្វើដំណើរចូលរាជធានីភ្នំពេញ នៅថ្ងៃដែលរៀបចំព្រះរាជពិធីបុណ្យអុំទូក អកអំបុក បណ្តែតប្រទីព និងសំពះព្រះខែ ដែលនឹងប្រព្រឹត្ដទៅពីថ្ងៃទី២១-២៣ ខែវិច្ឆិកា ឆ្នាំ២០១៨ ខាងមុខនេះ ហើយសម្រាប់អ្នកដែលមកកម្សាន្ដ ក៏កុំជិះរថយន្ដចូលទៅបរិវេណទីតាំងប្រារព្ធពិធីផងដែរ ព្រោះចៀសវាងការកកស្ទះចរាចរណ៍។

ភ្នំពេញ៖ នៅវេលាម៉ោង៨ និង៣០នាទីយប់ថ្ងៃទី១៤  ខែវិច្ឆិកា ឆ្នាំ២០១៨ម្សិលមិញ ប៉ុស្តិ៍រដ្ឋបាលភ្នំពេញថ្មី សហការជាមួយកម្លាំងគណៈបញ្ជាកការឯកភាពខណ្ឌសែនសុខ បានដាក់គោលដៅត្រួតពិនិត្យអាវុធជាតិផ្ទុះ និងបានឃាត់ខ្លួនជនសង្ស័យ៦នាក់ នៅចំណុចតាម១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ករណីរក្សាទុក និងប្រើប្រាស់ដោយខុសច្បាប់នូវសារធាតុញៀន។

ភ្នំពេញ៖ រថយន្តសេរីទំនើបមួយគ្រឿងទំនងជាអ្នកបើកបរក្នុងស្ថានភាពស្រវឹង ក្នុងល្បឿនលឿនបានជ្រុលទៅបុកម៉ូតូកង់បីឥណ្ឌា និងខ្ទាតទៅបុករថយន្តមួយគ្រឿងទៀតដែលចតនៅចំញ្ចើមផ្លូវ បណ្ដាលឲ្យរងការខូចខាតយ៉ាងដំណំ ឯម្ចាស់ម៉ូតូកង់បីឥណ្ឌារងរបួសធ្ងន់ កាលពីវេលាម៉ោង១២ និង១០នាទីរំលងអាធ្រាត្រឈានចូលថ្ងៃទី១៥ ខែវិច្ចកា ឆ្នាំ២០១៨ តាមបណ្ដោយផ្លូវលេខ៣១០ ទល់មុខហាង zear  ស្ថិតក្នុងសង្កាត់បឹងកេងកងទី៣ ខណ្ឌចំការមន រាជធានីភ្នំពេញ។

កំពង់ឆ្នាំង:នៅរសៀលថ្ងៃទី១៤ ខែវិច្ចកា ឆ្នាំ២០១៨ជនដៃដល់ចំនួន៨នាក់ ក្នុងចំណោម១១នាក់ នោះដែលតែងតែគប់កញ្ចក់រថយន្តរបស់ប្រជាពលរដ្ឋនៅតាមផ្លូវជាតិលេខ៥ នាពេលយប់ក្នុងភូមិសាស្រ្តរលាប្អៀរ និងស្រុកបរីបូណ៍ខេត្តកំពង់ឆ្នាំងនោះ ត្រូវបានកម្លាំងនគរបាល បើកការស្រាវជ្រាវរហូតតាមចាប់ខ្លួនបាន និងកំពុងកសាងសំណុំរឿងបញ្ជូនខ្លួនទៅកាន់តុលាការខេត្ត។

នៅរដ្ឋបាលសាលាខេត្តសៀមរាប ក្រោមអធិបតីភាពរបស់ឯកឧត្តមបណ្ឌិត ឃឹម ប៊ុនសុង អភិបាលនៃគណៈអភិបាលខេត្តសៀមរាប និង ឯកឧត្តម អ៊ឹង ហឿន ប្រធានក្រុមប្រឹក្សាខេត្ត    ។ បន្ទាប់ពីគណៈអធិបតីប្រគល់អនុក្រឹត្យ ព្រមទាំងការប្តេជ្ញាចិត្តរបស់លោកនាយករដ្ឋបាលសាលាខេត្ត ដែលទើបទទួលបានការតែងតាំងថ្មីរួចមក  ឯកឧត្តមបណ្ឌិត ឃឹម ប៊ុនសុង មានប្រសាសន៍ថា តាមច្បាប់ក្រឹត្យក្រមរបស់មន្ត្រីរាជការគ្រប់រូប ជាគណៈអភិបាលខេត្ត ក្រុង ស្រុក ដែលបានបម្រើការងារគ្រប់ អាណត្តិរបស់ខ្លួន ឬ ក៏បានគ្រប់អាយុបំពេញការងារ គឺត្រូវចូលនិវត្តន៍ មិនថាថ្នាក់ដឹកនាំ មន្ត្រី បុគ្គលិកឡើយ។ 

 ពិធីនោះ រៀបចំឡើងនៅសណ្ឋាគារឯកជនមួយ នាទីក្រុងសេអ៊ូលប្រទេសកូរ៉េ ក្រោមវត្តមានឯកអគ្គរាជទូកម្ពុជាប្រចាំប្រទេសកូរ៉េខាងត្បូង លោកឡុង ឌីម៉ង់ និងមានភ្ញៀវចូលរួមពីប្រជាពលរដ្ឋខ្មែរ និស្សិត តំណាងកម្មករ និងតំណាងទូតប្រទេសនានា តំណាងអ្នកវិនិយោគមួយចំនួនចូលរួមផងដែរ។ ខួបអនុស្សាវរីយ៍លើកទី៦៥ នៃទិវាបុណ្យឯករាជ្យជាតិ៩ វិច្ឆិកាឆ្នាំ១៩៥៣ បានប្រារពញធឡើងនៅប្រទេសកម្ពុជា តាំងពីចុងសប្ដាហ៏មុនម្លេះ ប៉ុន្តែទើបតែបាន ប្រារព្ធឡើង នៅប្រទេសកូរ៉េ នាថ្ងៃ១៤វិច្ឆិកានេះ។

បន្ទាយមានជ័យ៖ នៅថ្ងៃពុធ ៧កើត ខែកត្តិក ឆ្នាំច សំរឹទ្ធិស័ក ពស២៥៦២ ត្រូវនឹងថ្ងៃទី១៤ ខែវិច្ឆិកា ឆ្នាំ២០១៨ សាខាកាំកុងត្រូលខេត្តបន្ទាយមានជ័យ ដឹកនាំដោយលោក សាន វិជ្ជាសារ៉ាវុធ ប្រធានសាខាកាំកុងត្រូលខេត្ត ព្រមទាំងមន្ត្រីស្ថាប័នពាក់ព័ន្ធបានចុះ អង្កេតទីផ្សារ ត្រួតពិនិត្យគុណភាព សុវត្ថិភាពម្ហូបអាហារ តាមគេហដ្ឋានតាំងលក់ទំនិញឋិតនៅចំណុចភូមិទំនប់ក៥ ភូមិទួលប្រាសាទ សង្កាត់ប៉ោយប៉ែត និង ភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត ដោយបានរកឃើញទំនិញខូចគុណភាព ទំនិញហាមឃាត់មិនឲ្យចរាចរណ៍លើទីផ្សារ និងទំនិញហួសកាលបរិច្ឆេទ សរុបប្រមាណ ២៦,៦គក្រ ត្រូវសម្រេចដកហូតដើម្បីទុកយកទៅកម្ទេចចោល។ ក្នុងនោះដែរមន្ត្រីជំនាញបានធ្វើតេស្តបឋមលើផលិតផល ដូចជា នំស្លឹកស្រស់ នំបត់ និងណែម ជាលទ្ធផលពុំមានរកឃើញសារធាតុគីមីហាមឃាត់ក្នុងផលិតផលទាំងនោះឡើយ៕ ដោយគៀនច័ន្ទហ៊ីន!

នៅព្រឹកថ្ងៃទី១៤ ខែវិច្ឆិកា ឆ្នាំ២០១៨នេះ វេទិកាផ្សព្វផ្សាយ និងពិគ្រោះយោបល់ ត្រូវបានធ្វើឡើងដោយមានប្រជាពលរដ្ឋនៅក្រុងព្រះសីហនុ ចូលរួមប្រមាណជិត២០០នាក់។ វិទិកានេះ ប្រារព្ធឡើងដើម្បីពន្យល់ប្រជាពលរដ្ឋអំពីអ្វីដែលរដ្ឋបាលខេត្តព្រះសីហនុ សម្រេចបាននាពេលកន្លងមក ពន្យល់ប្រាប់ពលរដ្ឋអំពីចំណុចអាទិភាព ដែលរដ្ឋបាលខេត្តត្រូវធ្វើបន្ត និងប្រមូលកង្វល់ សំណូមពររបស់ប្រជាជន ក៏ដូចជាបញ្ហាប្រឈមនានាយកទៅប្រជុំពិភាក្សាគ្នាដោះស្រាយជូនប្រជាពលរដ្ឋវិញ។