ខេត្តកណ្តាល៖ បន្ទាប់ពីទឹកជនលិចលង់ដំណាំប្រជាពលរដ្ឋមន្ទីរធនធានទឹកឧតុនិយមអំពាវនាវដល់បងប្អូនដែលរស់នៅតាមមាត់ស្ទឹងនិងដងទន្លេប្រុងប្រយត្ន័ព្រោះសម្ពាធ ទឹកឡើងខ្ពស៖ ដោយសណ្ឋានភាពទឹកជំនន់ធ្លាក់ពីខេត្តកំពង់ស្ពឺឡើងខ្ពស់ លោកអភិបាលរងស្រុកកណ្ដាលស្ទឹងបានចុះពិនិត្យទឹកដែលលិចលង់ដំណាំ ប្រជាពលរដ្ឋនៅឃុំដើមឫសស្រុកកណ្តាលស្ទឹងខេត្តកណ្តាល នៅថ្ងៃទី២០ ខែកក្ដដា ឆ្នាំ២០១៨ ដើម្បីឲ្យបងប្អូនទ្រាមប្រុងប្រយត្ន័រក្សាទ្រព្យសម្បត្តិផ្ទាល់ខ្លួន។

(ភ្នំពេញ)៖ តំណាងឲ្យលោក ជា ពិសី សមាជិកក្រុមលេខាសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាអនុប្រធានគណបក្សប្រជាជនកម្ពុជាខណ្ឌ គឺលោក លីន ញ៉ក់ លោក ស៊ូ សោគន្ធ លោកស្រី សួស សូលីដា ដែលជាអភិបាលរងខណ្ឌ និងសមាជិកអចិន្ត្រៃគណបក្សខណ្ឌទាំង៣រូប រួមជាមួយមន្ត្រីសមាជិក សមាជិកាពាក់ព័ន្ធមួយចំនួន នៅរសៀលថ្ងៃទី២០ ខែកក្កដា ឆ្នាំ២០១៨នេះ នៅសាលាខណ្ឌឬស្សីកែវ បានទទួលជំនួយឧបត្ថម្ភនូវពូជចេកអំបូងលឿង ចំនួន៥០០ស្និត ស្មើនិង៥០កេស ពីក្រុមហ៊ុន Green Island ដែលមានទីតាំងចំការដាំចេក ស្ថិតនៅក្នុងភូមិស្រែស្បូវ ឃុំក្បាលដំរី ស្រុកសំបូរ ខេត្តក្រចេះ ដើម្បីផ្គត់ផ្គង់ជាអាហារសម្រន់បានមួយផ្នែក សម្រាប់សមាជិក សមាជិកា ក្នុងពេលដង្ហែក្បួនគណបក្សជាលើកទី៣ នៅពេញមួយថ្ងៃទី២២ ខែកក្កដា ឆ្នាំ២០១៨ ខានស្អែកនេះ។

អនុវត្តតាមច្បាប់ស្តីពីការបោះឆ្នោត និងគោលការណ៍របស់គណៈកម្មាធិការជាតិរៀបចំការបោះឆ្នោត គ្រប់គណបក្សនយោបាយទាំងអស់បានធ្វើសកម្មភាពស្វែងរកសំឡេងឆ្នោត ទៅតាមលទ្ធភាពរៀងៗខ្លួន ពុះពារសម្រេចឲ្យបាននូវការប្ដេជ្ញាចិត្ត យកឈ្នះ ក្នុងការបោះឆ្នោតជ្រើសរើស តំណាងរាស្ត្រ នីតិកាលទី៦ នៅថ្ងៃទី២៩ ខែកក្កដា ឆ្នាំ២០១៨ខាងមុខនេះ ។

ឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ប្រធានគណៈអចិន្រ្តិយ៍គណៈពង្រឹងមូលដ្ឋានស្រុកខ្សាច់កណ្តាល និងស្រុកល្វាឯម បានលើកឡើងនៅក្នុងជំនួបសំណេះសំណាលជាមួយសមាជិកសមាជិកាគណបក្សប្រជាជនកម្ពុជានៅឃុំព្រែកឬស្សី និងឃុំសំបួរ ក្នុងស្រុកល្វាឯម ខេត្តកណ្តាល ថ្ងៃទី២០ ខែកក្កដា ឆ្នាំ២០១៨ ថា ថ្ងៃដែលកម្ពុជាចាកផុតជីវិតពីរបបប្រល័យពូជសាសន៍ ប៉ុល ពត ដែលកាលនោះប្រជាពលរដ្ឋកម្ពុជាទូរទាំងប្រទេស រងនូវការបណ្ដេញចេញពីលំនៅឋាន គ្មានសាលារៀន គ្មានសិស្ស  គ្មានវត្តអារាម គ្មានព្រះសង្ឃ ហេដ្ឋារចនាសម្ព័ន្ធនានាត្រូវបានកាត់ ផ្ដាច់ ប្រជាពលរដ្ឋត្រូវបង្ខំឱ្យធ្វើការហួសកម្លាំង ហូបចុកមិនគ្រប់គ្រាន់ និងបានកាប់សម្លាប់យ៉ាងរង្គាល សំឡេងធ្លាប់ តែអ៊ូរអ៊បានប្រែក្លាយជាស្ងាត់ជ្រងំ ពាក់ព័ន្ធបញ្ហានេះបណ្ដាលឱ្យអ្នកស្នេហាជាតិរបស់គណបក្សប្រជាជនកម្ពុជា ដែលនៅសេសសល់ពីការកាប់សម្លាប់ បានប្រមូលផ្ដុំជាកម្លាំងមហាសាមគ្គីមួយបង្កើតបានជារណស្សិ ២ ធ្នូ ១៩៧៨ ដោយបានប្រមូលផ្ដុំអ្នកស្នេហាជាតិគ្រប់ទិសទី ហើយបានផ្ដួលរំលំរបបប៉ុល ពត ដោយជោគជ័យនៅថ្ងៃទី០៧ ខែមករា ឆ្នាំ១៩៧៩។

ភ្នំពេញ៖ លំនៅឋានប្រជាពលរដ្ឋជាង១០០ខ្នងស្ថិតនៅជាប់មាត់ស្ទឹងព្រែកត្នោត និងស្ថិតនៅក្នុងសង្កាត់ចំនួន៨របស់ខណ្ឌដង្កោ រាជធានាភ្នំពេញ ត្រូវបានទទួលរងនូវការលិចលង់ ដោយសារទឹកជំនន់ទឹកភ្លៀងដែលជន់ឡើងតាមស្ទឹងខាងលើ បើគិតត្រឹមថ្ងៃសុក្រ ទី២០ ខែកក្កដា ឆ្នាំ២០១៨នេះ។

សៀមរាប៖ ផ្លូវប្រវែង២៣០០ម៉ែត្រនៅក្នុងភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប បានជួសជុលរួចរាល់ និងបុណ្យឆ្លងដាក់ឲ្យប្រើប្រាស់ជាផ្លូវការនាព្រឹកថ្ងៃទី២០ ខែកក្កដា ឆ្នាំ២០១៨នេះ ដោយមានការនិមន្តអញ្ជើញចូលរួមពីព្រះសង្ឃ អាជ្ញាធរមូលដ្ឋាន សិស្សានុសិស្ស និង ប្រជាពលរដ្ឋ។ ថវិកាដែលត្រូវចំណាយលើការជួសជុលនេះ អស់ទឹកប្រាក់ចំនួន៩៥១០ដុល្លារអាម៉េរិក ដែលថវិកាទាំងនេះ បានមកពីកម្លាំងមហាសាមគ្គីរបស់ព្រះសង្ឃ និងលោក មេភូមិ ប្រជាពលរដ្ឋក្នុងភូមិ បានចូលរួមឧបត្ថម្ភក្នុងរយ:ពេលកន្លងមក។

នៅថ្ងៃទី២០ ខែកក្កដា ឆ្នាំ២០១៨នេះ គ.ជ.ប. បានបញ្ជាក់ថា ការបោះឆ្នោតជ្រើសតំណាងរាស្រ្តរាស្រ្ត អាណត្តិទី០៦ ប្រព្រឹត្តទៅតែ១ថ្ងៃគត់ គឺថ្ងៃអាទិត្យ ទី២៩ ខែកក្កដា ឆ្នាំ២០១៨ ខាងមុខ មិនមានច្រើនថ្ងៃដូចការឃោសនាបំភ្លៃការពិតរបស់ក្រុមមួយចំនួនឡើយ។ គ.ជ.ប. បញ្ជាក់ទៀតថា ការបោះឆ្នោតជ្រើសតាំងតំណាងរាស្រ្ត អាណត្តិទី០៦ នឹងប្រព្រឹត្តទៅតែ១ថ្ងៃគត់ គឺថ្ងៃអាទិត្យ ទី២៩ ខែកក្កដា ឆ្នាំ២០១៨ ដោយចាប់ផ្តើមម៉ោង០៧៖០០នាទីព្រឹក និងបញ្ចប់នៅម៉ោង៣៖០០នាទីរសៀល៕ម.ន

ត្បូងឃ្មុំ ៖ នៅក្នុងពិធីសម្ពោធសាលាសន្សំកុសលមួយកន្លែង នាព្រឹកថ្ងៃទី២០ ខែកក្កដា ឆ្នាំ២០១៨ នៅភូមិចម្លាក់ ឃុំចក ស្រុកអូររាំងឪ ខេត្តត្បូងឃ្មុំ ដែលមានប្រជាពលរដ្ឋចូលរួមជាច្រើននាក់ ឯកឧត្តម សាយ សំអាល់ បេក្ខជនតំណាងរាស្រ្តមណ្ឌលត្បូងឃ្មុំ និងប្រធានក្រុមការងារថ្នាក់កណ្តាល ចុះជួយស្រុកត្បូងឃ្មុំ បានលើកឡើងអំពីសារៈប្រយោជន៍ នៃការបោះឆ្នោតជ្រើសតាំងតំណាងរាស្រ្តនីតិកាលទី៦ ឆ្នាំ២០១៨។ ឯកឧត្តម សាយ សំអាល់បានលើកឡើងថា ប្រសិនបើបងប្អូនប្រជាពលរដ្ឋមិននាំគ្នាទៅបោះឆ្នោត គឺមានន័យថាមិនគាំទ្ររបបរាជានិយមអាស្រ័យរដ្ឋធម្មនុញ្ញ បោះបង់ចោលលទ្ឋិប្រជាធិបតេយ្យ ស្មើនឹងដើរចេញពីកិច្ចព្រមព្រៀងទីក្រុងប៉ារីសផងដែរ។