ភ្នំពេញ ៖ រថយន្តហុីយ៉ាន់ដាយ មួយគ្រឿងប្រភេទទេសចរណ៍ ដែលបេីកបរដោយបុរសម្នាក់ជាជនជាតិចិន  បានពន្លះទ្រូងផ្លូវក្នុងបរិវេនកោះពេជ្រ យ៉ាងពេញទំហឹងបណ្ដាលឲ្យរងការខូចខាតយ៉ាងដំណំ និងរងរបួសធ្ងន់ កាលពីវេលាម៉ោង៣  និង៥០នាទីរំលងអាធ្រាត្រ ឈានចូលថ្ងៃទី២៦ ខែមិថុនា ឆ្នាំ២០២០ ស្ថិតនៅបរិវេនកោះពេជ្រ ក្បែរស្ពានឥន្ធូរ  ក្នុងសង្កាត់ទន្លេបាសាក ខណ្ឌចំការមន រាជធានីភ្នំពេញ។ តាមប្រភពព័ត៌មានពីសន្តិសុខក្នុងកោះពេជ្រ បានឲ្យដឹងថា មុនកេីតហេតុគេឃេីញរថយន្តបង្កម៉ាក ហុីយ៉ាន់ដាយ  ប្រភេទរថយន្តទេសចរណ៍ ពណ៌ខ្មៅ ពាក់ស្លាកលេខ ភ្នំពេញ 2AZ- 3557 បានធ្វេីដំណេីរពីកេីតមកលិច ក្នុងល្បឿនយ៉ាងលឿន។ លុះមកដល់ចំណុចកេីតហេតុក្បែរ និងស្ពានឥន្ធូរ បានបុកទ្រូងផ្លូវយ៉ាងពេញទំហឹង បណ្ដាលឲ្យរថយន្តបង្កក្រឡាប់ជាច្រេីនត្រឡប់  រងការខូចខាតយ៉ាងដំណំ និងធ្វេីឲ្យតៃកុងជាជនជាតិចិន បេីកបរតែម្នាក់ឯងរងរបួសធ្ងន់ ផងដែរ។ ក្រោយកេីតហេតុភ្លាមៗ សន្តិសុខ ក្នុងកោះពេជ្រ បានទាក់ទងទៅខាងរថយន្តសាមុយឲ្យមកដឹកជនរងគ្រោះទៅសង្គ្រោះអាយុជីវិត រួចទាក់ទងទៅសមត្ថកិច្ចមូលដ្ឋានឲ្យចុះមកពិនិត្យដល់កន្លែងកេីតហេតុ។ បន្ទាប់មកសមត្ថកិច្ចជំនាញចរាចរណ៍ខណ្ឌចំការមន ធ្វេីការវាស់វែងយករថយន្តបង្កខាងលេីទៅរក្សាទុកនៅការិយាល័យចរាចរណ៍ជេីងគោក នៃស្នងការដ្ឋាននគរបាលរាជធានីភ្នំពេញ  ដេីម្បីរង់ចាំដោះស្រាយតាមក្រោយ៕ ដោយ៖ ជីម ភារ៉ា …

ភ្នំពេញ៖ កម្លាំងសមត្ថកិច្ចព្រហ្មទណ្ឌកម្រិតស្រាល រាជធានីភ្នំពេញ បានសហការជាមួយកម្លាំងនគរបាលខណ្ឌទួលគោក ដេញចាប់ខ្លួនចោរឆក់កាបូបអ្នកលក់កាហ្វេម្នាក់បានសម្រេច ខណៈដែលព្យាយាមជិះគេចខ្លួនប៉ុន្ដែ រត់មិនរួចពីសំណាញច្បាប់របស់សមត្ថកិច្ច ។ ករណីនេះបានកេីតឡេីងនៅ វេលាម៉ោង៣ រសៀល ថ្ងៃទី២៥ ខែមិថុនា ឆ្នាំ២០២០  នៅតាម បណ្តោយផ្លូវលេខ ៥៩៨ សង្កាត់បឹងកក់ ២ ខណ្ឌ ទួលគោក រាជធានី ភ្នំពេញ។ តាមប្រភពព័ត៌មានបានឲ្យដឹងថា ជនសង្ស័យ បានមកផឹកកាហ្វេនៅហាងរបស់នារីរងគ្រោះដែលមាន អាស័យដ្ឋាន ដូចខាងលើប្រហែលវេលាម៉ោង ១២ជាង បានផឹកអស់ កាហ្វេ៣កែវ លុះមកដល់ម៉ោង១៥និង០០រសៀល ជនសង្ស័យបានឃើញម្ចាស់ហាងដើរទៅចូល បន្ទប់ទឹក នៅតែក្មួយ ក៏បានហៅក្មួយម្ចាស់ហាងនោះគិត លុយកាហ្វេ រួចបាន ឆ្លៀតឱកាស លួចឆក់កាបូបហើយរត់ឡើងម៉ូតូគេចខ្លួនបាត់ស្រមោល ។ បេីប្រភពពីក្មួយស្រីម្ចាស់ហាងកាហ្វេបានប្រាប់ឲ្យដឹងថា បន្ទាប់ពីឆក់កាបូបបាន សម្រេច ជនសង្ស័យ បានរត់ឡើងម៉ូតូម៉ាក  Version ពណ៌ខ្មៅ ដែលពាក់ស្លាក់លេខ ភ្នំពេញ 1GJ-5494 ជិះទៅបាត់ ដោយខ្លួនជាស្រីខំចាប់ដែលតែមិនឈ្នះ។ ក្រោយកើតហេតុ សមត្ថកិច្ច…

ភ្នំពេញ៖ បុរសម្នាក់ជាអ្នករត់ម៉ូតូឌុប បានខ្យល់គរ ដេកស្លាប់នៅក្នុងបន្ទប់ជួល បង្កឲ្យមានការភ្ញាក់ផ្អើលកាលពីវេលាម៉ោង ៦ប្រលប់ ថ្ងៃទី២៥ ខែមិថុនា ឆ្នាំ២០២០ នៅចំណុចផ្ទះជួលមួយកន្លែងក្នុងភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ ជនរងគ្រោះ(ស្លាប់)មានឈ្មោះ ទូច រ៉ាម៉េត ភេទប្រុស អាយុ៤៤ឆ្នាំ មុខរបររត់ម៉ូតូឌុប ស្នាក់នៅបន្ទប់ជួលកន្លែងកើតហេតុខាងលើមានស្រុកកំណើត ភូមិត្រពាំងដា ឃុំស្នំក្រពើ ស្រុកគងពិសី ខេត្តកំពង់ស្ពឺ។ ឯប្រពន្ធ មិនអត្តសញ្ញាណនោះទេ មុខរបរធ្វើការរោងចក្រ ស្នាក់ជាមួយគ្នា។ បេីតាមប្រភព័ត៌មានពីប្រជាពលរដ្ឋរស់នៅក្បែរកន្លែងកើតហេតុបានប្រាប់ឱ្យដឹង ថាជនរងគ្រោះមានជម្ងឺសន្លាក់ប្រចាំកាយរយៈពេលជាច្រើនឆ្នាំកន្លងមកហើយៗសព្វថ្ងៃរូបគាត់ប្រកបមុខរបរត់ម៉ូតូឌុប បានព្រឹកខ្វះល្ងាចបានល្ងាចខ្វះព្រឹក និងមានជីវភាពខ្វះខាតគ្នានលុយកាក់គ្រប់គ្រាន់ទៅព្យាបាលជំងឺនផះទេ នឹងខំប្រឹងរត់ម៉ូតូឌុបទាំងខ្លួនឈឺត្រដរទៀតផង។ ប្រភពដដែលបានបន្តទៀតថា នៅមុនពេលកើតហេតុជនរងគ្រោះបានត្អូញត្អែប្រាប់អ្នកជិតខាងថាមិនស្រួលខ្លួន បន្ទាប់មកអ្នកជិតខាងក៏បានខលប្រាប់ប្រពន្ធដែលកំពុងធ្វើការនៅរោងចក្រ ឲ្យចុះមកមើលប្ដី លុះពេលប្រពន្ធបានមកដល់ បានជួយកោសខ្យល់ប្តីសព្វគ្រប់រួចរាល់ហើយ រួចប្រពន្ធប្រាប់ប្តីថា ត្រឡប់ទៅធ្វើការវិញហើយ។ លុះដល់ម៉ោងកើតហេតុប្រពន្ធបានចេញមកពីធ្វើការក៏ឃើញប្ដីដេកស្លាប់រឹងខ្លួនទៅហើយ រួចបង្កឲ្យមានការភ្ញាក់ផ្អើលដល់បងប្អូនរស់នៅក្បែរខាងនាំគ្នាលើកសពមកតម្កល់ទុកនៅដីឡូត៍ មួយកន្លែងវាយស្រួលរថយន្តចូលមកដឹកសពជនរងគ្រោះ ដោយសារផ្ទះកើតហេតុផ្លូវចង្អៀតពិបាករថយន្តចេញចូល។ បន្ទាប់មកនាំគ្នារាយការណ៍ជូនសមត្ថកិច្ចភ្លាម។ ក្រោយកើតហេតុ  សមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញ ចុះមកធ្វើកុសល្យវិច័យលើសពជនរងគ្រោះរួចបានប្រាប់ថាជនរងគ្រោះ ពិតជាបានស្លាប់ដោយសារជម្ងឺខ្យល់គពិតប្រាកដមែន រួចធ្វើកំណត់ហេតុប្រគល់សពជូនទៅសាច់ញាតិដឹកយកទៅធ្វើបុណ្យនៅស្រុកកំណើតតាមប្រពៃណី៕ ដោយ៖ ជីម ភារ៉ា …

ភ្នំពេញ៖ នៅព្រឹកថ្ងៃទី២៦ ខែមិថុនា ឆ្នាំ២០២០នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នឹងអញ្ជើញចូលរួមកិច្ចប្រជុំកំពូលអាស៊ាន លើកទី៣៦ ក្រោមមូលបទ «ភាពស្អិតរមួត និងការឆ្លើយតប» ដែលនឹងប្រព្រឹត្តទៅតាមរយៈប្រព័ន្ធវីដេអូពីចម្ងាយ នៅវិមានសន្តិភាព ។ អញ្ជើញអមសម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅក្នុងកិច្ចប្រជុំរួមមាន៖ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ, ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម, ឯកឧត្តម បណ្ឌិតសភាចារ្យ ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា, ឯកឧត្តម ម៉ម ប៊ុនហេង រដ្ឋមន្រ្ដីក្រសួងសុខាភិបាល និងលោកជំទាវ អ៊ឹង កន្ថាផាវី រដ្ឋមន្រ្តី ក្រសួងកិច្ចការនារី ព្រមទាំងឥស្សរជនជាន់ខ្ពស់ នៃរាជរដ្ឋាភិបាលកម្ពុជា មួយចំនួនទៀតផងដែរ ។ នៅក្នុងកិច្ចប្រជុំកំពូលអាស៊ាន លើកទី៣៦ តាមរយៈប្រព័ន្ធវីដេអូនេះ…

នាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈនៃអគ្គស្នងការនគរបាលជាតិបានសហការជាមួយសមាគមសហភាពយន្តនៃកម្ពុជា ផលិតខ្សែភាពយន្ត ខ្លីចំនួនបី អប់រំដើម្បីសុវត្ថិភាពចរាចរណ៍ផ្លូវគោក និងពាក់ព័ន្ធទៅនឹងគ្រោះថ្នាក់ចរាចរណ៍ ។ខ្សែភាពយន្ត ខ្លីចំនួនបីដែលត្រូវថតរួមមាន១. រឿងព្រោះតែអូន២. រឿងមហាវិថីគ្រោះថ្នាក់៣. វិប្បដិសារីឪពុកខ្ញុំមុនឈានដល់ការថតខ្សែភាពយន្ត ខ្លីចំនួនបីខាងលើនេះ នាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈនៃអគ្គស្នងការនគរបាលជាតិបានសហការជាមួយសមាគមសហភាពយន្តនៃកម្ពុជា បានធ្វើពិធីក្រុងពាលីនៅរសៀលថ្ងៃទី២៥ ខែមិថុនា ឆ្នាំ២០២០ ដោយមានការចូលរួមពីលោកឧត្តមសេនីយ៍ឯក ហេង ចាន់ធានី ប្រធាននាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈនៃអគ្គស្នងការនគរបាលជាតិ ដោយមានការចូលរួមពីតារាចម្រៀងដ៏ល្បីលោកព្រាប សុវត្ថិ រួមទាំងតារាសម្តែងមួយចំនួនទៀតផងដែរ៕  

បងប្អូនដែលធ្លាប់ដឹងទេថាសត្វកង្កែបមានស្នែង? ពិតជាមានមែន! នេះគឺជាកង្កែបស្នែងអូររាំងនៅក្នុងខេត្តមណ្ឌលគីរី។ រូបថតអង្គការ WCS