នៅថ្ងៃទី២៩ ខែឧសភា ឆ្នាំ២០២០ កន្លងទៅនេះ ឯកឧត្តម ឧត្តមសេនីយ៍ឯក  អួន សារឿន មេបញ្ជាការរងកទ័ពជើងគោក ទទួលបន្ទុកការងារហ្វឹកហ្វឺន បានអញ្ជើញជាអធិបតី ក្នុងពិធីបិទវគ្គហ្វឹកហ្វឺនពលទាហានថ្មីបំពេញ ក្របខ័ណ្ឌកងទ័ពជើងគោកឆ្នាំ២០២០។ ពិធីនេះបានប្រារព្ធធ្វើនៅមជ្ឈមណ្ឌលហ្វឹកហ្វឺនកងទ័ពជើងគោក ពេជ្រ និល ខេត្តកំពង់ស្ពឺ។ អញ្ជើញមានប្រសាសន៍ក្នុងឪកាសនោះ ឯកឧត្តម អួន សារឿន ក្នុងនាមឯកឧត្តមមេបញ្ចាការកងទ័ពជើងគោក បានថ្លែងអំណរគុណយ៉ាងជ្រាលជ្រៅចំពោះក្រសួងការពារជាតិ អគ្គបញ្ជាការនៃកងយធពលខេមភូមិន្ទ  និងស្ថាប័នពាក់ព័ន្ធទាំងអស់ ដែលបានជួយឧបត្ថម្ភទំនុកបម្រុងគ្រប់បែបយ៉ាងដល់វគ្គ និងបានកោតសរសើរដល់នាយក នាយករង នាយទាហាន នាយទាហានរង និងពលទាហាន មជ្ឈមណ្ឌលហ្វឹកហ្វឺនកងទ័ពជើងគោក យោធាចារ្យ សិក្ខាកាមទាំងអស់ បានពុះពាររាល់ការលំបាករហូត ធ្វើឲ្យវគ្គហ្វឹកហ្វឺននេះបានបញ្ចប់ទទួលបានលទ្ធផលល្អប្រសើរ និងគួជាទីមូទនៈ ។ ឯកឧត្តម អួន សារឿន បានបន្តទៀតថា ក្នុងរយៈ ០៣ ខែ កន្លងទៅ ដែលក្មួយៗបានឆ្លងកាត់ និងបានទទួលចំណេះដឹង ចំណេះធ្វើទូទៅផ្នែកកងទ័ព ដែលសាលា គ្រូយោធាចារ្យបានផ្តល់ដល់ក្មួយៗ។ សម្រាប់អនាគតក្មួយៗត្រូវមានចក្ខុវិស័យ ក្នុងការបង្កើនសមត្ថភាពចំណេះដឹង និងចំណេះធ្វើទៅតាមការវិវឌ្ឃន៍សភាពការណ៍ថ្មីៗ និងភាពជឿនលឿនផ្នែកបច្ចេកវិទ្យាលើពិភពលោកផងដែរ។…

ភ្នំពេញ៖ ស្ត្រីម្នាក់រួមដំណើរ និងកូនប្រុសម្នាក់ទៀតបើករថយន្តម៉ាក ម៉ាស្តារ មួយគ្រឿងក្នុងល្បឿនលឿនបានរេចង្កូតទៅបុករះម៉ូតូកង់បីចំនួន ៣គ្រឿង ដែលចតបន្តកន្ទុយគ្នានៅតាមចិញ្ចើមផ្លូវ និងបង់សម្រាប់អង្គុយលេងរបស់ក្រុមហ៊ុនស្រាបៀរកម្ពុជាបណ្ដាលឲ្យបាក់ខ្ទេចខ្ទី និងរងរបួសបុរសម្នាក់ បង្កការភ្ញាក់ផ្អេីលកាលពីវេលាម៉ោង៩ យប់ថ្ងៃទី ២៩ ខែឧសភា  ឆ្នាំ២០២០ នៅចំណុចមុខច្រកចូលបុរីជីបម៉ុងផ្នែកខាងលិច តាមបណ្ដោយផ្លូវ ១០១៥ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថា  មុនកើតហេតុគេឃើញស្ត្រី ម្នាក់រួមដំណើរ និងកូនប្រុសម្នាក់ទៀតបើករថយន្តម៉ាស្តារមួយគ្រឿង ពណ៌ក្រហម ពាក់ស្លាកលេខភ្នំពេញ2AX-1268ធ្វើដំណើរទិសដៅពីជើងទៅត្បូងក្នុងល្បឿនលឿន លុះមកដល់ចំណុចកើតហេតុខាងលើបានរេចង្កូតមកខាងស្តាំ ដៃជ្រុលទៅបុករះម៉ូតូកង់បីឥណ្ឌាចំនួន៣គ្រឿង ដែលជាប់បន្តកន្ទុយគ្នានៅតាមចិញ្ចើមផ្លូវនឹងបង់សម្រាប់អង្គុយលេង របស់ក្រុមហ៊ុនស្រាបៀរកម្ពុជាបាក់ខ្ទេចខ្ទីអស់មួយ និងខ្ទាតម៉ូតូកង់បីចំនួន ២គ្រឿងមកកណ្ដាលផ្លូវកៀប និងរថយន្តទៅមុខលែងរួច ក្នុងនោះក៏មានបុរសម្ចាស់កង់បីម្នាក់រងរបួសជើងផងដែរ។ ក្រោយមកសមត្ថកិច្ចមូលដ្ឋាន និងជំនាញខណ្ឌបានចុះមកដល់បានយករថយន្ត និងចំណែកម៉ូតូកង់បី និងរថយន្តសមត្ថកិច្ចយកទៅរក្សាទុកដើម្បីដោះស្រាយគ្នានៅពេលក្រោយ ៕ ដោយ៖ ជីម ភារ៉ា

ភ្នំពេញ៖ បុរសម្នាក់ដែលអះអាងថាខ្លួនជាមន្រ្តីសមត្ថកិច្ច បានបើករថយន្ត Lexus  មិនប្រយ័ត្នជ្រុលទៅបុករថយន្តដឹកទំនិញដែលចតចោលលើចិញ្ចើមផ្លូវ បណ្តាលឱ្យរងការខូចខាតផ្នែកខាងមុខយ៉ាងដំណំ។ ហេតុការណ៍នេះបានកើតឡើងនៅវេលាម៉ោង១០និង៣០នាទីយប់ ថ្ងៃទី២៩ ខែឧសភា ឆ្នាំ២០២០ នៅតាមបណ្តោយផ្លូវបេតុងលេខ៣៨សេ ភូមិទ្រ្ទា២ សង្កាត់ស្ទឹងមានជ័យ១ ខណ្ឌមានជ័យ ។ យោងតាមប្រភពពីកន្លែងកើតហេតុបានឱ្យដឹងថា រថយន្តដែលរងការខូចខាតនោះម៉ាក Lexus ៣៣០ ពណ៌ស ស្លាកលេខ ភ្នំពេញ2AW-0575 នៅក្នុងរថយន្តមានឯកសណ្ឋានកងរាជអាវុធហត្ថស័ក្ត៣ ដែលមានឈ្មោះ វ៉ាន់ សុភី។ ចំណែកឯរថយន្តដឹកទំនិញមានម៉ាក HYUANDAI ពណ៌ស ស្លាកលេខ3D-5552 ចតចោលនៅលើចិញ្ចើមផ្លូវ។ តាមការរៀបរាប់ពីបុរសដែលជាអ្នកបើករថយន្ត Lexus RX330 ខាងលើបានឱ្យដឹងថា មុនពេលកើតហេតុគាត់បានរថយន្តក្នុងទិសដៅពីលិចទៅកើតក្នុងល្បឿនល្មមដែល ពេលមកដល់ចំណុចកើតហេតុដោយសារតែផ្លូវមានសភាពងងឹតផង នឹងរាងធ្លាក់ភ្នែកផងមើលមិនទាន់ក៏ជ្រុលទៅបុករថយន្តហុីយ៉ាន់ដាយពីក្រោយពេញទំហឹងតែម្តង  បណ្ដាលឱ្យរថយន្តបង្កខូចខាតផ្នែកខាងមុខ តែមិនបណ្តាលឱ្យមានអ្នករងរបួសនោះទេ។ ចំណេកឯរថយន្តដឹកទំនិញនោះរងការខូចខាតផ្នែកខាងក្រោយបន្តិចបន្តួចតែប៉ុណ្ណោះ។ ក្រោយពេលកើតហេតុសមត្ថកិច្ចមូលដ្ឋានប៉ុស្តិ៍នគរបាលស្ទឹងមាន១ បានចុះទៅដល់កន្លែងកើតហេតុភ្លាមៗ នឹងបានធ្វើការសម្របសម្រួលដោយភាគីខាងរថយន្តដឹកទំនិញព្រមជួយថ្លៃខូចខាតទៅឲ្យរថយន្ត Lexus ចំនួន៣៥០ដុល្លា ដើម្បីបញ្ចប់រឿងនៅកន្លែងកើតហេតុ៕ដោយ៖ ជីម ភារ៉ា …

ភ្នំពេញ៖ រថយន្តកុងតឺន័រមួយគ្រឿង បេីកឡេីងស្ពានព្រះមុន្នីវង្សចាស់ ក្នុងល្បឿនលឿនបានបួងចង្កូតខ្លាំងពេក បណ្ដាលឲ្យក្រឡាប់ផ្ញារជេីងម្ខាង រងការខូចខាតយ៉ាងដំណំ តែមិនបង្ករឲ្យនណាម្នាក់រងរបួសនោះទេ ហេតុការណ៍នេះបង្ករការភ្ញាក់ផ្អេីលនៅវេលាម៉ោង ១២:០០នាទីរំលងអធ្រាត្រ ឈានចូលថ្ងៃទី ៣០ខែ ឧសភា ឆ្នាំ២០២០ ស្ថិតនៅតាមបណ្ដោយផ្លូវជាតិលេខ១ ត្រង់ចំណុចលេីស្ពានព្រះមុន្នីវង្សចាស់ ក្នុងភូមិដេីមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។ តាមប្រភពព័ត៌មានពីកន្លែងកេីតហេតុ បានឲ្យដឹងថា នៅមុនពេលកេីតហេតុ គេបានឃេីញរថយន្តកុងតឺន័រមួយគ្រឿង ក្បាលពណ៌ស ពាក់ស្លាកលេខ ភ្នំពេញ 3C-8196 ធ្វេីដំណេីរតាមបណ្ដោយផ្លូវជាតិលេខ១ ឡេីងស្ពានព្រះមុន្នីចាស់(ស្ពានច្បារអំពៅ) ក្នុងទិសដៅពីកេីតទៅលិច បេីកបរក្នុងល្បឿនលឿន ខណៈមកដល់ចំណុចកេីតហេតុខាងលេី ដោយស្ថានភាពផ្លូវកោងផងនោះ បានបួងចង្កូតខ្លាំងពេក បណ្ដាលឲ្យរថយន្តក្រឡាប់ផ្ញេីរជេីងម្ខាង រងការខូចខាតយ៉ាងដំណំ តែមិនបង្ករឲ្យនរណាម្នាក់រងរបួសនោះទេ ។ ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ ដោយឃេីញថា មិនបង្ករឲ្យនរណាម្នាក់រងរបួស និង មិនបង្ករឲ្យខូចខាតដល់សម្បត្តិរដ្ឋ សមត្ថកិច្ចក៏បានឲ្យតំណាងរថយន្តកុងតឺន័រ ហៅរថយន្តមកស្ទូច យករថយន្តទៅជួសជុលដោយខ្លួនឯង ៕ ដោយ៖ ជីម ភារ៉ា …