១. ទំហំពាណិជ្ជកម្មសរុបកម្ពុជានៅឆ្នាំ២០២១ សម្រចបានប្រមាណ ៤៦ពាន់លានដុល្លារ កើនជាង ២៩% ធៀបនឹងឆ្នាំ២០២០ – AMS Economy ២. ឆ្នាំ២០២១ អាជ្ញាធររកឃើញថ្នាំខុសច្បាប់ផលិតផលពេទ្យ គ្រឿងសំអាង និងផលិតផលក្លែងក្លាយទូទៅសរុប ១៤០ករណី ស្មើនឹងជាង ៤,៧តោន – ខ្មែរថាមស៍ ៣. រដ្ឋមន្ត្រីក្រសួងការពារជាតិ៖ កម្ពុជាចាំបាច់ត្រូវតែធ្វើទំនើបកម្មហេដ្ឋារចនាសម្ព័ន្ធកំពង់ផែរាម ដើម្បីអនុញ្ញាតឱ្យនាវាធំៗអាចចូលចតបាន មិនចំពោះតែនាវាចិនមួយទេ – កោះសន្តិភាព ៤. អាមេរិកហាមឃាត់ប្រជាជនខ្លួនធ្វើដំណើរទៅក្រុង Luhansk និងក្រុង Donetsk របស់អ៊ុយក្រែន និងតំបន់គ្រីមៀ និងបញ្ជាឱ្យសមាជិកគ្រួសាររបស់បុគ្គលិកស្ថានទូតចាកចេញពីប្រទេសនេះ – Reuters ៥. កងទ័ពកូរ៉េខាងត្បូង កំពុងតាមដានសកម្មភាពកូរ៉េខាងជើង ក្រោយទីក្រុងព្យុងយ៉ាងឱ្យតំរុយថា នឹងអាចចាប់ផ្តើមការធ្វើតេស្តអាវុធនុយក្លេអ៊ែរ និងមីស៊ីលផ្លោងអន្តរទ្វីបឡើងវិញ – Yonhap

🇹🇭 🇸🇦 នាយករដ្ឋមន្ត្រីថៃលោក Prayuth Chan-o-cha នឹងធ្វើដំណើរទស្សនកិច្ចទៅកាន់អារ៉ាប៊ីសាអ៊ូឌីតរយៈពេល ២ថ្ងៃ ចាប់ពីថ្ងៃអង្គារសប្ដាហ៍នេះ ខណៈទំនាក់ទំនងការទូតរវាងប្រទេសទាំងពីរល្អក់កករជាមួយគ្នាអស់ជាង ៣០ឆ្នាំមកហើយ។ ថៃ និងអារ៉ាប៊ីសាអ៊ូឌីតបានភ្ជាប់ចំណងការទូតជាមួយគ្នាតាំងពីឆ្នាំ១៩៥៧មក ភាគច្រើនតាមរយៈសកម្មភាពពាណិជ្ជកម្ម ការនាំចេញកម្លាំងពលកម្មពីថៃ និងសាសនា។ យ៉ាងណាមិញ កាលពីឆ្នាំ១៩៨៩ មានអ្នកថែសួនជនជាតិថៃម្នាក់ ដែលបម្រើការនៅវាំងអារ៉ាប៊ីសាអ៊ូឌីត បានលួចគ្រឿងពេជ្ររបស់ព្រះអង្គម្ចាស់ប្រទេសនេះ ដែលមានតម្លៃសរុប ២០លានដុល្លារ។ បុរសរូបនេះបានធ្វើដំណើរទៅថៃជាមួយនឹងគ្រឿងពេជ្រទាំងនោះ។ ប៉ូលិសថៃបានចាប់ខ្លួនបុរសនេះ ហើយបានដកហូតដល់គ្រឿងអលង្ការបានមួយចំនួនមកវិញ ហើយឡើងយន្តហោះប្រគល់ឱ្យខាងអារ៉ាប៊ីសាអ៊ូឌីតវិញ។ យ៉ាងណាមិញ ខាងអារ៉ាប់រកឃើញថា ត្បូងដែលជញ្ជូនមកវិញ មិនត្រឹមតែមិនគ្រប់ចំនួនទេ ថែមទាំងជាត្បូងក្លែងក្លាយទៀតផង។ ដោយសារតែមិនអស់ចិត្តនឹងខាងថៃ នៅឆ្នាំ១៩៩០ អារ៉ាប៊ីសាអ៊ូឌីតបានបញ្ជូនអ្នកធុរកិច្ចរបស់ខ្លួនមួយរូបមកស៊ើបអង្កេតដោយខ្លួនឯង តែក្រោយមកអ្នកធុរកិច្ចត្រូវបានបាត់ខ្លួន ហើយក្រោយមករកឃើញថា អ្នកការទូតអារ៉ាប៊ីសាអ៊ូឌីតចំនួន ៣រូប ត្រូវបានសម្លាប់នៅកន្លែងខុសៗគ្នា ក្នុងយប់តែមួយ។ ចាប់តាំងពីពេលនោះមក អារ៉ាប៊ីសាអ៊ូឌីតបានទម្លាក់កម្រិតការទូតជាមួយថៃ ហើយទិដ្ឋាការសម្រាប់ពលករថៃក៏បានកាត់បន្ថយ។ រីឯរដ្ឋាភិបាលថៃក៏ព្យាយាមទទូចក្នុងការធ្វើប្រក្រតីភាពប្រទេសទាំងពីរជាច្រើនលើកផងដែរ៕ ប្រភព៖ Aljazeera

ក្រោមការសម្របសម្រួលរបស់គណៈកម្មការតម្រង់ទិស និងកិច្ចខិតខំប្រឹងប្រែងរបស់ក្រុមហ៊ុន AIAI ព្រលានយន្តហោះសៀមរាប-អង្គរ គ្រោងសម្រេចឱ្យបាន ៧០ភាគរយនៅឆ្នាំ២០២២នេះ ទោះបីប្រឈមនឹងវិបត្តិជំងឺកូវីដ១៩ក្តី។ ការសាងសង់នឹងបញ្ចប់ទាំងស្រុងតាមផែនការនៅឆ្នាំ២០២៣។ យើងជឿថាខ្មែរអាចធ្វើបាន ហើយពិតជាអាចធ្វើបាន 🇰🇭

លោកថា “ហេតុដែលប្រធានាធិបតីបរាជ័យក្នុងការដោះស្រាយព្រឹត្តិការណ៍នយោបាយដែលនាំឱ្យមានវិបត្តិជាតិបច្ចុប្បន្នគឺមកពីរដ្ឋធម្មនុញ្ញ”។ Sarkissian ក្លាយជាប្រធានាធិបតីក្នុងឆ្នាំ ២០១៨ បន្ទាប់ពីប្រធានាធិបតីផុតអាណត្តិ Serzh Sargsyan។ Sargsyan ក្រោយមកត្រូវបានតែងតាំងជានាយករដ្ឋមន្ត្រី បុន្តែដោយសារមានបាតុកម្មដ៏ធំមួយទាមទារឱ្យលោកលាលែងពីតំណែង ក៏មានការតែងតាំងលោក Nikol Pashinyan ជានាយករដ្ឋមន្រ្តីវិញ។ ប្រធានាធិបតី Sarkissian និងនាយករដ្ឋមន្ត្រី Pashinyan បានខ្វែងគំនិតគ្នាកាលពីឆ្នាំមុនអំពីបញ្ហាមួយចំនួន រួមទាំងការបណ្ដេញចេញមេទ័ពរបស់ប្រទេសនេះដែរ។ ប្រភព៖ The Hill

ជំនួយអាវុធទាំងនេះកើតឡើងខណៈរុស្សីប្រមូលផ្ដុំទាហានជាង ១០០ ០០០ នាក់នៅតំបន់ជិតព្រំដែនអ៊ុយក្រែន ធ្វើឱ្យមានការព្រួយបារម្ភថារុស្សីកំពុងត្រៀមឈ្លានពានអ៊ុយក្រែន តែរុស្សីបដិសេធ។ មានការរាយការណ៍ថា ក្រសួងការពារជាតិអាមេរិកកំពុងរៀបចំជម្រើសឱ្យលោកប្រធានាធិបតី Joe Biden រារាំងកុំឱ្យរុស្សីឈ្លានពានអ៊ុយក្រែន តាមរយៈការពង្រឹងកងកម្លាំងអាមេរិកនៅអឺរ៉ុបខាងកើត។ ប្រភព៖ CNN