កម្ពុជាលុបចោលការហាមឃាត់អ្នកដំណើរ ឬអ្នកដែលបានឆ្លងកាត់ប្រទេសចំនួន១០ នៅទ្វីបអាហ្វ្រិក (Botswana, Eswatini, Lesotho, Mozambique, Namibia, South Africa, Zimbabwe, Malawi, Angola, និង Zambia) ៥ ធ្នូ ២០២១

កាលពីថ្ងៃទី២៤ តុលា លោក Bolsonaro និយាយថា៖ “របាយការណ៍ផ្លូវការពីរដ្ឋាភិបាលចក្រភពអង់គ្លេសបង្ហាញថា មនុស្សដែលទទួលវ៉ាក់សាំងពេញលេញ នឹងវិវដ្តមេរោគអេដស៍លឿនជាងការរំពឹងទុក” ប៉ុន្ដែវីដេអូនេះត្រូវបានលុបចោលប៉ុន្មានថ្ងៃក្រោយមក ដោយក្រុមហ៊ុនហ្វេសប៊ុក និង Instagram ដោយសារបំពានច្បាប់។ កាលពីខែតុលា គណៈកម្មាធិការស៊ើបអង្កេតព្រឹទ្ធសភារកឃើញថា លោក Bolsonaro បានប្រព្រឹត្តបទឧក្រិដ្ឋចំនួន ៩ករណីពាក់ព័ន្ធនឹងវីរុសកូវីដ១៩ រួមទាំងឧក្រិដ្ឋកម្មប្រឆាំងមនុស្សជាតិ ហើយស្នើសុំឱ្យតុលាការកំពូលបញ្ជាឱ្យមានការស៊ើបអង្កេត។ លោក Bolsonaro ដែលបានអះអាងថាខ្លួនមិនបានទទួលការចាក់វ៉ាក់សាំង តែងមិនយកចិត្តទុកដាក់ចំពោះវិធានការសុវត្ថិភាពក្នុងតំបន់ចាប់តាំងពីការចាប់ផ្តើមនៃជំងឺកូវីដ១៩ ហើយត្អូញត្អែរថាការរឹតបន្តឹងក្នុងគោលបំណងគ្រប់គ្រងមេរោគអាចបង្កគ្រោះថ្នាក់ច្រើនជាងផលវិជ្ជមាន។ ប្រភព៖ Al Jazeera

នៅថ្ងៃទី៣ ធ្នូ អាជ្ញាធរថៃបានស្កាត់រឹបអូសម៉ាទឹកកក ឬ មេតំហ្វេតាមីនគ្រីស្តាល់ប្រមាណ ៩០០គីឡូក្រាម នៅលើកប៉ាល់ដឹកទំនិញមួយនៅកំពង់ផែរាជធានីបាងកក ដោយកប៉ាល់នេះមានទិសដៅធ្វើដំណើរទៅកាន់កោះតៃវ៉ាន់។ ម៉ាទឹកកកទម្ងន់ជាង ៩០០គីឡូក្រាមនេះ អាចមានតម្លៃប្រមាណ ១៥-១៨លានដុល្លារ ហើយនឹងមានតម្លៃដល់៨៨លានដុល្លារ បើដឹកជញ្ជូនទៅដល់គោលដៅ។ ទីផ្សារមេតំហ្វេតាមីននៅតែបន្តរីករាលដាលនៅតំបន់អាស៊ីបូព៌ា និងអាស៊ីអាគ្នេយ៍ ទោះបីជាពិភពលោកកំពុងប្រឈមនឹងវិបត្តិជំងឺកូវីដ១៩។ ប្រភព៖ Reuters

កាលពីថ្ងៃទី៣ ធ្នូ វិទ្យាស្ថានជាតិសម្រាប់ជំងឺឆ្លង (NICD) របស់អាហ្វ្រិកខាងត្បូងបានរាយការណ៍ករណីឆ្លងជំងឺកូវីដ១៩ចំនួន ១៦ ០៥៥ករណី ដែលកើនពី ៤ ៣៧៣ករណី។ ប្រភព៖ CNN

១. គ្រោះថ្នាក់ចរាចរណ៍ ១០ករណី ស្លាប់ ៥នាក់ និងរបួសធ្ងន់ស្រាល ១៧នាក់។ ២. គ្រឿងញៀន ២៨ករណី ឃាត់ខ្លួនជនសង្ស័យ ៥៧នាក់។ ៣. កូវីដ ២៤ករណី និងជាសះស្បើយ ២១នាក់។ អ្នកឆ្លងសរុប ១២០ ២៥៦នាក់ អ្នកជាសះស្បើយ ១១៦ ៦០៩នាក់ អ្នកស្លាប់ ២ ៩៦០នាក់ ៤. បទល្មើសនឹងវិធានការសុខាភិបាលសរុប គ្មាន។ ចេញផ្សាយ ១២:៤០ ថ្ងៃទី៥ ធ្នូ ២០២១